Расказваем неймаверную гісторыю кахання двух беларусаў: падпольная друкарня, вярбоўка КДБ, СІЗА, пабег за мяжу праз халодную рэчку

«Мы не знали друг друга до этого лета», — смяюцца Вольга і Аляксандр. Дакладней, праўда будзе сказаць не да лета, а да зімы 2020 года. Два, здавалася б, зусім розныя чалавекі пазнаёміліся падчас свайго змагання з сістэмай, закахаліся, прайшлі праз СІЗА, а пасля беглі праз лес і раку з краіны.

▫️«Я з акна камеры на Акрэсціна вывешваў самаробны бел-чырвона-белы сцяжок: белая сурвэтка, чырвоная палоска з нейкага часопіса, усё гэта склеіў мылам. Дні тры ён дакладна вісеў».
▫️«У нас прынтар працаваў з 8 раніцы да апоўначы. І мы адчувалі, што робім нешта важнае, бо ўлёткі распаўсюджваліся па ўсёй краіне».
▫️«Ноччу мы спалі ў ложку, а сілавік сядзеў побач у крэсле».

Гісторыю, вартую калі не экранізацыі, то рамантычнай аповесці, чытайце па спасылцы

У прычэпе грузавіка, які прыехаў у Літву з Беларусі, знайшлі чатырох іракцаў

Прадстаўнік Службы аховы дзяржаўнай мяжы Літвы Гедрус Мішуціс расказаў, што грузавік быў спынены ў Медзінінкаі пасля абеду ў чацвер.

«З Беларусі ехаў грузавы аўтамабіль, памежнікі праверылі — адкрылі дзверцы прычэпа, і там было чацвёра іракцаў ля самага грузу», — сказаў прадстаўнік пагранведамства.

Паводле яго слоў, грузавік зарэгістраваны ў Беларусі, за яго рулём знаходзіўся грамадзянін Беларусі, паведамляе Delfi.

У Амстэрдаме ў тэставым рэжыме запусцілі лодкі-робаты: яны будуць перавозіць людзей і збіраць смецце

У сталіцы Нідэрландаў пачаліся выпрабаванні аўтаномных электрычных судоў пад назвай Roboats («робалодкі»). Дзякуючы модульнай канструкцыі яны трансфармуюцца і адаптуюцца пад розныя задачы, перадае tjournal.ru. 

Так, робаты могуць перавозіць груз або пасажыраў, збіраць смецце па шляху руху і нават злучацца адзін з адным для фармавання плывучай інфраструктуры, напрыклад докаў або мастоў.

У аснове судна ляжыць электраплатформа з акумулятарам, рухальнай устаноўкай і сістэмамі кіравання, у тым ліку для аналізу вады ў рэальным часе. Арыентавацца ў прасторы дапамагаюць камеры з вуглом агляду ў 360° і лідары — як у беспілотных аўтамабілях.

Верхняя частка платформы ўзаемазамяняльная. Пасажырскі модуль абсталяваны сядзеннямі і змяшчае 5-6 чалавек. Час аўтаномнай працы — каля 10 гадзін, пры гэтым «робалодкі» падтрымліваюць бесправадную зарадку.

Жыхар Столінскага раёна прадаў унікальную машыну, а пасля пачаліся праблемы

Індывідуальны прадпрымальнік па рамонце аўтамабіляў купіў паасобку бітую машыну і кузаў. І з двух аўто зрабіў адзін. Пасля выгадна прадаў свой цудамабіль — ажно за $10500.

Але затым пакупніка спынілі даішнікі і аказалася, што дакументы не адпавядаюць марцы машыны. Мужчына запатрабаваў у «кулібіна» грошы назад, той аддаў, але на яго завялі крымінальную справу за падробку ідэнтыфікацыйнага нумара з мэтай збыту і збыт.

Суд вырашыў аштрафаваць прадпрымальніка на 70 базавых, а машыну — канфіскаваць. Але прысуд яшчэ можа быць абскарджаны.

На таргах курс даляра дарос да 2,55 рубля. За два тыдні амерыканская валюта падаражэла на 11 капеек

На пачатку таргоў у Мінску 26 лістапада курсы даляра і еўра выраслі. Даляр падаражэў на 1,36 капейкі да 2,5530.

Амерыканская валюта расце з 10 лістапада, тады даляр пачынаў з 2,4350.

Еўра вырас адразу на 2,07 капейкі да 2,8693. Два тыдні таму еўра каштаваў 2,8012 — гэта быў гадавы мінімум.

Расійскі рубель сёння знізіўся на 1,86 капейкі да 3,3857 беларускага за 100 адзінак.

Таргі працягваюцца.

У пачатку года курсы валют былі наступныя: даляр — 2,5789, еўра — 3,1680, расійскі рубель — 3,4871.

У @nashaniva з’явілася відэа спробы правезці іракцаў у грузавой машыне — яны сядзелі проста за дзвярыма ўнутры прычэпа

Усё гэта суправаджаецца небанальнымі каментарыямі кіроўцы наступнай машыны.

Нагадаем, што мігрантаў знайшлі ўчора ў Медзінінкаі ў беларускім грузавіку. За рулём знаходзіўся грамадзянін Беларусі.

