«Мы што, ваюем з Нарвегіяй?!» Брытанцы смяюцца з каляднай ёлкі на Трафальгарскай плошчы

З 1947 года штогод Нарвегія дорыць Лондану ёлку да Калядаў на знак падзякі за падтрымку ў Другой сусветнай вайне. Сёлета брытанцы не вельмі радыя падарунку.

З дрэва шмат жартуюць у інтэрнэце: «Яе абрэзаў цырульніка Борыса Джонсана», «Нарвежцы не вынеслі звальнення Сульшэра з МЮ», «Мы што, ваюем з Нарвегіяй?!»

У афіцыйным твітары ёлкі ў адказ на прэтэнзіі адказалі, што галінкі не зніклі, гэта проста сацыяльнае дыстанцыяванне.

«Нашы кліканні, што гэта фашызм, што будзе кепска, ніхто не слухаў». Гутарым з пісьменніцай Святланай Курс, пераможцай прэміі Гедройца

Каб пераадолець страх старасці, яна пайшла ў сацыяльныя работніцы. Вольны час праводзіць у трэнажорцы і сэканд-хэндах. У ёй самой, як і ў яе псеўданіме, ёсць штосьці таямнічае. Пісьменніца Святлана Курс (Ева Вежнавец) атрымала сёлета літаратурную прэмію Гедройца.

Пагаварылі з ёй пра тое, як загартоўвае дзяцінства ў вёсцы, чаму сярод нашых жанчын так шмат няшчасных, што яе адвярнула ад касцёла і як не захраснуць у варожасці.

▫️«У 90-х мы былі чужымі на гэтым свяце жыцця, бо ўсіх усё задавальняла»
▫️«Страхі, што мы будзем старыя і брыдкія, — перабольшанне. А сяброўства і каханне можна знайсці ў кожным веку. Галоўнае — захаваць здароўе».
▫️«Калі жанчына піша эмацыйна, гэтак званае раздзіранне душы, то ўсе ўспрымаюць гэта як бабскую звышэмацыянальнасць. А калі так піша мужчына, то яму прыпісваюць тонкасць перцэпцыі».

Чытайце цалкам

27-гадовага гульца вышэйшай лігі пажыццёва адхілілі ад футбола

Футбаліст «Смаргоні» Андрэй Штыгель аб’яўлены персонай «нон грата» ў беларускім футболе за махлярства, звязанае са стаўкамі і дамоўнымі матчамі. Такое рашэнне прыняла АБФФ.

Яго, а таксама гульца магілёўскага «Дняпра» Алега Чмырыкава абвінавацілі ў подкупе ўдзельнікаў спаборніцтваў. Раней Штыгеля ўжо судзілі за аналагічнае злачынства. Пасля дыскваліфікацыі ён вярнуўся ў футбол, але зноў узяўся за старое. Сёлета паўабаронца правёў 20 матчаў за «Смаргонь» і яшчэ месяц таму выходзіў на поле.

Чмырыкаў аштрафаваны і дыскваліфікаваны на год.

Удава Зельцэра тры тыдні правяла ў Навінках

Палітзняволеную Марыю Успенскую накіроўвалі туды для псіхіятрычнай экспертызы. Пра гэта @nashaniva паведаміла яе маці. 

«Вынікі гэтай экспертызы мне невядомыя. Тры тыдні дачка правяла ў бальніцы, цяпер яе вярнулі ў СІЗА», — расказвае яна.

Перадачы для Марыі прымаюць. Але перапіску блакуюць — за час, што дачка за кратамі, маці не дайшло ад яе ніводнага ліста.

«Ад адваката часам даведваюся пра яе стан: самаадчуванне то так, то гэтак», — уздыхае маці.

«Будзе смешна і балюча»: «Купалаўцы» прэзентуюць новы спектакль. У галоўных ролях — Манаеў, Белахвосцік, Гарцуева

Незалежная тэатральная група «Купалаўцы» анансавала пачатак другога сезона. У гэту суботу ў Кракаве яны пакажуць «Запіскі афіцэра Чырвонай Арміі» паводле Сяргея Пясецкага.

«Запіскі афіцэра Чырвонай Арміі» апісваюць падзеі Другой сусветнай вайны на Віленшчыне і Гарадзеншчыне. Твор прынята лічыць жорсткай сатырай, якая ў гратэскных фарбах малюе менталітэт савецкага салдата — носьбіта магутнай ідэалогіі, грамадзяніна новай вялікай дзяржавы. Але што будзе, калі прыгледзецца да галоўнага героя ўважлівей?» — гаворыцца ў анонсе.

