Санкцыі ЗША стварылі пагрозу для ўнутраных пазык Беларусі ў далярах

ЗША ўвялі пяты пакет санкцый супраць Беларусі, забараніўшы сваім грамадзянам купляць яе новыя дзяржпаперы незалежна ад валюты. Краіна, якая займае ў далярах і на ўнутраным рынку, можа пазбавіцца такой магчымасці ў будучыні.

Эксперты лічаць, што Мінфін Беларусі, хутчэй за ўсё, пазбавіцца магчымасці прыцягваць даляры на ўнутраным рынку, паколькі амерыканскія банкі-карэспандэнты павінны будуць спыніць абслугоўванне гэтых транзакцый.

Чытайце па спасылцы

Дар'я Домрачава: Любая дзяржава ў сваёй гісторыі праходзіць праз складаныя часы

Вядомая беларуская біятланістка Дар'я Домрачава ў інтэрв'ю «МатчТБ» распавяла пра сваё стаўленне да сітуацыі ў Беларусі.

— Наколькі моцна трывожыць вас усё, што звязана з вядомымі падзеямі ў Беларусі і якая рэакцыя на гэтыя падзеі?

— На сэрцы неспакойна, перажываю як любы нармальны чалавек. Хочацца, каб краіна квітнела і развівалася, жыла мірным жыццём. Любая дзяржава ў сваёй гісторыі праходзіць праз складаныя часы. Веру, што Беларусь гэта пераадолее і ўсё ў маёй краіны і майго народа складзецца добра.

— Кранаюць крытычныя воклічы: «Домрачава не выказала свайго стаўлення»?

— Калі арыентавацца на воклічы і каментарыі ў сеціве, не ведаю, як увогуле жыць на свеце. Не лічу арыенцірам чужое меркаванне, стараюся кіравацца ўласнымі думкамі і адчуваннямі. Крытыкуюць? Ва ўсіх ёсць права. Як і на выбар стаўлення да крытыкі.

Домрачава дадала, што ў Беларусі была ў канцы кастрычніка, калі ў няні скончылася кітайская віза.

Сайт фонда і сацсеткі BYSOL прызнаны экстрэмісцкім фарміраваннем.

Што будзе з рэйсамі «Белавія» і цэнамі на квіткі, калі так шмат забаронаў?

ЕС уключыў у санкцыйны спіс «Белавію», а ранейшыя абмежаванні ўжо паўплывалі на дзейнасць авіякампаніі: флот скарасціўся амаль у два разы.

Што будзе далей, чытайце па спасылцы.

«Знішчаюць найлепшае, што засталося ў адукацыі». Рэпетытар Яўген Лівянт расказаў, што ў Мінску закрываюць ліцэі

Гісторыя з магчымым закрыццём ліцэяў пачалася яшчэ вясной гэтага года. У красавіку на сайце мінскага Ліцэя № 1 з’явілася аб’ява аб тым, што новага набору вучняў не будзе. Міністр адукацыі тады паведамляў, што гэтая інфармацыя фэйк і ліцэй закрываць ніхто не плануе.

Цяпер тэма закрыцця ліцэяў стала зноў актуальнай. Праўладныя тэлеграм-каналы абвінавачваюць вядомага педагога Лівянта ў хлусні і ўсяляк зневажаюць за апублікаваную ім інфармацыю. Афіцыйных каментароў ад Міністэрства адукацыі пакуль няма.

Пры гэтым, мяркуючы па навінах з мінскіх і абласных ліцэяў, горшыя асцярогі педагогаў і бацькоў пацвярджаюцца.

Чытайце па спасылцы

У Ваўкавыску дзве дзяўчынкі выпілі гарэлку і трапілі ў рэанімацыю

У Ваўкавыску дзве дзяўчынкі ўзросту 13 і 14 гадоў, пакуль бацькоў не было дома, купілі чыпсы, дзіцячае шампанскае, паведамляе УУС Гродзенскага аблвыканкама. А затым знайшлі пляшку гарэлкі і выпілі.

Калі дадому вярнуліся бацькі, дзяўчынкі былі без прытомнасці. Яны тут жа выклікалі хуткую.

Дзеці апрытомнелі толькі ў рэанімацыі. У крыві абедзвюх выявілі больш за два праміле алкаголю — гэтая доза можа стаць смяротнай нават для дарослага.

Птушкай 2022 года выбраная белая сініца — невялікая прыгожая пеўчая птушка, якая жыве ў нас толькі на Палессі

Менавіта за яе кандыдатуру прагаласавалі сябры Аховы птушак Бацькаўшчыны. Яна змяніла леляка — птушку 2021 года, паведамляе сайт АПБ.

Што ж гэта за птушка? 10 фактаў пра яе чытайце па спасылцы.

Магілёвец дрэнна спеў песню ў караоке і застаўся без зубоў

33-гадовы магілёвец стаў ахвярай хуліганскай выхадкі незнаёмца. Мужчына адпачываў у адным з караоке-бараў горада, дзе незнаёмы збіў яго, паведамляе прэс-служба УУС Магілёўскага аблвыканкама.

38-гадовы дырэктар адной з арганізацый горада, раней не судзімы мужчына, быў п'яны. Яму не спадабалася, як іншы наведвальнік выконваў адну з яго любімых музычных кампазіцый у караоке. Калі апошні выйшаў на сцэну і заспяваў, мужчына падышоў да яго, каб выказаць сваю незадаволенасць. Паміж наведвальнікамі завязалася лаянка, а пасля адзін з іх ударыў па твары іншага, выбіўшы апаненту зубы.

