За год карупцыя скарацілася на траціну. У чым прычына?

У 2020 годзе, калі пачаліся масавыя палітычныя працэсы, рэзка скарацілася колькасць карупцыйных злачынстваў — адразу на 30%. Дагэтуль карупцыя ў Беларусі стабільна расла.

У Вярхоўным судзе гэту лічбу называюць «анамальнай», але дыпламатычна адзначаюць, што справа ў тым, што праваахоўнікі сталі дзейнічаць актыўней.

А як на самай справе?

«Мы месяц ужо на піках». Піневіч прагназуе зніжэнне захворванняў на кавід у лістападзе, а таксама 5 мільёнаў прышчэпленых да канца года

«Па нашых аналітычных звестках, мы выйшлі на пікавае значэнне па захворваннях прыкладна каля 3,5 – 4 тыдні таму. Аналагічныя пікі, звязаныя з дэльта-штамам, якія назіраліся ў іншых краінах, як правіла, сведчылі пра двухмесяцовае знаходжанне на высокіх лічбах і потым — даволі рэзкае зніжэнне ўзроўню захворвання. Цяпер мы прыкладна месяц ужо на піках. Думаю, прыкладна лістапад — сярэдзіна лістапада — гэта той перыяд, калі мы пачнем зніжэнне», — растлумачыў кіраўнік Міністэрства аховы здароўя.

Піневіч адзначыў, што ў апошнія тыдні стала больш людзей вакцынавацца: штодня прыкладна па 30 тысяч чалавек. У Мінздароўя прагназуюць да канца года лічбу ў 5 мільёнаў прышчэпленых. Пакуль жа скончылі поўны курс вакцынацыі 1,865 млн чалавек.

Расейскі мільярдэр Міхаіл Гуцэрыеў, набліжаны да Лукашэнкі, следам за МАЗам, БелАЗам і «Белаэранавігацыяй» падаў пазоў у Суд Еўрасаюза ў Люксембургу з патрабаваннем прызнаць незаконнымі санкцыі, уведзеныя супраць яго.

Мільярдэр унесены ў санкцыйныя спіскі з 21 чэрвеня.

Сёння на нарадзе па барацьбе з каранавірусам Лукашэнка гучна заявіў: «Цяпер, глядзіце, рот закрыла ўся дасведчаная Еўропа: ніякай інфармацыі, усё «добра». Але там жа катастрофа. Вазьміце Латвію: крыху больш за мільён насельніцтва — сітуацыя ў сто разоў горшая, чым у Беларусі».

Разабраліся — і аказалася, што насамрэч, лішняя смяротнасць ад кавіду ў Латвіі ў пяць разоў меншая, чым у Беларусі.

Усе лічбы — па спасылцы.

Стала вядома, за што ў Расіі быў асуджаны беларускі праграміст Сяргей Савельеў, які пасля вызвалення перадаў відэаархіў катаванняў у расійскіх турмах.

У 2013 годзе хлопец жыў у Краснадары, знаёмыя папрасілі яго перавезці сістэмны блок на машыне ў іншы горад, але праз некалькі хвілін Савельева спынілі аператыўнікі ФСБ. Падчас ператрусу яны выявілі камп'ютар і «шэсць кілаграм сінтэтычных наркотыкаў» у ім.

Праз два гады суд прызначыў яму дзевяць гадоў зняволення. Пакаранне ён адбываў у Саратаўскай вобласці, дзе з лютага 2016 года па люты 2021 года працаваў адміністратарам відэакамер назірання ў сухотнай бальніцы №1.

Савельева датэрмінова вызвалілі за добрыя паводзіны, чаму часткова спрыяла яго праца. Праграміст захаваў відэазапісы катаванняў зняволеных і сцэн сэксуальнага гвалту на флэшкі і схаваў каля выхаду з турмы. У дзень вызвалення ён забраў флэшкі, так відэархіў, які шакаваў увесь свет, трапіў у рукі праваабаронцаў.

У Ваўкавыску цікаўнае шчаня французскага бульдога старанна вывучала двор сяброў, да якіх прыйшло з гаспадарамі. У нейкі момант Тэдзі (так завуць прыгажуна) прасунуў галаву ў металічнае кальцо ў брамцы, а дастаць ужо не змог.

Давялося выклікаць ратавальнікаў, яны і дапамаглі 4-месячнаму шчанюку выбрацца з пасткі.

ФБР праводзіць ператрус у доме Алега Дзерыпаскі ў Вашынгтоне, паведамляе Эн-бі-сі.

У 2018 годзе мінфін ЗША ўвёў персанальныя санкцыі супраць Дзерыпаскі і шэрагу іншых расійскіх бізнесменаў і чыноўнікаў у сувязі з «варожымі дзеяннямі Расіі па ўсім свеце».

