Прастытуткі ў Мінску стварылі базу нумароў, каб выяўляць міліцыянераў

Аператыўнікі Заводскага РУУС распавялі «Мінск-Навінам», як выяўляюць і ловяць людзей, якія аказваюць інтымныя паслугі за грошы.

Міліцыянеры апісалі адну са стандартных схем: супрацоўнік стварае акаўнт на спецыяльным сайце, пасля дамаўляецца на сустрэчу, дзе і адбываецца затрыманне. Але, як адзначаецца, у апошні час прадстаўнікі інтым-сферы стварылі ўласную базу тэлефонаў, з якіх пад выглядам кліентаў з імі звязваліся міліцыянеры.

Верагодна, у некаторых выпадках справа даходзіць далей за сустрэчу, бо ў артыкуле адзін з супрацоўнікаў міліцыі распавёў пра тое, якая з прастытутак запомнілася яму больш за ўсё: «Дама с весом килограмм под 140. Ее тело было покрыто синяками, а из сетчатых колгот торчали черные волосы, над губой росли усы. И что самое интересное, она пользовалась спросом у клиентов».

Таксама ў тэксце адзначаецца, што міліцыянты ніколі не ідуць «на справу» па адным: заўсёды застаецца хтосьці на падстрахоўцы.

Канец эпохі: IKEA здымае з вытворчасці плюшавую акулу

У красавіку 2022 года з крам IKEA знікне знакамітая цацка Blahaj у выглядзе сіняй акулы. У 2015 годзе цацку ўжо прыбіралі з прылаўкаў, аднак пасля хвалі абурэння вярнулі назад.

Акула даўно стала інтэрнэт-мемам, а ў краінах, дзе няма крам IKEA, людзі набывалі цацку па завышаных цэнах.

«Ляжала па падлозе і думала толькі, чаму так адбываецца». Былая дзяўчына саўласніка мінскай трэнажоркі паказала сляды дзікіх пабояў

Усё адбылося ў Грузіі ў канцы жніўня. Пара паехала туды пажыць на нейкі час. Дзяўчыне дагэтуль балюча ўспамінаць тое, што адбылося — падчас размовы яна зрываецца на слёзы і спрабуе саўладаць з голасам, які дрыжыць. Гісторыяй яна рашылася падзяліцца толькі праз месяц пасля здарэння.

Што здарылася і ці завяла справу міліцыя, чытайце па спасылцы

🆘Куды звяртацца ў сітуацыях хатняга гвалту?
▫️8(017)317-32-32 — кругласуткавая гарачая лінія для пацярпелых ад хатняга гвалту.
▫️8(029)610-83-55 — прытулак для пацярпелых жанчын ад грамадскага аб'яднання «Радзіслава».
▫️8(044)704-05-53 — «Крызісны пакой» у Ленінскім тэрытарыяльным цэнтры сацыяльнай абароны насельніцтва.
▫️8(033)603-20-32 (будні з 9.00 да 18.00) — грамадскае аб'яднанне «Беларуская асацыяцыя маладых хрысціянскіх жанчын».

Якія рэгіёны лідзіруюць па вакцынацыі?

Мінздароўя ў нядзелю апублікавала рэгіянальную статыстыку па вакцынацыі. Першую дозу вакцыны супраць кавіду атрымалі 2,009 млн чалавек, поўны курс прайшлі — 1,571 млн (16,8%).

▫️Па колькасці прышчэпленых лідзіруе Мінск — 351,4 тысячы (17,5%);
▫️Гомельская вобласць — 279,5 тысяч (20,3%);
▫️Брэсцкая вобласць — 193,1 тысячы (14,4%);
▫️Мінская вобласць — 183,9 тысячы (12,5%);
▫️Магілёўская вобласць — 178,6 тысяч (17,6%);
▫️Гродзенская вобласць — 169,6 тысяч (16,7%);
▫️Віцебская вобласць — 166,1 тысяч (14,8%).

На выхадных беларусы свету правялі мноства акцый

У Вашынгтоне ладзілі пікет каля Белага Дома, у Варшаве — каля амбасады Беларусі. У Беластоку прайшлі два футбольныя матчы, прысвечаныя палітвязню Аляксандру Івуліну, там жа прыгажуні з бел-чырвона-белымі парасонамі зладзілі шпацыр. Беларусы Турцыі падпісвалі і адпраўлялі паштоўкі палітвязням. Таксама акцыі прайшлі ў Батумі, Уроцлаве і іншых гарадах.

Фота даслалі чытачы праз @nasa_niva_bot.

Шоўмен Дзяніс Кур'ян ажаніўся. Хто яго нявеста?

Шоўмэн ажаніўся другі раз. Абранніцай стала гарадзенка Ірына Гой. Пара распісалася яшчэ 3 верасня.

«Ажаніліся, бо каханне, а не таму што «тэрмінова трэба». Без вяселля, без цырымоній, без картэжу… Спакойненька і кайфова», — падзяліўся Кур'ян у інстаграме.

Пара разам ужо тры гады. Ірына Гой — псіхолаг і арганізатар мерапрыемстваў. Яна пляменніца мэра Гродна Мечыслава Гоя.

Дзяніс Кур'ян раней працаваў на БТ і АНТ. Цяпер ён вядзе ютуб-блог «Дзе грошы, Дзяніс». А таксама трымае бізнэс: Дзяніс — адзін з заснавальнікаў фудкорт-сеткі «Мама дома».