Наша Ніва
26.3K subscribers
62.5K photos
9.54K videos
2 files
48.4K links
Падзяліцца інфармацыяй: @nn_editor

Заданаціць нам можна тут: patreon.com/nashaniva

Глядзіце кожны дзень ВІДЭАнавіны тут: youtube.com/@NashaNivaNews
Download Telegram
Так цяпер выглядае іспанскі востраў Пальма ў Канарскім архіпелагу пад шчыльным слоем попелу ад вулкана Кумбрэ-В'еха.

Вывяржэнне на выспе пачалося 19 верасня, вулкан не суцішыўся да гэтага часу, апошні раз ён прачынаўся 50 год таму — у 1971-м.

Фота Emilio Morenatti.
Кіраўнік Нацыянальнага цэнтральнага бюро Інтэрпала ў Беларусі Дзмітрый Мядзведзеў заявіў пра немагчымасць выкарыстання сваіх каналаў для міжнароднага вышуку экс-кандыдата ў прэзідэнты Беларусі Святланы Ціханоўскай у эфіры праграмы "Гэта іншае" на "Беларусь-1":

"Пасля вывучэння прадстаўленых намі матэрыялаў было прынята рашэнне спецыяльнай рабочай групай — структурным падраздзяленнем Генеральнага сакратарыята Інтэрпала аб немагчымасці выкарыстання каналаў Інтэрпала для вышуку дадзенай грамадзянкі".

Як Інтэрпал — арганізацыя, што спрыяе правасуддзю — стала дапамагаць таталітарным рэжымам
Польскія спецслужбы сцвярджаюць, што Ірак запускае эвакуацыйныя рэйсы з Беларусі

Пра гэта паведаміў міністр-каардынатар спецслужбаў Польшчы Станіслаў Жарын.

«Многія іракцы хочуць вярнуцца з Беларусі дадому. Прычынай стаў факт шматразовых няўдалых спробаў перайсці польскую мяжу і лагістычныя праблемы з размяшчэннем мігрантаў у Беларусі. Важнай прычынай з'яўляецца таксама паніжэнне тэмпературы ў краіне», — напісаў Жарын.

Раней Германія заяўляла, што дамовілася з Іракам аб спыненні палётаў мігрантаў з Ірака ў Беларусь. Праблему нелегальнай міграцыі абмяркоўвала кіраўніцтва ірацкага Курдыстана з амбасадарам Беларусі ў Іраку.
Вашай увазе рэдакцыйныя матэрыялы @nashaniva, якія выйшлі ў аўторак, 2 лістапада. Некаторыя вы маглі абмінуць увагай:

Страйк Шродынгера? Як прайшоў першы дзень анансаванай забастоўкі і чаго чакаць далей

«Русь пячэ кнышы памерлым». Сёння — Дзяды (праз VPN)

Белгідрамет перастаў атрымліваць звесткі ад брытанскай мадэлі прагназавання надвор’я UKMET. Што будзе з прагнозамі?

«Учорашняе затрыманне звязанае з даўнім вышукам». Адпусцілі затрыманага ў Расіі беларускага хакера Паўловіча

«Падселі на беларускую арахісавую пасту». Пара з Мінска аб’яднала фермераў і расказвае пра іх усім беларусам

Мільёнам амерыканцаў дазволілі цуда-тэрапію ад кавіду. Што пра яе вядома?

«Тых, хто не хаваў сваіх поглядаў, часта вадзілі да псіхолагаў». Беларусы расказалі, як служылася ў войску пасля выбараў

Уся карціна дня — на nashaniva.com (З Беларусі — праз VPN). Што гэта і як усталяваць, чытайце тут.

Звязацца з рэдакцыяй і падзяліцца інфармацыяй можна праз @nasa_niva_bot
This media is not supported in your browser
VIEW IN TELEGRAM
У хакейным «Дынама» вірус — каманда гуляла без чвэрці хакеістаў, а трэнер на прэс-канферэнцыі быў без маскі і кашляў

Прэс-служба адмаўляе, што справа ў кавідзе.

Учора мінскае «Дынама» саступіла маскоўскім аднаклубнікам з лікам 3:7. Такая буйная параза была звязана ў тым ліку і з недахопам гульцоў — на лёд у мінчукоў выйшла толькі 14 палявых гульцоў (звычайна гуляюць у чатыры пяцёркі).

Пасля гульні прэс-служба заявіла, што частка гульцоў адчула недамаганне і не змагла згуляць. Аднак ўсе здалі ПЛР-тэсты, і іх вынікі аказаліся адмоўнымі. На прэс-канферэнцыі галоўны трэнер сказаў, што ў ягонай камандзе «вірус». Варта адзначыць, што Крэйг Вудкрафт кашляў і быў без маскі.
This media is not supported in your browser
VIEW IN TELEGRAM
У Віцебску ў лістападзе знайшлі цалкам зялёныя дрэвы. Інжынер батанічнага сада патлумачыла, у чым прычына

Пра незвычайную знаходку пішуць «Віцьбічы». Як бачна на відэа, побач з голымі дрэвамі стаіць цалкам зялёнае.

