Чытачы @nashaniva паведамляюць, што ў Гродне таксама выйшла вельмі шмат людзей. Не менш за 10 тысяч чалавек.

Вось, што расказаў @nashaniva адзін з работнікаў МТЗ, які зараз на мітынгу:

"Ёсць перашкода для масавай забастоўкі: многія жывуць у інтэрнатах, нас палохаюць звальненнем, а гэта значыць, што страціцца і інтэрнат. Палохаюць пазбаўленнем прэмій таксама. Таму я не думаю, што масштабная забастоўка ўсё ж адбудзецца, але мы верым у сілу мірных пратэстаў — гісторыя ўжо паказвала, што яны ўрэшце прыводзяць да перамен. Дзе тыдзень, там два, там месяц, галоўнае не спыняцца і ісці да канца".

Акцыі праходзяць і ў рэгіёнах. У Гомелі каля тэатра сабралісь некалькі тысяч чалавек. У Брэсце дэманстранты сабраліся на плошчы Леніна. У Магілёве людзі пачалі збірацца на праспекце Міру каля аблвыканкама. У Віцебску людзі пашлі шэсцем па вуліцы Леніна. Відэа з Гродна глядзіце вышэй.

Людзі гуляюць па праспекце. Частка падыходзіць на плошчу, некаторыя ідуць у адваротным напрамку. @nashaniva

Плошча Незалежнасці і праспект а 16-й гадзіне. Відэа чытача @nashaniva.

Людзі працягваюць гуляць па праспекце Незалежнасці. Частка пайшла ў бок праспекта Пераможцаў, шмат людзей ля цырка.

Хвост калоны ўсё яшчэ на Плошчы. @nashaniva

Галава калоны ўжо прайшла ГЦ "Галерэя" на Пераможцаў, хвост — каля Чырвонага касцёла на плошчы Незалежнасці. Пра гэта паведамляюць карэспандэнты Нашай Нівы, якія ідуць у галаве і хвасце калоны @nashaniva

У арках на Леніна стаяць кантэйнеры з будаўнічым смеццем, але яны выклікаюць інтарэс толькі як фотазоны. @nashaniva