Тэатральная хваля салідарнасці. Якія спектаклі пра рэпрэсіі ў Беларусі з'явіліся ў свеце і дзе іх можна паглядзець?

Падзеі, што адбыліся ў Беларусі пасля выбараў-2020, адразу назвалі вартымі сюжэтаў кніг і кіно. І першая порцыя іх ужо створаная. У тым ліку і першыя спектаклі.

Расказваем пра частку з іх: на якіх тэатральных пляцоўках прагучалі (ці хутка пачнуць гучаць) гісторыі пра беларусаў.

Чытайце па спасылцы

Інданезійскія даследчыкі прыдумалі, як выкарыстоўваць кававую гушчу ‒ рабіць акумулятары для электрамабіляў

Інданезія — адна з краін-лідараў у свеце па вытворчасці кавы. Кававую гушчу ў Інданезіі можна цяпер не выкідаць у сметніцу — яна атрымала новае жыццё, бо навукоўцы навучыліся выкарыстоўваць яе як кампанент для літый-іённых акумулятараў.

Такія батарэйкі важаць значна менш за звычайныя акумулятары. А гэта ў сваю чаргу дазволіць сур’ёзна павялічыць прабег машыны.

Чытайце далей

З Беларусі вылецелі ўжо амаль 1,5 тысячы іракцаў

Міністэрства транспарту Ірака пацвердзіла вылет чацвёртага эвакуацыйнага рэйса, які выконваецца Iraqi Airways з Мінска ў аэрапорты Эрбіля і Багдада. Ім вылецелі 420 чалавек, паведамляе ірацкі авіяперавозчык.

Агульная колькасць эвакуіраваных за чатыры рэйсы склала 1458 іракскіх грамадзян. У Мінтрансе Ірака чакаюць, што гэтая колькасць будзе расці.

Яшчэ два рэйсы плануюцца ў суботу і нядзелю.

Двое польскіх салдат атрымалі лёгкія раненні падчас спробы штурму мігрантамі мяжы

Як паведамляюць польскія пагранічнікі, каля 100 замежнікаў спрабавалі нелегальна перасекчы мяжу на ўчастку ў раёне Белавежы.

Падчас атакі беларускія сілавікі асляплялі палякаў лазерамі і страбаскопамі.

У Беларусі забаранілі мармеладную піцу ад «Чупа Чупс»

Як паведамляе Дзяржстандарт, у прадукце ўтрымліваецца сок радыскі, што недапушчальна пры вытворчасці сокаў.

Ангела Меркель папрасіла вайсковы аркестр правесці яе з пасады канцлера песняй культавай панк-рокершы

На ўрачыстай цырымоніі аркестр Бундэсвера сыграе песню панк-рокершы Ніны Хаген «Du hast den Farbfilm vergessen» («Ты забыў каляровую плёнку»). Пра гэта піша Spiegel.

Музычнае суправаджэнне для мерапрыемства канцлер традыцыйна выбірае самастойна. Апроч Ніны Хаген, Меркель папрасіла аркестр сыграць песню Хільдэгарды Кнеф «Für mich sollʼs rote Rosen regnen» («Для мяне павінен ісці дождж з чырвоных ружаў»), а таксама хрысціянскі гімн «Großer Gott, wir loben dich» («Божа, мы славім цябе»).

З-за каранавіруса мерапрыемства пройдзе ў абмежаваным фармаце, на ім будуць прысутнічаць толькі 200 гасцей. Цырымонія адбудзецца 2 снежня.

Ніну Хаген называюць «маці нямецкага панку». Яна, як і Меркель, родам з ГДР. Кампазіцыя «Du hast den Farbfilm vergessen» выйшла ў 1974 годзе і атрымала папулярнасць ва Усходняй Германіі. Меркель тады было 19 гадоў.

Апытанне: Немцы не хочуць прымаць мігрантаў з-пад беларускай мяжы

Ідэю прыёму Нямеччынай мігрантаў, якія сабраліся на беларуска-польскай мяжы, адкідае амаль палова жыхароў краіны, піша Deutsche Welle. У ходзе апытання, праведзенага сацыялагічным інстытутам YouGov, 45% удзельнікаў не пагадзіліся з тым, каб дазволіць нават частцы гэтых мігрантаў прыехаць у Нямеччыну, каб тут разглядалі іх хадайніцтвы аб прытулку.