— Гэта звыклая для нас звычайная канадская таполя, — растлумачыла інжынер садова-паркавага будаўніцтва батанічнага сада ВДУ Дар'я Александровіч. — Мяркую, улетку з-за моцнай засухі дрэва запала ў стан супакою. Калі ж стала дастаткова вільгаці, у жніўні-верасні, яно пачало інтэнсіўна нарошчваць лістоту. Кончыкі маладых галінак не паспелі здранцвець. Пышная зялёная крона ў такую ​​пару года кажа пра тое, што гэтая таполя фізіялагічна не гатовая да зімы.

Для расліны гэта небяспечна абмарожваннем кончыкаў галін у моцныя маразы.
Электрамеханік, які абажае пекчы булачкі. Даведаліся, хто хаваецца пад касцюмам Метровіча

23-гадовы Аляксей Пястрак займаецца абслугоўваннем сістэм ацяплення і кандыцыянавання мінскага метро. А калі таго патрабуюць абставіны, электрамеханік апранае на сябе касцюм Метровіча і пераўтвараецца ў героя падземкі, які і пра маскі нагадае, і з’ездзіць павесяліць дзетак у інтэрнат.

Расказваем падрабязней пра таго, хто стаіць за адным з самых папулярных айчынных персанажаў.

Чытайце па спасылцы
МУС Беларусі прызнала інтэрнэт-рэсурсы «Белсат» экстрэмісцкім фарміраваннем.
Памёр самы вядомы фельчар Беларусі Сяргей Шклярэўскі. Ён аддаў медыцыне больш за 70 гадоў

Памёр загадчык фельчарска-акушэрскага пункта вёскі Покрашава Слуцкага раёна, герой сацыялістычнай працы і ганаровы грамадзянін Мінскай вобласці Сяргей Іванавіч Шклярэўскі. Яму было 93 гады.

Бесперапынны стаж працы легенды беларускай медыцыны — больш за 70 гадоў.
Суд над палітвязнем Мікалаем Дзядком затрымаўся з-за паведамлення аб мініраванні будынка суда

Пасля чатырох месяцаў у Мінскім гарадскім судзе сёння мусіў аднавіцца суд над Мікалаем Дзядком. 6 ліпеня па справе прызначылі судовую псіха-лінгвістычную экспертызу, якая праводзілася гэтыя месяцы.

Але суд не пачаўся праз паведамленне аб мініраванні будынка суда, піша @viasna96. Цяпер там працуюць сапёры.

На першых пасяджэннях анархіст заяўляў пра катаванні: «Страшныя паказанні палітвязня Дзядка ў судзе: Выдаў паролі пасля таго, як душылі падушкай».

UPD. Будынак праверылі, людзей запускаюць унутр.
Увага, пошук!

З’явілася інфармацыя, што сёння розныя аб’екты гандлю будуць правяраць на наяўнасць налепак аб выкананні масачнага рэжыму.

Калі з праверкай наконт масак завіталі і да вас, раскажыце пра гэта нам у чат-бот @nasa_niva_bot
This media is not supported in your browser
VIEW IN TELEGRAM
З'явілася відэа з суда над Дзядком

Нагадаем, што пасяджэнні працягнуліся пасля трохмесячнага перапынку.
Гомельскаму праваабаронцу Леаніду Судаленку прысудзілі 3 гады калоніі

Яго памочніцы Таццяне Ласіцы прысудзілі два з паловай гады, паведамляе @viasna96.

Праваабаронцаў затрымалі ў студзені, а працэс над імі пачаўся ў верасні. Іх прызналі вінаватымі ў «арганізацыі і падрыхтоўцы дзеянняў, што груба парушаюць грамадскі парадак». Пракурор запрасіў для абодвух па тры гады пазбаўлення волі.

Разам з імі па справе праходзіла таксама валанцёрка «Вясны» Марыя Тарасенка, але перад абвяшчэннем прысуду жанчына з’ехала з Беларусі.
Па Лепельшчыне бегае чупакабра? Мясцовы жыхар злавіў дзіўнага звера, хацеў завезці спецыялістам, але жывёла збегла

Жыхарка аграгарадка Стаі знайшла ў цяпліцы на ўчастку невядомага звера, піша лепельская раёнка. Яна звярнулася да суседа, які працаваў у лясной гаспадарцы і папрасіла агледзець знаходку.

Мужчына быў у шоку, калі пабачыў жывёлу: яна вяла сябе зусім спакойна і яе можна было ўзяць на рукі. Аднак было бачна, што гэта не сабака і не кот. Доўгі хвост без поўсці, як у пацука, даўгія кіпцюры. Ад звера пахла ці то салёнай рыбай, ці то гніллю.

Вясковец вырашыў звярнуцца да спецыялістаў. Паклаў жывёлу ў мяшок і прынёс у нежылы дом. Вярнуўся праз 20 хвілін — а звер да таго моманту ўжо збег.