Дзерыпаска займае 37-е месца ў рэйтынгу найбагацейшых бізнэсменаў Расіі па версіі Forbes. Паводле ацэнак часопіса, яго маёмасць складае 16,8 мільярда даляраў.

Фота: twitter.com/strickdc

Уся карціна дня — на nashaniva.com (З Беларусі — праз VPN). Што гэта і як усталяваць, чытайце тут.

У М’янме хунта абвесціла пра вызваленне 5600 палітзняволеных

Такое рашэнне м’янмарскія сілавікі прынялі пад ціскам міжнароднай супольнасці. Пасля вайсковага перавароту ў лютым 2021 года краіна трапіла ў міжнародную ізаляцыю.

Вызваленне зняволеных адбылося праз дзень пасля таго, як Асацыяцыя дзяржаў Паўднёва-Усходняй Азіі (АСЕАН) прыняла рашэнне выключыць прадстаўнікоў хунты са спісаў удзельнікаў саміту арганізацыі.

Усяго за кратамі было 7300 праціўнікаў рэжыму. Такім чынам, вызваленыя будуць тры чвэрці вязняў.

Журналістка папрасіла кампетэнтныя органы правесці праверку па фактах катаванняў на Акрэсціна. Адгадайце, які адказ ёй прыйшоў?

Журналістка «Нашай Нівы» Кацярына Карпіцкая з 14 жніўня па 13 верасня ўтрымлівалася ў ІЧУ на Акрэсціна. За месяц там яна падхапіла некалькі хвароб. «Я на свае вочы ўбачыла, што людзей там працягваюць катаваць, парушаючы ўсе існуючыя правілы ўтрымання адміністрацыйна арыштаваных», — кажа дзяўчына.

Падрабязныя скаргі на ўмовы ўтрымання на Акрэсціна яна накіравала адразу ў некалькі інстанцый: у Генеральную пракуратуру, Мінскую гарадскую пракуратуру, у Дэпартамент фінансаў і тылу МУС РБ, у Рэспубліканскі цэнтр гігіены і эпідэміялогіі і ў ГУУС Мінгарвыканкама.

Што адказалі ў гэтых арганізацыях на ўсе скаргі — чытайце па спасылцы.

Інстаграм з дня на дзень запусціць функцыі, якія прыемна здзівяць карыстальнікаў

Па-першае, сацсетка дазволіць публікаваць фота і відэа з камп'ютара, ад самага пачатку існавання дадатка гэта можна было зрабіць толькі са смартфона.

Па-другое, з'явіцца функцыя Collabs, якая дазволіць двум карыстальнікам публікаваць сумесныя пасты. У такіх публікацый будуць агульныя каментары, прагляды і лайкі.

Па-трэцяе, 20 кастрычніка сацсетка запусціць функцыю, якая дазваляе пачаць збор сродкаў для некамерцыйных арганізацый.

Падпісвайцеся на інстаграм "Нашай Нівы", пратэсцім новыя функцыі разам!

У Вільні быў паранены ахоўнік крамы Rimi: ён проста папрасіў пакупніка надзець маску

Мужчына агрэсіўна адрэагаваў на просьбу ахоўніка надзець маску ў краме. Каб не працягваць канфлікт, ахоўнік вырашыў выклікаць паліцыю. У гэты момант пакупнік кінуўся на ўцёкі, ахоўнік сарваўся за ім. Неўзабаве ўцякач дастаў з кішэні зброю і стрэліў у ахоўніка.

Зламыснік параніў абедзве нагі ахоўніку, яго давялося прааперыраваць. Нападніка паліцыя затрымала.


Уся карціна дня — на nashaniva.com (З Беларусі — праз VPN). Што гэта і як усталяваць, чытайце тут.

18 кастрычніка ад ускладненняў пасля кавіду памёр былы дзяржсакратар ЗША Колін Паўэл. Ён прайшоў поўны курс вакцынацыі.

Вакцыніраваныя таксама часам паміраюць ад кавіду. Але гэта не прычына адмаўляцца ад прышчэпкі. Тлумачым чаму

У 2000-я гэты прадмет адзення насілі ўсе. Цяпер ён вяртаецца

Джынсы з заніжанай таліяй — адзін з самых супярэчлівых элементаў моды пачатку 2000-х. Упершыню яны з’явіліся ў 1993 годзе, калі дызайнер Аляксандр Макуін выпусціў на подыум мадэль у такіх штанах — тады іх назвалі бамстары.

Чытаць далей

Facebook хоча змяніць назву. Магчыма, ужо на наступным тыдні

Кампанія Facebook мае намер змяніць назву, каб асацыявацца не толькі з аднайменнай сацыяльнай сеткай, але з усім «сусветам» («метасусветам»), сваіх прадуктаў, паведамляе партал The Verge са спасылкай на крыніцу.