Завялі крымінальную справу.

Ва ўкраінскай Вярхоўнай Радзе вынеслі на галасаванне пытанне аб прадастаўленні памперсаў Зяленскаму

Пазафракцыйны нардэп Геа Лерас прапанаваў забяспечыць Уладзіміра Зяленскага памперсамі на выпадак новых дзяржпераваротаў. Яго падтрымалі 10 дэпутатаў, у тым ліку два сябры партыі «Слуга народа». Таксама Лерас прапаноўваў адправіць Зяленскага ў былую рэзідэнцыю Януковіча на залаты ўнітаз — гэта ўхвалілі толькі двое нардэпаў.

Парламентарый Аляксей Ганчарэнка вынес на галасаванне прапанову падарыць прэзідэнту сінтэзатар «для падтрымкі сцэнічных навыкаў і падрыхтоўкі другога выпуска шырока вядомага шоу «Браты Цыцько — ігра без штаноў».

Сваім зваротам парламентарый Аляксей Ганчарэнка хацеў патроліць Зяленскага за адзін з нумароў «Вячэрняга квартала», у якім Зяленскі граў на піяніне без рук. Ганчарэнку падтрымалі толькі 8 парламентарыяў.

Нагадаем, што раней Уладзімір Зяленскі заяўляў, што на 1 снежня планаваўся дзяржаўны пераварот, да якога нібыта быў датычны алігарх Рынат Ахметаў.

Ці сустракаліся ў Швецыі Макей і Ціханоўская?

Міністр замежных спраў Уладзімір Макей прыляцеў у Швецыю для ўдзелу ў мерапрыемствах АБСЕ. У гэтыя ж дні ў Стакгольме знаходзіцца Святлана Ціханоўская. Ці не было ў кулуарах сустрэчы чыноўніка з апазіцыяй?

Што пра гэта вядома, чытайце па спасылцы.

«Мы тыя нямногія, каму пашанцавала». Мігранты расказалі пра брутальнае падарожжа з Беларусі ў Еўропу

Журналісты Moscow Times сачылі за падарожжам шасці сірыйскіх мужчын з Мінска ў Нідэрланды. Сірыйцы расказалі пра здзекі, дрыгву і голад.

Чытайце па спасылцы.

Крыніцы: улады рыхтуюцца паказваць фіктыўныя прыбыткі ў «новым інвестыцыйным цыкле»

Па даных крыніц «Нашай Нівы», рыхтуецца ўсплёск уліванняў у дзяржаўную эканоміку пад выглядам закупак абсталявання і «мадэрнізацыі». Пра гэта ўсё часцей гавораць чыноўнікі, недзе ўжо пачаліся неспадзяваныя закупкі, але маштаб пакуль дробны. З чым гэта звязана?

Чытайце пра гэта па спасылцы.

Сусветныя цэны на прадукты працягваюць свой рэкордны рост

Цэны на прадукты харчавання ў свеце працягваюць расці ў лістападзе і перавышаюць ўзроўні 2011 з-за збожжа і малочнай прадукцыі. Пра гэта паведамляе Харчовая і сельскагаспадарчая арганізацыя ААН.

Чытайце па спасылцы.

Чытайце таксама: Сусветныя цэны на прадукты харчавання цяпер самыя высокія за апошнія 46 гадоў. Што адбываецца?

Макей расказаў пра нейкія таемныя сустрэчы ў Стакгольме, аб якіх прасілі не паведамляць

Уладзімір Макей на палях пасяджэння Рады міністраў замежных спраў АБСЕ ў Стакгольме правёў шэраг міжнародных сустрэч, аб частцы з якіх па просьбе замежных калег не паведамлялі. Пра гэта ён расказаў у інтэрв'ю БТ-1.

«У мяне адбыўся шэраг сустрэч з маімі калегамі, пра іх паведамлена афіцыйна і на сайце Міністэрства замежных спраў. Большая палова сустрэч прайшла за зачыненымі дзвярыма, і пра іх мы не паведамлялі, таму што калегі папрасілі, каб яны заставаліся, скажам, канфідэнцыйнымі», — сказаў міністр.

«Але, тым не менш, гэтыя сустрэчы адбыліся. Як раз гэтыя сустрэчы з'яўляюцца больш паказальнымі. Тое, што гучыць афіцыйна на падобнага роду публічных пасяджэннях — гэта адно, а ў кулуарах, вядома ж, калегі выказваюць меркаванне аб тым, што трэба ўсім спыніцца і ўжо думаць над тым, як спыніць далейшае нагнятанне напружанасці і далейшае раскручванне спіралі, звязанай з эскалацыяй сітуацыі», — заявіў кіраўнік МЗС.

У Магілёве дзіця спрабавала выйсці з машыны, пакуль яна яшчэ не спынілася — аўтамабіль пераехаў нагу

У выніку нага дзіцяці трапіла пад колы аўтамабіля.

На вуліцы Лепяшынскага 9-гадовы пасажыр аўтамабіля Suzuki, не дачакаўшыся поўнага спынення машыны, адчыніў дзверы і выйшаў з аўто. У выніку кіроўца аўтамабіля наехаў на нагу дзіцяці. Хлопчык атрымаў траўму. Пра здарэнне паведамляе абласная ДАІ.

Стваральнік Symbal.by Павел Белавус не выйшаў на волю пасля 15 сутак арышту. Яго мусілі вызваліць у пятніцу а 15:40. Блізкія Паўла не ведаюць, чаму яго працягваюць утрымліваць у няволі.