У сям'і са Смаргоні жыве сапраўдны янот: ён дапамагае мыць бульбу і ганяе катоў

Тры месяцы таму ў сям'і Валерыя і Людмілы Дубіцкіх са Смаргоні з'явіўся незвычайны гадаванец — янот-паласкун па мянушцы Бублік. Яны расказалі журналістам, як жывецца разам з Бублікам.

Чытайце па спасылцы

Тэлеграм-канал аналітыка Арцёма Шрайбмана прызнаны ў Беларусі экстрэмісцкім

Экстрэмісцкімі ў Беларусі прызнаныя больш за 300 каналаў і суполак: ад лакальных да каналаў з сотнямі тысяч падпісчыкаў. 7 з 10 найбольш папулярных беларускіх тэлеграм-каналаў прызнаныя экстрэмісцкімі.

Паглядзіце, якая Беларусь вялікая — у Езярышчы 15 хвілін таму было амаль 4 градусы марозу, а ў Брэсце — амаль 8 градусаў цяпла.

Розніца тэмператур паміж паўднёвым захадам і паўночным усходам складае 11,5 градусаў!

У ЕС прапаноўваюць зрабіць вакцынацыю ад каранавіруса абавязковай. Грэцыя ўвяла штрафы для грамадзян пасля 60 год без прышчэпак

Прэзідэнт Еўракамісіі лічыць, што абавязковую вакцынацыю трэба разгледзець у краінах ЕС у сувязі з распаўсюджваннем новага штама каранавіруса «амікрон».

Чытайце па спасылцы

Літоўцы паказалі перавозку кантрабандных цыгарэт на цягніку з Беларусі

Запіс апублікавала прэс-служба літоўскай Дзяржпагранаховы. Відэа таварнага цягніка, на даху аднаго з вагонаў якога бачныя каробкі і чалавек, зроблена з верталёта.

Сёлета літоўскія памежгнікі раскрылі 379 выпадкаў кантрабанды і затрымалі 2,4 мільёна пачкаў кантрабандных цыгарэт.

Каля 41% усіх канфіскаваных сёлета ў Літве кантрабандных цыгарэт перавозіліся цягнікамі.

Пяць чалавек пацярпелі ў ДТЗ пад Мінскам. Легкавік разарвала напалам

Сёння раніцай на 30 км трасы «Мінск-Маладзечна-Нарач» у Мінскім раёне «Опель» занесла, пасля чаго легкавік выехаў на сустрэчную паласу і ўрэзаўся ў грузавы «ГАЗ». Пасля ў іх ўрэзаліся яшчэ дзве машыны.

У аварыі пацярпелі 5 чалавек.

ДАІ паведамляе, што на «Опелі», які у выніку ДТЗ разарвала напалам, стаялі ўсесезонныя шыны рознага рысунку пратэктара, які сцёрся.

❗️«Па нас няма рашэння ўжо 10 месяцаў». Беларуская сям'я расказала, як захрасла ў нямецкім лагеры для бежанцаў

На фоне міграцыйнага крызісу на беларуска-польскай мяжы розныя сілы ў Германіі дыскутавалі, ці варта прымаць уцекачоў з Ірака. Але разам з гэтым, у Германіі ўжо хутка год як дабіваюцца прытулку некалькі беларускіх сем'яў. Колькі іх дакладна, мы не ведаем.

Мы пагаварылі з Таццянай, сям'я якой прыехала ў Германію з Мінскай вобласці. Дарослыя і двое дзяцей ўжо дзесяць месяцаў жывуць у лагеры, жанчына расказала, як гэта выглядае. 

▫️«Пакуль жывеш у лагеры — выдаюць невялікую суму, нам на чатырох чалавек давалі 600 еўра. Адзін раз на суткі кормяць гарачым і выдаюць «сухпай»: хлеб, ёгурт, сыр, каўбасу, малако».
▫️«Тут ёсць і беларускія цыгане, якія на словах вялікія рэвалюцыянеры. Я думаю, гэта ўсё махлярства. Кажуць, што яны «палітычныя». 
▫️«У лагеры цяжка без мовы прадзірацца праз нямецкую бюракратыю, але і жыць у краіне, дзе не працуе закон, — яшчэ цяжэй». 

Чытайце цалкам

Перад пачаткам пасяджэння рады міністраў замежных спраў АБСЕ Уладзімір Макей сфатаграфаўся са шведскай міністаркай Ан Ліндэ. Некаторыя звярнулі ўвагу, што Ліндэ нібыта дэманстратыўна трымае рукі за спінай.

У сацсетках міністарку замежных спраў Швецыі адначасова крытыкуюць за сустрэчу з прадстаўніком рэжыму Лукашэнкі і дзякуюць за прынцыповую пазіцыю.

Але, мяркуючы па фота з міністрамі іншых краін, Ліндэ проста так зручна стаяць — з рукамі за спінай. Малаверагодна, што гэта была дэманстрацыяй пазіцыі ў дачыненні да Макея.

Паглядзіце, колькі мігрантаў чакалі самалёта ў Ірак у мінскім аэрапорце

Відэа апублікаваў прэс-сакратар міністра-каардынатара польскіх спецслужб Станіслаў Жарын. Ён адзначае, што адлёт не азначае заканчэнне міграцыйнага крызісу, бо ў Беларусі застаецца шмат замежнікаў і ў будучым яшчэ магчымыя спробы сілавога штурму мяжы.

Нагадаем, што на сённяшні рэйс у Ірак зарэгістраваліся 427 чалавек.

«Белпошта» хоча абнавіць дызайн паштовых скрыняў. Да ўдзелу ў конкурсе запрашаюць усіх ахвотных

Конкурс працягнецца з 1 снежня да 28 лютага. Удзельнічаць могуць грамадзяне Беларусі, якім больш за 18 гадоў і якія пастаянна жывуць у РБ.

Дызайн-макет можа быць намаляваны ўручную або пры дапамозе праграмных прадуктаў. Разам з макетам трэба дасылаць заяўку, а таксама апісанне тэхнічных характарыстык скрыні.

Аб умовах конкурсу можна даведацца па спасылцы.

Экстрэмісцкім прызналі тэлеграм-канал «Ник и Майк».

«Ну, это пипец какой-то, Юра!». Следчыя паказалі відэа аварыі, у якой пацярпелі чатыры чалавекі

ДТЗ адбылося 3 ліпеня ў Асіповіцкім раёне. 43-гадовы мінчук абраў небяспечную хуткасць на грунтава-жвіровай дарозе, у выніку машыну занесла, пасля чаго яна ўрэзалася ў дрэва.

Пацярпелі чатыры чалавекі, у тым ліку і кіроўца, якога, мяркуючы па відэа, эмацыйна прасілі не ехаць хутка.

У выніку мінчука асудзілі на чатыры гады калоніі-пасялення. Машыну канфіскавалі.