Усяго 9% рэспандэнтаў згодныя, каб гэтыя людзі прыбылі ў Нямеччыну і іх хадайніцтвы аб прытулку былі разгледжаны без якіх-небудзь папярэдніх умоў. 21% пагадзіліся б на ўезд мігрантаў толькі ў тым выпадку, калі частку людзей прымуць іншыя краіны ЕС.

Яшчэ 18% апытаных выступілі за прыём толькі тых мігрантаў, якія бягуць з зоны баявых дзеянняў.

Адгадайце беларускага класіка па фота ТЭСТ

Усе мы ведаем творы і радкі беларускіх паэтаў і пісьменнікаў. Але як выглядалі класікі айчыннай літаратуры, могуць ведаць не ўсе.

Праверце свае веды ў нашым тэсце, які можна прайсці па спасылцы.

Той самы журналіст BBC Стывен Розенберг, які зрабіў феерычнае інтэрв’ю з Лукашэнкам, сыграў «Купалінку» на піяніне.

На гэтым тыдні «Нашай Ніве» споўнілася 115 гадоў. З гэтай нагоды мы склалі гід па знакавых для газеты месцах Вільні, дзе «Наша Ніва» была заснаваная і адноўленая.

Паказваем, дзе працавала рэдакцыя, выпіваў Янка Купала і захоўваў скарбы Іван Луцкевіч. І не толькі.

Чытайце і глядзіце па спасылцы

У Еўропе заявілі пра высокую рызыку з-за новага штама каранавіруса. Ён дабраўся да Нямеччыны і Чэхіі

Аб небяспецы папярэдзіў Еўрапейскі цэнтр прафілактыкі і кантролю захворванняў. Новы небяспечны штам каранавіруса быў выяўлены ў ПАР і атрымаў назву па грэчаскай літары «амікрон».

«Агульны ўзровень рызыкі, звязанай з варыянтам Omicron SARS-CoV-2, ацэньваецца ад высокага да вельмі высокага», — адзначана ў дакуменце.

Новы вірус дабраўся да Нямеччыны. Меркавана, афрыканскім штамам інфікаваны нямецкі грамадзянін, які нядаўна вярнуўся з паездкі ў ПАР. Паведамленне пацвердзіў міністр па сацыяльных пытаннях зямлі Гесэн Кай Клозэ.

Таксама вірус выяўлены ў жыхаркі Чэхіі, што вярнулася з Егіпта.

Учора паведамлялася пра выяўленне віруса ў Бельгіі, там аказаўся інфікаваным чалавек, які вярнуўся з ПАР.

Часовы павераны ў справах ЗША ў Беларусі сустрэўся з сем’ямі беларускіх палітвязняў

Часовы павераны ў справах ЗША ў Беларусі Рубэн Аруцюнян сустрэўся з сем’ямі палітычных вязняў з нагоды Дня падзякі, каб выказваць нязменную падтрымку зняволеным і іх сем’ям.

Сярод іх — жонкі палітычных зняволеных вясноўцаў Алеся Бяляцкага і Уладзя Лабковіча, бацькі Мікалая Дзядка і Марыі Калеснікавай, маці Анастасіі Булыбенка, жонкі Ігара Лосіка, Мікалая Статкевіча, Максіма Знака і іншыя, паведамляе «Вясна».

Як выглядае «разбураная вайной» сталіца іракскага Курдыстана — горад Эрбіль?

Дзяржаўныя СМІ ў кантэксце міграцыйнага крызісу паўтараюць, што мігранты, большасць якіх складаюць іракскія курды, бягуць у Еўропу ад вайны, якая знішчыла іх дамы.

Паглядзіце, як выглядае горад Эрбіль, які зусім не падобны да знішчанага баявымі дзеяннямі. На відэа звярнуў увагу карыстальнік твітара Veterrr.

Насамрэч, прычыны міграцыі з Курдыстана — іншыя.

Новае абвастрэнне на мяжы: што не так з аргументамі лукашэнкаўцаў?

«Нават ведаючы, што мяне чакае смерць наперадзе, я не хачу паміраць тут». Чаму курдская моладзь масава пакідае Ірак?

Бежанец ці мігрант? У чым розніца і чаму называць эканамічных мігрантаў «бежанцамі» азначае шкодзіць самім бежанцам?

Ірак — гарачы пункт планеты і адзін з галоўных пастаўшчыкоў бежанцаў у іншыя краіны? Лічбы гавораць, што гэта не так

Памёр журналіст Раман Якаўлеўскі

«Сябры, памёр Раман Якаўлеўскі. Мы спадзяваліся», — напісаў у сваім фэйсбуку Леанід Міндлін.

