Мінск. Некалькі тысяч чалавек рушаць ад Гарадскога Вала па Кальварыйскай у бок «Кароны». Яны занялі праезную частку, не даўшы праехаць калоне вайсковай тэхнікі, якая вымушана павольна ехаць за імі, бо аб’ехаць няма як — насустрач рухаюцца звычайныя аўтамабілі, яны зацята сігналяць, падтрымліваючы дэманстрантаў, перадае карэспандэнт @nashaniva

Каля Каскада калона скандуе “Каскад – малайцы!” @nashaniva

Калона дэманстрантаў, якая рушыць ад Гарадскога Вала па Кальварыйскай, зліваецца з пратэстоўцамі, якія ішлі сюды ад праспекта Машэрава праз мост ля «Кароны». Вельмі многа людзей, галава калона ўжо дайшла да Кальварыйскіх могілак, перадаюць карэспандэнты @nashaniva

А так калона выглядае з Каскада. Відэа чытача @nashaniva

Калона працягвае рух у бок Пушкінскай. @nashaniva

Мінск. Галава асноўнай калоны, якая рушыць па Кальварыйскай, набліжаецца да праспекта Пушкіна. Хвост яшчэ мінае пуцяпровад. Колькасць дэманстрантаў паводле ацэнак карэспандэнтаў @nashaniva ўжо перавысіла 100 000, людзей прыкладна столькі, колькі хадзіла ў часе ранейшага маршу на Дразды. @nashaniva

У Брэсце затрымалі галоўную рэдактарку партала «Бінокль» Ксенію Пятровіч.