Каля 11:00 затрымалі Марыю Мароз — даверанную асобу і памочніцу кандыдата ў прэзідэнты Святланы Ціханоўскай.

Марыю Мароз затрымалі на выхадзе з пасольства Літвы супрацоўнікамі міліцыі. Марыя ішла падаваць дакументы на візу, паведамляе прэс-служба кандыдата ў прэзідэнты

Прычына затрымання і цяперашняе месцазнаходжанне Марыі Мароз невядомае.

Глядзіце, што засталося ад таямніцы галасавання на гэтых выбарах

ФОТЫ:
https://nn.by/?c=ar&i=256641

З выбарчай камісіі ў Мінску ўсё ж выключылі настаўніцу з фальшывымі подпісамі

https://nn.by/?c=ar&i=256642

«Чытаю бруд у сацсетках». Што кажуць дырэктары расійскіх артыстаў, якія прыедуць у Беларусь 8 жніўня

https://nn.by/?c=ar&i=256652

Лукашэнка: Я б ваяваў за Крым! Там бы тысячы чалавек ляглі!

https://nn.by/?c=ar&i=256653

Ціханоўская не будзе праводзіць мітынг на Бангалоры, але заклікала наведаць свята ў Кіеўскім скверы а 19-й гадзіне

https://nn.by/?c=ar&i=256654

Што робіцца на Бангалоры, дзе замест Ціханоўскай адзначаюць Дзень чыгуначных войскаў

ФОТЫ:
https://nn.by/?c=ar&i=256664

На мерапрыемстве на Бангалор заўважная палітычная сімволіка — сцягі камуністаў.

Людзі сцякаюцца ў Кіеўскі сквер. Цяпер тут ужо каля 2000 чалавек. Чакаюць Ціханоўскай.

Звычайныя работнікі Палаца моладзі Кірыл Галанаў і Улад Сакалоўскі ўключылі на афіцыйным мерапрыемстве песню «Перамен». Яны стаялі, узняўшы кулакі. На руках у іх былі белыя стужкі.

Паглядзіце, колькі людзей стаіць вакол Кіеўскага сквера.

"Святлана Ціханоўская, мы за цябе!" - дзяўчынка ў натоўпе зрабіла фурор

Інфармацыя пра тое, што Ціханоўская, Цапкала і Калеснікава не прыедуць у Кіеўскі сквер з-за магчымых правакацый, не пацвердзілася.

На мерапрыемства ў Кіеўскі сквер прыехала Марыя Калеснікава.

Марыю Калеснікаву не прапусцілі праз КПП. Яна спрабуе прайсці праз іншы ўваход, але і там яе спыніў мужчына ў цывільным і штосьці тлумачыць. Праз іншы КПП яе таксама не пусцілі, яна пайшла да КПП каля ўваходу ў кінатэатр. Марыя Калеснікава сыходзіць са скверу, людзі ідуць за ёй.

Святлана Ціханоўская літаральна 100 метраў не дайшла да Кіеўскага скверу. Яе ахоўнікі пераканалі яе вярнуцца.

На пляцоўцы ў Кіеўскім скверы яшчэ застаецца пару сотняў чалавек. Людзі ўключылі ліхтарыкі на сваіх мабільных тэлефонах і скандуюць «Верым! Можам! Пераможам!». Людзі паступова разыходзяцца, пасля таго, як яны правялі Марыю Калеснікаву.

"Сыходзь!" - скандавалі людзі ў Мінску.

Удзельнікі акцыі скандуюць "Наша возьме" — такую крычалку выкарыстоўваюць заўзятары хакейнага "Дынама".