Цяпер мясцовыя гадаюць, хто гэта быў: чупакабра, хворы сабака ці янот альбо нешта іншае.
У Ляхавіцкім раёне арганізавалі туры па зборы журавін

Пра незвычайную магчымасць для турыстаў піша БелТА. Ягадныя туры на выхадных арганізуе фізкультурна-спартыўны клуб Ляхавіцкага раёна. За ягадамі турысты адпраўляюцца невялікай групай у суправаджэнні гіда, які добра ведае мясцовасць. На збор журавін адводзіцца некалькі гадзін.

Зборшчыкаў загадзя інфармуюць, як трэба быць апранутымі і без чаго не абысціся ў лесе. Напрыклад, трэба паклапаціцца пра цёплае адзенне і высокія гумавыя боты, узяць з сабой ежу і ваду, зараджаны тэлефон.
Наша Ніва
З'явілася відэа з суда над Дзядком Нагадаем, што пасяджэнні працягнуліся пасля трохмесячнага перапынку.
Для анархіста Мікалая Дзядка пракурор запрасіў 5 гадоў калоніі

Пра гэта паведамляе @viasna96.

Пракурор Антон Цюменцаў у судовых спрэчках заявіў, што віна Мікалая Дзядка цалкам даказаная.
This media is not supported in your browser
VIEW IN TELEGRAM
Мінчука пабілі ў пераходзе метро за адмову выпіць. Пазней ён памёр у бальніцы

Здарэнне адбылося ў пераходзе «Пушкінскай». Жыхар Міханавічаў шукаў кампанію і прапанаваў выпіць 58-гадоваму незнаёмаму. Той адмовіўся, пасля чаго атрымаў некалькі ўдараў, ад якіх паваліўся. Пазней мужчына памёр ад атрыманых траўм.

Нападніка затрымалі. Распачата крымінальная справа.
Наша Ніва
«Чорная пляма на карце»: што будзе з беларускай авіяцыяй без аэранавігацыі ЕС? З’явіліся чуткі, што «Белаэранавігацыю» адключаць ад глабальнай сістэмы авіязвестак. Ці сапраўды для Беларусі можа наступіць «навігацыйная слепата»? Чытайце па спасылцы Уся карціна…
Дырэктар Дэпартамента па авіяцыі пацвердзіў, што ёсць рызыка адключэння «Белаэранавігацыі» ад еўрапейскай базы даных аб паветраным руху

«Такая праблема існуе. Мы знаходзімся ў дыялогу з нашымі еўрапейскімі партнёрамі. На жаль, яны тлумачаць, што гэта палітычная каманда паступіла. Яна ніяк не звязана з пытаннямі нашага ўзаемадзеяння. Напэўна, гэта самая непрыемная частка, што авіяцыю выкарыстоўваюць для нядобрасумленнай канкурэнцыі, як інструмент аказання ціску», — заявіў Арцём Сікорскі.

«Белаэранавігацыя» знаходзіцца пад санкцыямі ЕС пасля інцыдэнту з самалётам Ryanair.

Па словах Сікорскага, беларускі бок падлічвае ўпушчаную выгаду «Белавіі» і «Белаэранавігацыі» ад санкцый і можа звярнуцца ў суд. А ў выпадку новых санкцый беларускія авіякампаніі змогуць выкарыстоўваць расійскія самалёты.

«Чорная пляма на карце»: што будзе з беларускай авіяцыяй без аэранавігацыі ЕС?
«Гэта плявок мне ў твар!» Былыя сілавікі заяўляюць, што Следчы камітэт дапамагае міліцыі падмяняць доказы

Былыя сілавікі, якія на знак пратэсту пакінулі службу, апублікавалі новае расследаванне. Яны заяўляюць, што следчыя дапамагаюць аператыўнікам падтасоўваць доказы па крымінальных справах. 

Апублікавана аўдыя размоў з голасам, падобным да намесніцы начальніка СК па Кастрычніцкім раёне ў Мінску Міраславы Хлышчанка-Хазаноўскай.

З адной гутаркі вынікае, што аператыўнікі накасячылі з афармленнем доказаў, але замест таго, каб адмовіць у завядзенні справы, як таго патрабуе закон, следчая раіць, як іх выправіць, каб яны выглядалі законнымі.

Што яшчэ стала вядома з новага зліву?
Наша Ніва
Гомельскага валанцёра, які адправіў палітвязням 2500 лістоў, правяраюць на фінансаванне экстрэмізму Палітвязню Іллю Міронаву, які знаходзіцца ў гомельскім СІЗА №3, могуць інкрымінаваць фінансаванне экстрэмісцкай дзейнасці. Гэта вынікае з адказу з РАУС Савецкага…
Дома ў палітвязня Іллі Міронава, які напісаў за краты больш за 2500 лістоў, прайшоў чарговы ператрус.

Пра гэта паведаміла маці Іллі Валянціна. Паводле яе словаў, нічога не знайшлі, бо ўсё, што хацелі, забралі ў мінулыя разы.

Раней паведамлялася, што Міронава правяралі на фінансаванне экстрэмізму.