Прэм'ера адбудзецца ў Кракаве на фестывалі «Боская камедыя» ў суботу, 4 снежня, у 19:00, сцэна «Małopolski Ogród Sztuki».

Праз месяц, 13 студзеня, п'еса з'явіцца анлайн на ютуб-канале Купалаўцаў.

Пабіты рэкорд Netflix: цяпер самым папулярным фільмам за ўсю гісторыю платформы стала стужка «Чырвонае паведамленне»

«Чырвонае паведамленне», камедыйны баевік пра інтэрпал, набраў рэкордныя 328,8 мільёна праглядаў усяго толькі за першыя два тыдні. Прэм’ера фільма адбылася 12 лістапада, з гэтага часу ён патрапіў у топ-10 у 94 краінах і ўжо больш паловы ўсіх падпісчыкаў Netflix паспелі яго паглядзець.

У чым сакрэт такога поспеху, чытайце па спасылцы.

❗️Шматдзетнай маці Вользе Залатар прысудзілі чатыры гады калоніі

Суддзя Анастасія Папко вынесла прысуд маці пяцярых дзяцей Вользе Залатар. Яе прызналі вынаватай у стварэнні экстрэмісцкага фарміравання, арганізацыі і дапамозе ў арганізацыі дзеянняў, якія груба парушаюць грамадскі парадак.

Залатар не прызнала сваю віну і на судзе заяўляла, што яе збівалі пасля затрымання. Следчы камітэт на гэта заявіў, што «заявы Залатар аб прычыненні ёй цялесных пашкоджанняў не адпавядаюць рэчаіснасці, паколькі яны мелі месца да яе затрымання».

Пракурорка Жанна Баранава запрошвала пяць гадоў калоніі.

«Маё сэрца рвецца на часткі, бо градус нянавісці ў Беларусі расце». Вольга Залатар выступіла з апошнім словам у судзе

Гарадзенцу з інваліднасцю далі паўтара года калоніі за тое, што сігналіў пратэстоўцам

У судзе Кастрычніцкага раёна Гродна абвясцілі прысуд Дзмітрыю Горбачу. Мужчыну судзілі за арганізацыю і падрыхтоўку дзеянняў, якія груба парушаюць грамадскі парадак (ч.1 арт. 342 Крымінальнага кодэкса), паведамляюць праваабаронцы. Справу разглядаў суддзя Віталь Лабоцкі.

Падставай для крымінальнай справы сталі падзеі 10 жніўня 2020 года. У той дзень Дзмітрый Горбач ездзіў каля абласной філармоніі і сігналіў. Дзмітрый Горбач мае інваліднасць трэцяй групы.

Дзяржабвінаваўца запрасіў у суда для абвінавачанага 1,5 года калоніі. Суддзя столькі і прысудзіў.

Самы гуманны суд у свеце: мінчук ударыў кулаком у сківіцу кантралёра і атрымаў 2900 рублёў штрафу

Самы гуманны суд у свеце: маладзечанец, які засунуў жонцы нажніцы ў рот ды пагражаў забойствам, атрымаў 1,5 года хатняй хіміі

У Паўднёвай Афрыцы заявілі, што «амікрон» не выклікае цяжкіх формаў у прышчэпленых

Аднак тым, хто не зрабіў прышчэпку, можа пагражаць шпіталізацыя. Пра гэта заявіў у пятніцу міністр аховы здароўя ПАР Джо Паахла, піша ТАСС.

Паахла паведаміў, што ПАР знаходзіцца на парозе чацвёртай хвалі пандэміі каранавіруса. «За апошнія сем дзён колькасць выпадкаў захворвання на COVID-19 рэзка вырасла, — падкрэсліў ён. — Уздым цяперашняй хвалі нашмат большы, чым тры папярэднія».

«У нас ёсць пацверджаныя звесткі аб тым, што амікрон-штам лёгка перадаецца ад чалавека чалавеку, — заявіў Паахла. — Усе тыя, хто яшчэ не зрабіў прышчэпку ад каранавіруса, павінны як мага хутчэй прайсці вакцынацыю, каб абараніць сябе ад яго».

