АНТ: Людзі з Бангалора прыйшлі проста на канцэрт і не будуць галасаваць за Ціханоўскую

https://nn.by/?c=ar&i=256326

Кандыдат у прэзідэнты Святлана Ціханоўская, а таксама Марыя Калеснікава і Вераніка Цапкала 1 жніўня правядуць сустрэчу з выбарцамі ў Гродне. Яна пачнецца а 12.00 у Каложскім парку.

У той самы дзень Ціханоўская наведае Ваўкавыск (сустрэча прызначаная а 15.30 на аўтастаянцы на набярэжнай па вуліцы Маркса) і Слонім (19.00, стадыён «Дынама»).

Што будзе з курсам пасля выбараў? Ці ўключыць Нацбанк «друкарскі станок»? І ці магчымы крызіс маштабаў 2011 года?

Эканамісты дзеляцца з «Нашай Нівай» прагнозам: https://nn.by/?c=ar&i=256313

«Толькі не 3%». Паразмаўлялі пра палітыку з беларусамі, якія будуць упершыню галасаваць на прэзідэнцкіх выбарах

https://nn.by/?c=ar&i=256100

Гарадзенцы ідуць у Каложскі парк, дзе хутка адбудзецца сустрэча з Ціханоўскай.

Мужчына прыйшоў з партрэтам Лукашэнкі, каб даказаць, што ў дзейнага кіраўніка краіны рэйтынг большы, чым 3%.

Пляцоўка перад сцэнай ужо запоўнена людзьмі. Народ працягвае падцягвацца.

Гарадзенец прыйшоў на мітынг з маленькім сынам. Ён распавёў нам, навошта прыйшоў і чаго чакае ад будучых выбараў.

Яшчэ аднаго жыхара Гродна на мітынг выцягнуў сын.

Ціханоўская ідзе праз шматтысячны натоўп сваіх выбарцаў у Гродне.

Відэа: @harbatsevich

У Ваўкавыску ідзе моцны дождж. Праз складаныя ўмовы надвор'я мітынг крыху адкладваецца.

Паглядзіце фотарэпартаж з мітынгу ў Гродне ад Надзеі Бужан:

https://nn.by/?c=ar&i=256342

Ваўкавыск сустракае Святлану Ціханоўскую!

Хлопец з Ваўкавыска прызнаўся, што нават на святах не бачыў столькі людзей, колькі прыйшло на мітынг Ціханоўскай.

Штаб Ціханоўскай анансаваў новы мітынг ў Мінску — 6 жніўня а 17.00 у парку Дружбы народаў. Гэтым разам яе падтрымае зорны склад беларускіх рок-музыкаў.

Будуць VOLSKI, J:МОРС, NIZKIZ, TOR BAND, КРАМА. Весці канцэрт будуць Каця Пытлева, Віталь Воднеў, Антон Мартыненка.

На пікетах Ціханоўскай у Брэсце і Баранавічах праспявае оперная зорка Маргарыта Ляўчук. Ёй будзе акампанаваць піяніст-віртуоз Канстанцін Гарачы.

Трымайце фотарэпартаж Надзеі Бужан з Ваўкавыска:

https://nn.by/?c=ar&i=256350

Чарга па перамены ў Слоніме.

"Жыве Беларусь!" у Слоніме.