Што такое катастрофа паводле Лукашэнкі

19 кастрычніка, БелТА: «Аляксандр Лукашэнка падкрэсліў, што ў цяперашняй сітуацыі з распаўсюдам каранавіруснай інфекцыі не бачыць ніякай катастрофы».

22 кастрычніка: «Паглядзіце, што ў Гомелі дзеецца. Гэта ж катастрофа. Там ужо па начах рэжуць кароў і сплаўляюць у Расію».

На Краснай плошчы ў Маскве моцны вецер здзьмуў будаўнічыя рыштаванні і паламаў адзін з зубцоў крамлёўскай сцяны.

Васкрасенскаму забаранілі ўезд ва Украіну да 2024 года

Пра гэта ён паведаміў у сваім тэлеграм-канале. Васкрасенскага не пусцілі ноччу, калі ён ехаў у Кіеў. Што ён збіраўся там рабіць, невядома.

Кіраўнік «Круглага стала дэмакратычных сіл» сцвярджае, што прычына адмовы — пагроза нацбяспецы Украіны.

«Ніхто не ведае, што будзе заўтра»: прэзідэнт Літвы заклікаў змяніць міграцыйную палітыку ЕС з-за патоку нелегалаў з Беларусі

Гітанас Наўседа заявіў, што правілы ЕС у галіне міграцыі і прадастаўлення прытулку неабходна змяніць, а супольнасць павінна быць гатовая да магчымасці яшчэ большага наплыву нелегальных мігрантаў на знешняй мяжы з Беларуссю.

«Мы бачым працяг гібрыднай атакі Беларусі, якая становіцца ўсё больш агрэсіўнай, мы бачым спробы палегчыць выдачу віз, мы бачым спробы беларускага рэжыму знайсці новыя сувязі, новыя кірункі з краін Блізкага Усходу. Такім чынам, колькасць мігрантаў, патэнцыйна якія перасякаюць мяжу з ЕС, расце. Таму ў гэтых умовах нам неабходна змяніць заканадаўства, Шэнгенскі кодэкс, каб быць гатовымі да гэтых выклікаў з боку беларускага рэжыму», — заявіў ён.

Паводле яго слоў, Літва імкнецца абнавіць і перагледзець правілы міграцыі і прадастаўлення прытулку, а таксама прыняць меры, якія дазволілі б ЕС фінансаваць будаўніцтва фізічнага бар'ера на мяжы з Беларуссю.

❓Пасля крытыкі Лукашэнкі ў краіне адмянілі абавязковы масачны рэжым. Адбылося гэта насуперак вопыту замежных краін і парадаў Мінздароўя.

Дарагія чытачы, дасылайце, калі ласка, ў наш чат-бот @nasa_niva_bot фоты з крамаў, транспарту, прадпрыемстваў — ці носяць людзі маскі. Пазначце, дзе і калі быў зроблены здымак.

У камандзе Ціханоўскай новая прадстаўніца па адукацыі і навуцы. Што пра яе вядома і куды сышла яе папярэдніца?

У офісе Святланы Ціханоўскай кадравыя змены. Днямі была прызначана новая прадстаўніца па адукацыі і навуцы — прафесар Еўрапейскага гуманітарнага ўніверсітэта Таццяна Шчытцова. «Наша Ніва» пазнаёмілася з ёй бліжэй і даведалася, чым Таццяна будзе займацца найперш.

Чытайце па спасылцы

Уся карціна дня — на nashaniva.com (З Беларусі — праз VPN). Што гэта і як усталяваць, чытайце тут.

Міністэрства аховы здароўя рассылае SMS з запрашэннем на вакцынацыю

Раніцай з'явілася навіна, што Мінздароўя адмяніла абавязковы масачны рэжым у Беларусі.

Потым ведамства ў сваім тэлеграм-канале паведаміла, што людзей за адсутнасць масак не будуць штрафаваць, але ўсё ж рэкамендавала іх насіць.

Еўрасаюз гатовы ўвесці персанальныя санкцыі супраць Беларусі з-за мігранцкага крызісу

Такое рашэнне прынята па выніках саміту.

Уся карціна дня — на nashaniva.com (З Беларусі — праз VPN). Што гэта і як усталяваць, чытайце тут.

Мінфін прызнаў цяжкасці з рэфінансаваннем дзяржаўнага доўгу. Грошы хочуць узяць у Еўразійскага фонду стабілізацыі і развіцця

«У сувязі з увядзеннем заходніх санкцый мы сутыкнуліся са складанасцямі па рэфінансаванні свайго валютнага дзяржаўнага доўгу. З некаторымі міжнароднымі фінансавымі інстытутамі праца пастаўлена «на паўзу». У гэтай сувязі супрацоўніцтва з Еўразійскім фондам стабілізацыі і развіцця, нашым даўнім партнёрам, з'яўляецца абгрунтаваным і выгадным з фінансавага пункту гледжання. Дарэчы, цяпер прапрацоўваецца ўжо чацвёртая праграма з фондам», — адзначылі ў ведамстве Інтэрфаксу.