Якаўлеўскаму было 68 год.

Еўрасаюз уключыў у чорны спіс расійскую авіякампанію, якая запускала «авіямаршрутку» з Калінінграда ў Мінск

Еўрапейская камісія паведамляе, што авіякампанія «Скол» уключаная ў чорны спіс з-за асцярогі, што яна не зможа адпавядаць міжнародным стандартам па бяспецы. Гэта азначае забарону лятаць у краіны ЕС.

Акрамя расійскай кампаніі, у спісе яшчэ 97 кампаній, у тым ліку ўсе авіякампаніі Арменіі і Кыргызстана.

«Скол» базуецца ў Калінінградскай вобласці. У чэрвені кампаніі адкрыла рэйс з Калінінграда ў Мінск на самалётах умяшчальнасцю ў 13 чалавек. Але ўжо ў жніўні падатковая служба Расіі падавала пазоў аб банкруцтве кампаніі.

Цяпер палётаў «Скола» ў раскладзе мінскага аэрапорта няма.

Самы гуманны суд у свеце: маладзечанец, які засунуў жонцы нажніцы ў рот ды пагражаў забойствам, атрымаў 1,5 года хатняй хіміі

Здарэнне адбылося 6 ліпеня. Муж пасварыўся з жонкай, схапіў за шыю рукамі і душыў. Затым штурхнуў на канапу, паклаў на твар падушку і душыў. Пастаянна паўтараў: «Задушу! Задушу так, што не падымешся».

Пасля гэтага ён вырашыў пазбавіць жонку языка. Схапіў пальцамі і цягнуў на працягу 10 секунд. Затым узяў жанчыну за падбародак, раскрыў ёй рот, уставіў у яго нажніцы і пагражаў адрэзаць язык.

Жанчына атрымала сінякі на шыі, шчацэ, плячы, колатую рану слізістай абалонкі шчакі і рваную рану слізістай абалонкі дна поласці рота.

Падчас суда мужчына цалкам прызнаў сваю віну і раскаяўся, заявіўшы, што з жонкай ужо памірыўся і загладзіў віну.

Справа разглядалася па артыкуле 186 КК «Пагроза забойствам, прычыненнем цяжкіх цялесных пашкоджанняў» (максімальнае пакаранне — да трох гадоў).

У выніку мужчыну асудзілі да 1,5 года хатняй хіміі.

Піневіч расказаў, калі ў Беларусі будуць прышчапляць дзяцей ад каранавіруса

У Беларусі будуць рэкамендаваць прышчапляць дзяцей ад кавіду, як толькі з'явяцца такія вакцыны. Пра гэта міністр аховы здароўя Дзмітрый Піневіч заявіў у эфіры «Галоўны. Тур».

«Як толькі ў нас з'явяцца вакцыны, якія будуць мець дазвол на ўжыванне для дзяцей, мы адразу будзем рэкамендаваць праводзіць гэтую вакцынацыю», — сказаў міністр.

На гэтым тыдні ў Расіі зарэгістравалі вакцыну «Спутнік М» для падлеткаў ва ўзросце 12-17 гадоў. Мяркуецца, што дзяцей у суседзяў пачнуць прышчапляць ужо ў снежні.

«У мяне ён прабачэння не просіць, толькі ў дачкі». Жанчына з-пад Лепеля расказала, як яе з дзіцём ледзь не ўзарваў уласны муж

Скончылася расследаванне гучнай справы: пад Лепелем мужчына заклаў выбуховую прыладу ў машыну, на якой ездзіла яго жонка з дачкой.

Такім чынам хацеў напалохаць і вярнуць жонку, якая падала на развод. Бяды не адбылося цудам, мужчыну затрымалі, у хуткім часе будзе суд.

«Наша Ніва» пагаварыла з жанчынай і яе сястрой.

Чытайце па спасылцы

Большасць мігрантаў хочуць прытулак у Германіі. А колькі беларусаў, што пацярпелі ад рэпрэсій, змаглі яго атрымаць?

Большасць мігрантаў на беларуска-польскай мяжы не збіраецца прасіць прытулак у Польшчы, пераважна яны хочуць трапіць у Германію.

Там значна прасцей інтэгравацца, краіна больш адкрытая для замежнікаў, з лепшай сацыяльнай абаронай і магчымасцямі для працаўладкавання.

А колькі беларусаў, што пацярпелі ад рэпрэсій, атрымалі прытулак у Германіі?

Чытайце болей па спасылцы