Паскі-2021.

Севярынец даслаў другі ліст-зварот да мітрапаліта Веніяміна:

А калі сёння хтосьці выкарыстоўвае ў палітычных мэтах, скажам, мантыю архіерэя? Мы што, і яе забаронім? Ці наогул забаронім Самога Хрыста, як спрабавалі зрабіць камуністы ў Савецкім Саюзе?

https://nn.by/?c=ar&i=272410

«Зразумеў, як трапіў у пастку». З СІЗА КДБ прыйшоў першы ліст ад Аляксандра Фядуты, яго атрымала жонка Марына Шыбко

«Ліст пра каханне, гэта першы ліст, які я атрымала за ўвесь гэты час, хоць адправіла яму ўжо тры, — кажа Марына Шыбко. — Усё разумее, усё зразумеў, куды трапіў, якая пастка. Зразумеў, як трапіў у пастку. Астатняе — асабістае, шле прывітанні».

https://nn.by/?c=ar&i=272411

❕Зірніце, як блізкія сустракаюць пасля 25 сутак Юлію Міхайлаву, якую затрымалі за шпацыр з бела-чырвона-белым парасонам на праспекце Пераможцаў.

Увечары 7 красавіка да яе ў Прылуцкую Слабаду прыехалі супрацоўнікі міліцыі. Разам з Юляй у той дзень затрымалі яе маці і брата — іх асудзілі за непадпарадкаванне на 5 і 6 сутак адпаведна. Сястру Лілію таксама забіралі ў РУУС на тры гадзіны. Пасля адпусцілі, бо яна мае непаўнагадовых дзяцей.

Плошча Перамен віншуе ўсіх з Вялікаднем і зычыць міру і дабрыні!

Наша Ніва дапамагла тысячам людзей, а сотням тысяч людзей дае кісларод інфармацыі. Пры гэтым сама Наша Ніва ў тых абставінах, якія склаліся, патрабуе пастаяннай дапамогі ад чытачоў.

Калі вам падабаецца тое ці іншае медыя, дапамагайце яму фінансава.

На даўняе пытанне "што такое беларуская ідэя?" гэты год даў ясны адказ — гэта салідарнасць. З гэтай нівы расце наша дрэва, і мы пабачылі, колькі ў ім сілы.

Дапамагчы «Нашай Ніве» можна двума спосабамі:

👉🏻 Пералічыць грошы праз АРІП з любой беларускай карткі: Благотворительность, общественные объединения — Просветительские, культурно-досуговые — Сородичи. Ці нумар паслугі 4346851.

👉🏻 Праз Клуб Нашай Нівы — Club.nn.by. Трэба ўвайсці праз сацсеткі ці гмэйл, выбраць Гібкі план і любую суму.

Падзяліцца інфармацыяй: @NashaNivaBot. Рэклама: @nnads_bot

❗️«Мыцца не вадзілі, на шпацыр трапіла адзін раз». Юлія Міхайлава, якую затрымалі за прагулку з белым парасонам, — пра сваю пятую адседку

У суме, пачынаючы з верасня-2020, дзяўчына правяла за кратамі 82 дні.

https://nn.by/?c=ar&i=272404

Беларусы Італіі з'ехаліся ў Рым на сустрэчу са Святланай Ціханоўскай. Былі прадстаўнікі Мілана, Фларэнцыі, Трыеста, Неапаля, Падуі і Вероны.

А мастачка Вольга Сіліванчык падарыла Святлане Ціханоўскай вось гэты партрэт Ніны Багінскай.

Ціханоўская таксама сустрэлася з італьянскімі палітыкамі: https://nn.by/?c=ar&i=272414

Заўзятары сарвалі матч «Манчэстэр Юнайтэд» — «Ліверпуль». Яны пратэставалі супраць Суперлігі і гаспадароў клуба.

Матч англійскай Прэм'ер-лігі перанесены на нявызначаны тэрмін.

