На пікетах Ціханоўскай у Брэсце і Баранавічах праспявае оперная зорка Маргарыта Ляўчук. Ёй будзе акампанаваць піяніст-віртуоз Канстанцін Гарачы.

Трымайце фотарэпартаж Надзеі Бужан з Ваўкавыска:

https://nn.by/?c=ar&i=256350

Чарга па перамены ў Слоніме.

"Жыве Беларусь!" у Слоніме.

Мітынгі Ціханоўскай у невялікіх гарадах праходзяць у вельмі цёплай дамашняй атмасферы. Вось Слонім спявае "Разбуры турмы муры".

Жыхары Слоніма: "У 94-м Слонім прагаласаваў супраць, і ён наш горад ненавідзіць".

"Калі не зменіцца ўлада, то мы ўсёй сям'ёй проста з'едзем за мяжу!" — маладая жанчына тлумачыць, чаму яна за Ціханоўскую.

У Слоніме Трыумвірату падарылі шакаладкі "Прэзідэнт".

Святлана Ціханоўская паабяцала, калі стане прэзідэнтам, зноў прыехаць ў Слонім і з'есці шакаладку з тымі, хто яе перадаў.

Поўны ФОТАРЭПАРТАЖ з сустрэчы ў Слоніме глядзіце тут:
https://nn.by/?c=ar&i=256359

Лукашэнка з'явіўся пасля трохдзённай адсутнасці, загаварыў пра бяспеку выбаркамаў. На твары ў яго старанны тэлевізійны грым, але голас гучаў незвычайна: https://nn.by/?c=ar&i=256349

У Баранавічах а 10-й распачаўся самы ранні мітынг Ціханоўскай.

Як сустрэлі Ціханоўскую ў Баранавічах.

Праваабаронцы падлічылі: на мітынгу ў Баранавічах сабралася як мінімум 7400 чалавек.

⚡️⚡️⚡️

Пасланне Аляксандра Лукашэнкі да парламента, запланаванае на 3 жніўня, можа быць перанесенае.

https://nn.by/?c=ar&i=256363

Былы супрацоўнік крымінальнага вышуку: "Шмат сумленных міліцыянтаў цяпер знаходзяцца ў разгубленнасці".

Настаўніца на мітынгу ў Баранавічах: "Хачу, каб у маёй Беларусі гучала роднае беларускае слова".

Жанчына вельмі прасіла дапісаць наступнае: "Я таксама супраць Курапат, фізічных і маральных, а маральныя ў нас яшчэ працягваюцца".

Вельмі шматлюдна ў Брэсце. Людзі працягваюць сцягвацца ў парк, дзе праходзіць мітынг.

На шляху ад Баранавічаў да Брэста машыну са Святланай Ціханоўскай двойчы спынялі даішнікі, таму Трыумвірат крыху затрымліваецца.

Народ чакае і скандуе "Жыве Беларусь!"

Адной з машын картэжу Ціханоўскай парэзалі колы. Тысячы берасцейцаў усё яшчэ чакаюць Святлану.