Спіс затрыманых на вуліцах Мінска 7 і 8 жніўня

https://nn.by/?c=ar&i=256814

Намеснік старшыні ЦВК: Фатаграфаваць свой бюлетэнь не забаронена

https://nn.by/?c=ar&i=256816

ЦВК сцвярджае, што датэрмінова прагаласавалі 41,7%.

Ярмошына: Калі будзе шмат людзей, установім прапускны рэжым на ўчастках

https://nn.by/?c=ar&i=256826

ДАІ і вайскоўцы стаяць на ўездзе ў Мінск

ФОТАФАКТ:
https://nn.by/?c=ar&i=256828

З усёй краіны даходзіць інфармацыя аб перабоях у працы інтэрнэта — як праз Белтэлекам, так і праз А1.

Недаступны сайт незалежнага назірання Zubr.in. Платформа назірання распаўсюдзіла наступную абвестку: В связи с вмешательством в функционирование платформы ZUBR со стороны спецслужб Беларуси предлагаем всем гражданам и наблюдателям направлять сообщения об инцидентах через телеграм-бот @zubr_assist_bot

Нам паведамляюць, што на некаторых участках для людзей з белымі бранзалетамі выдавалі бюлетэні для галасавання, дзе ў квадраце за аднаго з кандыдатаў стаяла кропка, намаляваная ручкай. Калі вы возьмеце такі бюлетэнь і прагаласуеце, яго прызнаюць несапраўдным: маўляў, дзве адзнакі за дваіх кандыдатаў. Калі вам такое далі, патрабуйце ад камісіі складання акта несапраўднасці бюлетэня, паведамляйце аб парушэнні міліцыі і прасіце новы чысты бюлетэнь.

Збоі ў працы Тэлеграма. Не праходзяць, не праглядаюцца медыяфайлы.

Каб паскорыць працу Тэлеграма: існуе канал з проксі

t.me/ProxyMTProto

Заходзім, выбіраем у спісе сервер (або некалькі), у якіх порт 443 (пажадана) і націскаем кнопку Connect.

Тэлеграм пачне працаваць паўнавартасна, з загрузкай медыяфайлаў. Таксама з'явіцца значок са шчытом уверсе, а калі на яго націснуць — можна ўбачыць стан сервераў. Калі пінг большы за 100мс -- лепш выбраць іншыя, а гэтыя потым выдаліць доўгім націсканнем на экран.

Чытачы паведамляюць, што на трасах у кірунку Мінска каля рэгіянальных гарадоў спыняюць машыны, правяраюць дакументы. Пасля праверкі дакументаў прапускаюць. Пільнуйцеся, калі ў вас на машыне - нацыянальная ці апазіцыйная сімволіка.

"На ўчастку чарга чалавек 15. 80 працэнтаў са стужкамі. Чарга рухаецца марудна, бо ўсе фатаграфуюць бюлетэні", паведамляе карэспандэнт Нашай Нівы з участка 18 у Мінску, які месціцца ў Маскоўскім раёне, на Хмялеўскага, школа 105.

Вялізныя чэргі да ўчастка ў Новай Баравой.

Вялізныя чэргі, каб прагаласаваць, у беларускім пасольстве ў Варшаве.

Колькасць зарэгістраваных у сістэме Голас працягвае расці

Сайт Нашай Нівы працуе са збоямі.

«Адлічыў 100 чалавек. 24 з сотні — са стужкамі», — перадаў а 12-й карэспандэнт «Нашай Нівы» з-пад участкаў 4—5 Фрунзенскага раёна, гэта гімназія 37.

Ускладненая праца сайта NN.BY. Пра штучны характар ускладненняў сведчыць той факт, што не праходзяць і лісты на мэйл NN@NN.BY.

Карэспандэнты «Нашай Нівы» пабывалі на ўчастках у Ждановічах і Стайках Мінскага раёна. Агромны паток людзей на ўчастках, ад 15 да 30 % з белымі стужкамі ў першай палове дня.

Назіральнікі ў Стайках налічылі зранку стужкі ў 26 са 175 выбарцаў, якія прайшлі міма іх.

У Ждановічах стужкі былі ў 31 выбарца са 100 падчас прысутнасці карэспандэнта НН.