Карпянкоў: Калі будзе пяройдзеная мяжа, то «палонных не будзе»

Камандуючы ўнутранымі войскамі выказаўся ў інтэрв'ю СТБ пра справу Зянковіча.

«Наогул, усё гэта падобна на змову ашуканцаў — не нацыянальных герояў і рэвалюцыянераў, якія хочуць штосьці змяніць, чаго б гэта ні каштавала, пабудаваць шчаслівую дзяржаву і ашчаслівіць усіх грамадзян Рэспублікі Беларусь. Не, яны не падобныя ні на рэвалюцыянераў, ні на герояў, якія гатовыя ахвяраваць сабой. Гэта дробныя ашуканцы, крадуны, кожны хоча ўнесці нейкую сваю прапанову, сваю тэму, толькі каб гэтая тэма атрымала фінансаванне. Гэта як злодзеі, якія хочуць абкрасці адзін аднаго. І вось яны сядзяць і абмяркоўваюць, як яны заблакуюць Мінск, заблакуюць ўнутраныя войскі, а лепш цэлы Мінск.

Таму ўсё гэта ашуканскія тэмы з адной толькі мэтай — перахапіць фінансавыя патокі, вывесці іх на сябе пад нейкія неверагодныя тэмы і подкупы людзей, якія будуць ім дапамагаць. Грошы гэтыя падзяліць, яны растворацца, сыдуць у нікуды, і ім не трэба будзе даваць справаздачу, таму што такія ж глабальныя цэны», — сказаў Карпянкоў.

Таксама ён звярнуўся да пратэстоўцаў.

«Тым, хто радыкалізаваўся, я адно скажу: калі вы што-небудзь паспрабуеце зрабіць ці распачаць не толькі сваімі дзеяннямі, думкамі і планамі, мы вас усіх абясшкодзім. Вы атрымаеце суровае пакаранне па законе. Не выключана, што калі дзесьці будзе пяройдзеная нейкая мяжа, то і палонных у гэтай сітуацыі не будзе», — заявіў ён.

У «жыроўках» з'явіцца новы радок

За што яшчэ нам давядзецца плаціць?

https://nn.by/?c=ar&i=272413

Адвакат Сяргей Зікрацкі з’ехаў у Вільню

Пра пераезд ён напісаў у сябе ў фэйсбуку. У Літве ён мае намер рабіць усё, каб змяніць сітуацыю ў Беларусі.

Гутарку з Зікрацкім можна прачытаць па спасылцы.

У Мінску — парывісты вецер. Што раяць ратавальнікі?

На сёння аб'яўлены аранжавы ўзровень небяспекі з-за моцнага ветру.

У сувязі з гэтым МНС рэкамендуе прыбраць са двароў і балконаў рэчы, якія могуць пашкодзіць ваша жыллё. Машыну найлепш паставіць у гараж, пры адсутнасці гаража аўтамабіль варта паркаваць удалечыні ад дрэў або слаба замацаваных канструкцый.

Знаходзячыся на вуліцы, варта абыходзіць хісткія будынкі і дамы з няўстойлівым крыццём, а таксама дрэвы, масты, эстакады, трубаправоды, лініі электраперадач, патэнцыйна небяспечныя прамысловыя аб'екты.

Былы міністр унутраных спраў Шуневіч пакінуў пасаду гендырэктара хакейнага «Дынама», на якой працаваў менш за год

https://nn.by/?c=ar&i=272428

Знойдзены ў Полацку каменны крыж падобны да традыцыйных латышскіх

Падрабязнасці ўнікальнай знаходкі.

https://nn.by/?c=ar&i=272421

Святлана Ціханоўская пачынае працоўны візіт у Славенію

Там яна сустрэнецца з прэм'ер-міністрам Янезам Яншам, міністрам замежных спраў Анжэ Логарам, міністрам абароны Мацеем Таніным.

Гаворка будзе пра ўсёабдымны план Еўрасаюза для Беларусі — з 1 ліпеня Славенія будзе старшыняваць у ЕС. Перад Люблянай Ціханоўская з камандай наведалі Вену і Рым.