Колькі трэба спаць, каб зберагчы мозг ад дэменцыі?

Навукоўцы вылічылі працягласць сну, пры якой шанцы пажылых людзей атрымаць дэменцыю будуць самымі нізкімі.

Чытайце па спасылцы.

Сёння, 22 кастрычніка, памёр вядомы пісьменнік Юрый Станкевіч. Яму было 76 гадоў.

Юрый Станкевіч або Юры Станкевіч, сапраўднае Георгій Васільевіч Харытановіч нарадзіўся 21 студзеня 1945 года ў Барысаве.

Бацька пісьменніка ў 1946 годзе быў рэпрэсаваны па 58-м артыкуле ў Карагандзінскі папраўча-працоўны лагер. Юрый рана кінуў школу і пачаў працаваць. Скончыў факультэт журналістыкі Беларускага дзяржаўнага ўніверсітэта, працаваў у барысаўскай аб’яднанай газеце. Неўзабаве пераехаў у Мінск. Быў літсупрацоўнікам, загадчыкам аддзела часопіса «Маладосць», загадчыкам аддзелу часопіса «Крыніца». З 1990 года — член Саюза беларускіх пісьменнікаў.

Пачаў літаратурную дзейнасць у 1988 годзе. Напісаў некалькі раманаў, шмат аповесцей і апавяданняў, а таксама каля дзясятка п’ес і кінасцэнарыяў.

Найважнейшыя кнігі Станкевіча — «Любіць ноч — права пацукоў» (2000), «Апладненне ёлупа» (2005), «Мільярд удараў» (2008), «П’яўка» (2010). Творы перакладзены на некалькі моў.

Як турма змяняе людзей і што чакае палітвязняў? Вялікі гайд ад псіхолага

Зусім нядаўна колькасць беларускіх палітвязняў дасягнула 817 чалавек — і гэта толькі тыя, каго вязнямі сумлення прызналі праваабаронцы. Агульная ж колькасць палітычных спраў у беларускіх турмах, па некаторых ацэнках, можа дасягаць некалькіх тысяч. Што адбываецца з псіхікай палітвязняў у турме? Як ім дапамагчы? Запыталіся ў псіхолага і гештальт-тэрапеўткі Наталлі Скібскай, якая працуе з былымі вязнямі.

Чытайце па спасылцы.

Палессе накрываюць пясчаныя буры

Паглядзіце, якія воблакі пяску падымае моцны вецер у Столінскім раёне. Пасля збору ўраджаю палі на Палессі ператвараюцца ў барханы. Фота @onlinerby

Чым сёння жыве Алеся Берулава: сэкс-бомба з гуртоў «Мантана» і Merry Poppins і былая жонка Сяргея Міхалка

@nashaniva пагаварыла з Алесяй пра яе цяперашняе жыццё, Беларусь і былога мужа.

• «Я была Вольгай, пакуль не пераехала ў Беларусь»
• «Музыка цяпер толькі як хобі»
• «Мне здаецца, што Міхалок у бядзе, як быццам бы. Але, можа, тое мае фантазіі, можа, у яго наадварот усё ў парадку і ён сябе адчувае выдатна, проста яму ніхто не патрэбны з мінулага жыцця».
• «Сярога не вытрымаў — і пры выпадку даў таму журналісту ў морду».
• «У тым ліку і таму я ў Маскву з'ехала, таму што сысці ад Сярогі і застацца жыць у Менску... Гэта складана было ўявіць, ён бы ўсё роўна мяне вярнуў. А я не хацела больш быць разам».
• «У Японіі я пражыла паўгода, вучыла там японцаў спяваць караоке»
• «Я шчыра баюся прыязджаць у Беларусь цяпер. Баюся «касманаўтаў» — людзей у форме. У мяне сэрца ёкае, калі я іх бачу».

Чытайце па спасылцы

Мужчына выйшаў да МЗС з плакатам «Спыніце нелегальную міграцыю» — атрымаў 15 сутак

20 кастрычніка 35-гадовага Віктара Яныша затрымалі за адзіночны пікет з плакатам «Остановите нелегальную миграцию/Stop illegal migration» насупраць Міністэрства замежных спраў Беларусі.

22 кастрычніка суддзя Ленінскага раёна горада Мінска Юлія Шут асудзіла яго па артыкуле 24.23 КаАП на 15 сутак арышту.

Уся карціна дня — на nashaniva.com (З Беларусі — праз VPN). Што гэта і як усталяваць, чытайце тут.

Кампанія Lego выпусціла канструктар — дакладную копію асабняка сям'і Макалістэраў з легендарнага каляднага фільма «Адзін дома»

Набор складаецца ажно з 3 955 дэталяў і абыдзецца ў $250. Дызайн канструктара распрацаваў украінскі прыхільнік фільма — 28-гадовы Алекс Старажук.

У кампаніі адзначаюць, што гэта самы вялікі набор з усіх, калі-небудзь створаных фанатамі ў рамках праекта Lego Ideas, які дазваляе карыстальнікам прыдумляць мадэлі самастойна.

Канструктар паступіць у продаж 1 лістапада.

Падпісчыкі атрымалі новы нумар (9/2021) «Нашай гісторыі»!

У нумары: Эмілія Плятэр, залатая мара Янука Чарняўскага, «літоўская Ламбардыя», Герцагства Букавіна.

Яго таксама можна набыць у кнігарнях і гіпермаркетах. Рэкамендуем «Галіяфы» (метро Няміга), «Кніжная шафа» (метро Грушаўка), у гандлёвым цэнтры «Купалаўскі» (метро Кастрычніцкая і Купалаўская), этнакраме «Рагна» (метро Фрунзенская і Юбілейная плошча), інтэрнэт-крамах knihi.by, kniganosha.by, mmkut.by.

Варварская гісторыя з Гародні: бацька з сынам на вуду лавілі качак на Нёмане, проста ў цэнтры горада, здабычу забівалі

Мужчыны насаджвалі мякіш на рыбалоўны кручок, птушка хапала хлеб і трапляла ў смяротную пастку.

«Паляўнічых-рабакоў» затрымалі. Шкода ад такога варварскага палявання склала 5220 рублёў, колькі птушак забілі мужчыны, не паведамляецца. Распачатая крымінальная справа па артыкуле «Незаконнае паляванне».

Хлопец з Мінска так хацеў у космас, што адправіў у стратасферу сваю фігурку, а цяпер прадае яе на дабрачынным аўкцыёне

Мінчук Алесь Шупо запусціў паменшаную копію сябе аўтарства Стася Нікановіча ў космас, ператварыў усю гісторыю палёту ў NFT-токен (гэта такі ўнікальны лічбавы аб’ект, копій якога не існуе), каб выставіць яго на дабрачынны аўкцыён.

Як такая ідэя прыйшла хлопцам у галаву і што з яе выйшла — чытайце па спасылцы.