Закранаючы паходжанне амікрон-штама, Паахла адзначыў, што ўпершыню гэты варыянт каранавіруса быў выяўлены ў Батсване. «Аднак пакуль мы не ведаем, якім чынам і дзе ён пачаўся», — заўважыў міністр.

У Брытаніі да святаў выпусцілі шакаладна-апельсінавы маянэз

Брэнды Heinz і Terry’s зладзілі калабарацыю, вынікам якой стаў шакаладна-апельсінавы маянэз.

Але не ўсе ахвотныя змогуць яго пакаштаваць. Будзе выпушчана ўсяго 75 банак, якія разыграюць у сацсетках.

Наш адказ на санкцыі: Дзерман заявіў, што больш ні рубля не патраціць на візы і паездкі на Захад

Лукашэнкаўскі прапагандыст Аляксей Дзерман пракаментаваў увядзенне новых санкцый супраць Беларусі і ягоных калег: «Англо-саксы ввели персональные санкции против моих друзей и товарищей. Лично я принял решение ввести свои персональные санкции против стран Запада – ни рубля, ни копейки не потрачу на поездки к ним и на визы. Призываю вас сделать тоже самое. Пусть идут к чёрту».

У красавіку Вадзім Гігін прызнаваўся, што выкінуў пустыя цюбікі ад касметыкі Nivea і заявіў, што больш не будзе купляць прадукцыю гэтай кампанія, пакуль яна не выбачыцца перад Беларуссю.

Санкцыі — гэта добра ці дрэнна? Спрабуем зразумець па заявах уладаў

Захад узмацняе санкцыйны ціск на рэжым Лукашэнкі. На гэтым фоне ўлады абяцаюць прыраўняць заклікі да санкцый да пагрозы нацыянальнай бяспецы і ўзмацніць за гэта пакаранне.

У той жа час Лукашэнка заявіў, што сапраўдны ўрон ад абмежаванняў настолькі нязначны, што даражэй будзе яго лічыць.

Дык усё ж такі, санкцыі — гэта добра ці дрэнна? Сабралі супярэчлівыя выказванні прыхільнікаў Лукашэнкі.

▫️Мясніковіч лічыць, што санкцыі ствараюць умовы для пад’ёму нацыянальнай эканомікі.
▫️Крутой заявіў, што развіццё эканомікі Беларусі паказвае найлепшыя вынікі за апошнія 12 гадоў. 
▫️Пункт гледжання Алега Гайдукевіча пастаянна мяняецца, але ён гучней за ўсіх крычыць пра тое, што за заклікі да санкцый трэба прыцягваць да адказнасці.
▫️Дэпутат Сівец лічыць, што санкцыі вядуць да паралізацыі работы вядучых суб'ектаў і, адпаведна, немагчымасці дзяржавы выконваць свае сацыяльныя абавязальніцтвы перад грамадзянамі.

Чытайце цалкам

Эпідэміёлаг: амікрон можа стаць выйсцем з пандэміі

Аўстралійскі эпідэміёлаг прафесар Тоні Блэйклі лічыць, што штам амікрон, які аказаўся асабліва заразным варыянтам каранавіруса, але які, па папярэдніх звестках, не выклікае цяжкіх захворванняў, можа стаць выйсцем з пандэміі.

Чытайце далей

❕Увага пошук!

Для матэрыяла шукаем работнікаў «Гроднаэнерга». Калі гэта вы ці вашыя родныя альбо знаёмыя, пішыце ў @nasa_niva_bot.

Тэлеграм-канал і сацсеткі «Радыё Свабода» прызнаныя экстрэмісцкімі

Такім чынам, тэлеграм-каналы ўсіх буйных незалежных грамадска-палітычных медыя прызнаныя экстрэмісцкімі ў Беларусі.

«Наступны год можа стаць крызісным». Як старыя і новыя санкцыі паўплываюць на беларускую эканоміку і ці змогуць іх абысці?

Яшчэ да прыняцця пятага пакета эканамісты прагназавалі: са снежня Беларусь пачне адчуваць на сабе наступствы санкцый. Асабліва балючым мусіў стаць удар па нафтавым і калійным сектарах.

Беларускі экспартны цуд, які мы назіралі з пачатку года, наўрад ці зможа кампенсаваць будучыя страты. 

Якіх страт чакаюць цяпер? Як паўплываюць новыя санкцыі Еўропы і Амерыкі? Прагнозы розныя.

Чытайце па спасылцы