З партрэтам Сталіна і пралетарскімі лозунгамі: як у Мінску ўшанавалі ўгодкі Кастрычніцкай рэвалюцыі


ФОТАРЭПАРТАЖ:
https://nn.by/?c=ar&i=240679

8 лістапада а 18.00 на плошчы Свабоды ў Мінску пачынаецца акцыя, ініцыяваная беларускімі блогерамі. «НН» будзе весці з яе анлайн-рэпартаж.

17:46
З пікета першага сакратара Мінскага гаркама БРСМ Клішэвіча раве музыка са «Славянскага Базара»: «Зажигает молодёжь, танцует вся страна».

Клішэвіч кажа, што тут «магутнасць і моц моладзі» і што можа даць адлуп любому крытыку. Каля намёта танцуе ажно 30 чалавек.

Вось у такім выглядзе «прынеслі» блогера.

17:51

На плошчы ёсць каля сотні чалавек, людзі разбітыя на 2 часткі. Адна частка слухае прамоўцу, які расказвае пра чорную ноч беларускай літаратуры. Другая частка людзей выказвае сваю крыўду адзін аднаму.

Легендарная Ніна Багінская таксама тут.

https://nn.by/?c=ar&i=240714

18:02

На месцы з’явіўся стыхійны лідар — індывідуальны прадпрымальнік у сіняй куртцы.

Ён выказвае прэтэнзіі да ўладаў: «Нашы прэтэнзіі ніхто не чуе».

«Паўмільёны юрыстаў у краіне, і ніхто не звяртае ўвагі на тое, што законы не працуюць», — кажа прадпрымальнік.

18:03

Адзін з амапаўцаў зламаў «папяровага» Nexta.

18:07

Кагосьці з удзельнікаў акцыі зацягнулі ў будынак ратушы.

Людзі звяртаюцца да міліцэйскага начальніка Балабы, каб чалавека вызвалілі. Яны хвалююцца, што яго там будуць збіваць, патрабуюць ад Балабы адчыніць дзверы, ён не адчыняе.

18:10

Некаторыя «ціхары», прысутныя на акцыі, маюць куртку «БРСМ».

18:11

На акцыі ўжо больш за 1000 чалавек.

18:14

Разбілі гукавое абсталяванне.

Чалавек, якога завалаклі ў ратушу — Андрэй Шарэнда.

Але яго ў выніку не сталі затрымліваць і адпусцілі.

Кед ціхара, які разбіў калонку.

Паводле ацэнак журналістаў «Нашай Нівы», акцыя сабрала каля 500 удзельнікаў.

Адметнасць гэтай акцыі ва ўзроставым складзе: абсалютная большасць гэта 17-35 гадоў.