У Мінфіне абверглі публікацыі ў СМІ, што ўмовай праграмы была неабходнасць прывязкі нацыянальнай валюты да расійскага рубля альбо пераход на адзіную валюту ў рамках Саюзнай дзяржавы.

24 чэрвеня ЕС упершыню ўвёў сектаральныя санкцыі ў дачыненні да Беларусі, якія прадугледжваюць у тым ліку забарону на доступ Мінска на еўрапейскія рынкі запазычанняў.

Знешні дзяржаўны доўг Беларусі па стане на 1 жніўня 2021 года склаў $18,4 млрд, скараціўшыся за студзень-ліпень на $0,2 млрд, або на 1,1%.

Галоўны інфекцыяніст Мінска: Адзіны шлях спыніць пандэмію — вакцынацыя, іншага шляху няма

Спыніць пандэмію COVID-19 можна толькі шляхам фарміравання калектыўнага імунітэту. Такое меркаванне выказаў галоўны інфекцыяніст сталіцы Святаслаў Вельгін.

— З досведу іншых краін можна сказаць: з уводам жорсткіх антыкавідных абмежаванняў захворванне, натуральна, зніжалася, — адзначыў Вельгін. — Але лакдаўн не можа працягвацца бясконца. І як толькі аслабляюць лейцы, усё вяртаецца. Таму адзіны шлях спыніць пандэмію — гэта стварэнне імуннай праслойкі. Да прыходу «дэльта»-штама казалі пра тое, што пры вакцынацыі 60% насельніцтва мы будзем абаронены — сфарміруецца папуляцыйны імунітэт. Цяпер трэба ўжо 70-80% насельніцтва прышчапіць. Таму трэба гэтыя лічбы дасягаць. Іншага шляху няма.

Уся карціна дня — на nashaniva.com (З Беларусі — праз VPN). Што гэта і як усталяваць, чытайце тут.

Саўміну зноў даручылі стрымліваць цэны і павысіць даходы людзей. Ці магчыма гэта?

На сённяшняй нарадзе з Саўмінам Лукашэнка зноў даручыў стрымліваць цэны. Нагадаем, што на асобныя катэгорыі прадуктаў цэны рэгулююцца яшчэ з канца лютага. Праўда, чамусьці ўсё адно хутка растуць. Наколькі рэальна стрымліваць цэны?

Чытайце тлумачэнне эксперта па спасылцы

Колькі трэба спаць, каб зберагчы мозг ад дэменцыі?

Навукоўцы вылічылі працягласць сну, пры якой шанцы пажылых людзей атрымаць дэменцыю будуць самымі нізкімі.

Чытайце па спасылцы.

Сёння, 22 кастрычніка, памёр вядомы пісьменнік Юрый Станкевіч. Яму было 76 гадоў.

Юрый Станкевіч або Юры Станкевіч, сапраўднае Георгій Васільевіч Харытановіч нарадзіўся 21 студзеня 1945 года ў Барысаве.

Бацька пісьменніка ў 1946 годзе быў рэпрэсаваны па 58-м артыкуле ў Карагандзінскі папраўча-працоўны лагер. Юрый рана кінуў школу і пачаў працаваць. Скончыў факультэт журналістыкі Беларускага дзяржаўнага ўніверсітэта, працаваў у барысаўскай аб’яднанай газеце. Неўзабаве пераехаў у Мінск. Быў літсупрацоўнікам, загадчыкам аддзела часопіса «Маладосць», загадчыкам аддзелу часопіса «Крыніца». З 1990 года — член Саюза беларускіх пісьменнікаў.

Пачаў літаратурную дзейнасць у 1988 годзе. Напісаў некалькі раманаў, шмат аповесцей і апавяданняў, а таксама каля дзясятка п’ес і кінасцэнарыяў.

Найважнейшыя кнігі Станкевіча — «Любіць ноч — права пацукоў» (2000), «Апладненне ёлупа» (2005), «Мільярд удараў» (2008), «П’яўка» (2010). Творы перакладзены на некалькі моў.

Як турма змяняе людзей і што чакае палітвязняў? Вялікі гайд ад псіхолага

Зусім нядаўна колькасць беларускіх палітвязняў дасягнула 817 чалавек — і гэта толькі тыя, каго вязнямі сумлення прызналі праваабаронцы. Агульная ж колькасць палітычных спраў у беларускіх турмах, па некаторых ацэнках, можа дасягаць некалькіх тысяч. Што адбываецца з псіхікай палітвязняў у турме? Як ім дапамагчы? Запыталіся ў псіхолага і гештальт-тэрапеўткі Наталлі Скібскай, якая працуе з былымі вязнямі.

Чытайце па спасылцы.

Палессе накрываюць пясчаныя буры

Паглядзіце, якія воблакі пяску падымае моцны вецер у Столінскім раёне. Пасля збору ўраджаю палі на Палессі ператвараюцца ў барханы. Фота @onlinerby