Пракурор запрасіў для Паліны Шарэнда-Панасюк 2 гады калоніі, піша @viasna96. Прысуд будзе агучаны заўтра.

З цэнтральнай плошчы ў Капылі прыбралі помнік Леніну 

Жыхары горада выказалі задавальненне гэтым.

https://nn.by/?c=ar&i=274183

«Наша Ніва» ўсё ж абавязаная заплаціць 8700 рублёў за 20 асобнікаў газеты, надрукаваных на прынтары. Так вырашыла суддзя Вярхоўнага суда Алена Кастрама.

Сёння «Наша Ніва» абскарджвала рашэнне суддзі Эканамічнага суда Эрнэста Койры. Ён палічыў, што старыя прынтар і ноўтбук, якія выкарыстоўваліся пры падрыхтоўцы газеты, з’яўляюцца прадметамі адміністратыўнага правапарушэння, а іх агульны кошт перавышае 1160 рублёў (40 базавых велічыняў). Гэта мінімальная сума, патрэбная для таго, каб пакараць за «незаконную прадпрымальніцкую дзейнасць».

Атэставаны спецыяліст склаў заключэнне з ацэнкай тэхнікі. Аказалася, што насамрэч 21-гадовы прынтар каштуе 173 рублі, а 8-гадовы ноўтбук — 229 рублёў. А значыцца, прыцягваць да адказнасці няма за што.

Аднак суддзя Алена Кастрама вырашыла іначай, пакінуўшы папярэдняе рашэнне без зменаў.

Іерархія прымусовай падпіскі ў будаўнічай арганізацыі Смаргонскага раёна:

▪️раёнка «Светлы шлях» — 231
▪️«СБ. Беларусь сёння» — 44
▪️«Знамя юності» — 24
▪️«Гродзенская праўда» — 11
▪️«7 дней» — 11
▪️«Звязда» — 8
▪️«Рэспубліка» — 6

Выйшла карта-даведнік «Мінск гістарычны» — з гістарычнымі назвамі вуліц, помнікамі і картай Замчышча

https://nn.by/?c=ar&i=274188

Дырэктара івэнт-агенцтва аштрафавалі на 2175 рублёў за парушэнне парадку правядзення канцэрту гурта «Пошлая Молі»

Сёння прайшоў суд над дырэктарам івэнт-агенцтва Антонам Сасноўскім, які арганізоўваў канцэрт групы «Пошлая Молі». На дырэктара склалі пратакол па ч.2 арт. 24.23 КаАП (парушэнне ўстаноўленага парадку арганізацыі або правядзення масавага мерапрыемства) згодна з якім, «Сасноўскі парушыў парадак арганізацыі і правядзення канцэрта гурта, падчас якога прысутныя грамадзяне выказвалі свой грамадска-палітычны настрой шляхам выкрыквання лозунгаў "Жыве Беларусь!"». Відэа «правапарушэння» выявілі супрацоўнікі міліцыі 30 мая ў адным з тг-каналаў.

У выніку суддзя Рудэнка прызнаў Антона Сасноўскага вінаватым і аштрафаваў на 2175 рублёў (75 базавых велічыняў), піша @viasnanazirae.

Мінскае «Юнацтва» пазбавілі права ўдзелу ў хакейнай Лізе чэмпіёнаў. Раней супернікі мінскай каманды адмовіліся ад паездак у Беларусь на матчы.

Арганізатары турніру праз палітычную сітуацыю ў Беларусі не могуць гарантаваць бяспеку ўдзельнікаў. таму было прынята рашэнне выключыць беларускі клуб са спісу ўдзельнікаў.

Прэйгерман: Палітычная сістэма будзе перафарбаваная, але сутнасць яе застанецца ранейшая. Улады пабачылі абсалютную нецярпімасць з боку сваіх ідэалагічных апанентаў

Не трэба было пратэстаў, як у 2020-м, трэба быў працяг той эвалюцыі, якая адбывалася ў 2014—2020-м, мяркуе палітолаг, блізкі да Міністэрства замежных спраў.

https://nn.by/?c=ar&i=274199

Прадстаўнікі дыпмісій краін ЕС, Вялікабрытаніі, ЗША і Японіі выпусцілі сумесную заяву па выніках сустрэчы з міністрам замежных спраў Уладзімірам Макеем.

Як вынікае з заявы, на сустрэчы дыпламаты заклікалі беларускія ўлады:

▫️спыніць пераслед актывістаў, незалежных СМІ і грамадзянскай супольнасці;
▫️спыніць адвольныя затрыманні, катаванні і бесчалавечнае абыходжанне ў дачыненні да мірных пратэстоўцаў і палітычных зняволеных;
▫️вызваліць і рэабілітаваць усіх палітвязняў і несправядліва затрыманых;
▫️расследаваць парушэнні правоў чалавека і прыцягнуць да суду тых, хто санкцыянаваў і здзяйсняў акты гвалту;
▫️пачаць інклюзіўны палітычны працэс, які б вёў да свабодных і справядлівых выбараў пад наглядам БДІПЧ АБСЕ.

Дыпламаты спадзяюцца, што ў Беларусь змогуць вярнуцца дыпламаты з Літвы, Польшчы, Латвіі, Вялікабрытаніі і ЗША.

Павел Севярынец на спатканні з жонкай: "Вітольд Ашурак, магчыма, уратаваў жыцці некаторых людзей, бо пасля яго смерці да зняволеных сталі ставіцца па-іншаму".

Пра гэтыя словы мужа Вольга Севярынец расказала @novychas.

БСДП вынеслі папярэджанне за «абразлівыя выявы дзяржаўнага сцяга»

Прычынай сталі ілюстрацыі Уладзіміра Цэслера, змешчаныя ў нумары партыйнага часопісу.

https://nn.by/?c=ar&i=274206

Ці абавязкова цяпер завядуць крыміналку пасля трэцяга пратакола за мітынг?

Пытанні і адказы па папраўках у Крымінальны кодэкс.

https://nn.by/?c=ar&i=274203

Прэзідэнту Францыі Эманюэлю Макрону далі аплявуху, калі ён выйшаў да людзей. Два чалавекі затрыманыя.

Экс-кіраўнік Адміністрацыі прэзідэнта Сініцын: Я галасаваў за Ціханоўскую

https://nn.by/?c=ar&i=274211

Пікеты ў Польшчы і Літве на мяжы з Беларуссю — што там адбываецца?

Мітынгі эмігрантаў каля памежных пунктаў з польскага і літоўскага боку пачаліся некалькі дзён таму. Агучвалася, што калі цягам трох дзён беларускія ўлады не адкрыюць межы для наземнага выезду беларусам, то пікетоўцы заблакуюць дарогі. Межы не адкрылі, таму пікетоўцы перайшлі да дзеянняў.

https://nn.by/?c=ar&i=274214

У Гомелі на шматпавярховіку чырвона-зялёны сцяг замянілі на БЧБ-парасон

https://nn.by/?c=ar&i=274218

— Я не хачу жыць у Еўропе, у мяне менталітэт іншы!
— Я таксама не хачу, я хачу дадому вярнуцца!

Латушка абсякае двух дальнабойшчыкаў, што выйшлі спрачацца з беларусамі, якія перакрылі трасу ў Польшчы. На дадзены момант праехаць не могуць ужо амаль 30 фур.

Apple прэзентавала новую функцыю для бяспекі ў інтэрнэце

Але ў Беларусі яна працаваць не будзе.

https://nn.by/?c=ar&i=274195