Паводле яго даных, рэбрэндынг, хутчэй за ўсё, будзе пазіцыянаваць сіні лагатып Facebook як толькі адзін з многіх прадуктаў «мацярынскай» кампаніі, якая таксама валодае WhatsApp, Instagram, Oculus і іншымі прадуктамі.

Кіраўнік кампаніі Марк Цукерберг плануе аб'явіць аб змене назвы на штогадовай канферэнцыі, якая пройдзе 28 кастрычніка, аднак гэта можа здарыцца і раней.

Па даных The Verge, новая назва можа быць неяк звязана з Horizon — новым дадаткам Facebook для працы ў віртуальных офісах.
У самой кампаніі пакуль ніяк не каментавалі звесткі аб магчымай змене назвы.

Памятаеце навіну пра знойдзены склеп у Хойніцкім раёне? Археолагі выказалі здагадку, каму ён належаў

Тыдзень таму трактарыст у полі знайшоў старажытны склеп. Тады выказвалася меркаванне, што ён належаў роду Аскеркаў, бо недалёка ад таго месца ў 2019 годзе знайшлі магільную пліту з імёнамі прадстаўнікоў роду.

Як распавёў «Гомельскай праўдзе» навуковы супрацоўнік музея Гомельскага палацава-паркавага ансамбля Юрый Панкоў, на шыльдзе, прымацаванай да труны ў склепе, напісана, што тут пахаваны Альфрэд. Прозвішча, на жаль, цалкам прачытаць не ўдалося, аднак, на думку краязнаўцы Сяргея Бельскага, гэта мог быць Альфрэд Абуховіч — таксама прадстаўнік вядомага беларускага роду.

Паглядзіце, які помнік бульбе паставілі на Віцебшчыне

Скульптура з’явілася на тэрыторыі Віцебскага занальнага інстытута сельскай гаспадаркі НАН Беларусі ў аграгарадку Тулава.

Антошка — так назвалі вялікую бульбіну — карыстаецца вялікай папулярнасцю ва ўсіх наведвальнікаў і гасцей занальнага інстытута, асабліва ў дзяцей і студэнтаў: з ім фатаграфуюцца, яму ціснуць руку і нават цалуюць.

Гэта не першы помнік бульбе ў Беларусі. Раней сімвалічны знак адкрылі на Уздзеншчыне.

Сёння раніцай памёр мастак і заснавальнік музея Першай сусветнай вайны Барыс Цітовіч

Пра гэта паведамляе «Рэгіянальная газета». Мастаку было 73 гады. Цітовіч працаваў у станковай і кніжнай графіцы, жывапісе, іканаграфіі.

Ён вядомы як стваральнік мемарыяльнага комплексу памяці ахвяраў Першай сусветнай вайны ў Заброддзі на Вілейшчыне.

Лукашэнкаўскі калядны турнір па хакеі зноў адменены

Пра гэта паведаміла федэрацыя хакея Беларусі. Афіцыйная прычына другой запар адмены — складаная эпідэміялагічная сітуацыя ў Беларусі.

Турнір праводзіўся з 2005 па 2020 год. Сёлета яго таксама адмянілі.

«Дактары сказалі, што я не адна такая». Цяжарная мінчанка захварэла на кавід — і страціла дзіця

Сёння Марыі Мунцян даводзіцца вучыцца жыць з вялікім болем. Праз кавідныя ўскладненні жанчына страціла дзіця на 26-м тыдні цяжарнасці. Цяпер яна знаходзіцца ў «шасцёрцы». Марыя расказала @nashaniva сваю гісторыю.

Вось толькі некаторыя цытаты:

▫️«Зварот у бальніцу наўмысна адцягвала: баялася, што там падчаплю каранавірус. Я ж адчувала і пахі, і смакі. То-бок была ўпэўнена, што гэта не карона».
▫️«Мне сказалі: «Вы ў рэанімацыі, на жаль, ваша дзіця загінула ва ўлонні». Гэтак жа мне потым казаў і мой доктар».
▫️«ПЛР-тэст паказаў каранавірус і пнеўманію сярэдняй цяжкасці, паражэнне лёгкіх дасягнула 35%. Мне казалі, што праз тэмпературу мог не вытрымаць каляплодны пузыр…»
▫️«Медык сказаў: «Такога, як цяпер, яшчэ ніколі не было. Толькі за тыдзень у нас памерлі пяць жанчын. Немаўляты засталіся без матуль». А ў такіх, як я, загінула само немаўля. І я тут такая не адна».

Чытайце гісторыю Марыі па спасылцы