Да мігрантаў у Брузгі прыехаў Лукашэнка

Жывую трансляцыю з мяжы вядзе БТ. Дыктар расказвае, што толькі ў цэнтры ў Брузгах мігранты змаглі адчуць сябе людзьмі. Бо палякі нібыта іх паклікалі ў прапускны пункт «Кузніца», а пасля пачалі паліваць з вадамётаў.

Лукашэнка — мігрантам: «Мы ні ў якім разе не будзем вас затрымліваць, грузіць у самалёты і адпраўляць на радзіму, калі вы гэтага не хочаце. Гэта ваша воля. Пройдзеце — ідзіце. Вось і ўся філасофія»

Таксама ён заявіў, што на тэрыторыі Беларусі знаходзяцца каля 2-3 тысяч мігрантаў. Тыдзень таму Наталля Эйсмант казала пра 7 тысяч.

Лукашэнка звярнуўся да немцаў з просьбай забраць мігрантаў, а да палякаў — каб яны прапусцілі іх праз сваю тэрыторыю. У зваротным выпадку ён паабяцаў зрабіць усё, чаго хочуць мігранты [трапіць у Германію]. А таксама сказаў, што зімой і вясной можа быць яшчэ больш нелегалаў на мяжы.

«Поўная дэвальвацыя законаў і прысягі». Дзейны пагранічнік пра сітуацыю на беларуска-польскай мяжы

Героя відэа пра памідоры са смятанай не выпусцілі праз 15 сутак з Акрэсціна

Яго зноў арыштавалі на 15 сутак, паведамляе @viasna96.

65-гадовага Анатоля Шалковіча затрымалі 11 лістапада, а пазней пакаралі 15-сутачным арыштам. Яны мусілі скончыцца сёння, але на волю ён так і не выйшаў.

Яго абвінавачвалі ў вырабе БЧБ-сцягоў і развешванні іх на дрэвах.

Дасягнутая агульная згода па пятым пакеце санкцый супраць Беларусі

У ім будуць 28 чалавек і арганізацый, паведамляе журналіст Рыкард Ёзвяк.

Паслы ЕС павінны ў сераду, 1 снежня, ухваліць санкцыі, якія будуць апублікаваныя праз дзень.

У натоўпе мігрантаў заўважылі Колю Лукашэнку.

Ва Украіне рыхтаваўся дзяржаўны пераварот

Пра гэта заявіў прэзідэнт Уладзімір Зяленскі. Пераварот павінен быў адбыцца 1 снежня.

Зяленскі назваў датычным да падрыхтоўкі перавароту алігарха Рыната Ахметава. Аднак, па словах Зяленскага, ён не верыць, што Ахметаў будзе ўдзельнічаць у гэтым.

Брытанскі слоўнік Collins назваў слова 2021 года. І яно не звязанае з кавідам

NFT (non-fungible token) — «неўзаемазамяняльны токен» — стала словам года. Гэта такія сертыфікаты, у якіх гаворыцца, што вы валодаеце арыгіналам віруснага відэа, ці мема, ці папулярнага твіта. Іх копіі можна прадаваць як творы мастацтва, але арыгінал твора пры гэтым абавязкова знішчаецца — каб стварыць лічбавы актыў.

Да 2021 года гэтае слова мала хто ведаў. А сёлета частата яго выкарыстання вырасла на 11000%.

Разам з NFT у шорт-ліст увайшлі два іншыя словы, звязаныя з тэндэнцыяй аблічбоўваць рэчаіснасць — crypto (скарот ад крыптавалюты) і metaverse (трохвымерны віртуальны сусвет).

У 2020 годзе укладальнікі Collins English Dictionary словам года назвалі lockdown (лакдаўн).

У Гродне грузавік з паднятым кузавам знёс тралейбусныя правады

Born to be wild. Відэа: @autogrodnoby

Памятаеце дом у Баранавічах, на сцяне якога з’явіўся жаночы твар, што не даваў спаць жыхаркам? Сцяну зафарбавалі

Пра гэта паведамляе @onlinerby, у рэдакцыю якога чытачка даслала фота.

Нагадаем, што пенсіянеркі не маглі спаць з-за аблічча жанчыны на сцяне. Яны не выключалі, што гэта палтэргейст.

Літва можа закрыць пункты пропуску на мяжы з Беларуссю, калі будзе і надалей выяўляць спробы перавозу мігрантаў у грузавіках

Аб гэтым заявіла МУС Літвы, піша Delfi.

Нагадаем, учора затрымалі чатырох іракцаў, якіх спрабавалі перавезці праз мяжу ў запламбаванай беларускай фуры.

25-гадовы курд памёр у той самы дзень, калі дабраўся да Нямеччыны праз Беларусь

Бахціяру Анвару ўдалося перайсці мяжу, перажыць начныя маразы ў лесе і нават дабрацца да Нямеччыны. Але пасля пераахалоджвання ў пушчы яго арганізм доўга не вытрымаў, і ў той жа дзень, калі дабраўся да запаветнай краіны, ён памёр.

Чытайце далей

Дырэктарку турфірмы «Кінг Трэвэл» абвінавачваюць у махлярстве

Па звестках следства, 36-гадовая дырэктарка збірала ў людзей грошы нібыта для аказання турыстычных паслуг, але аказваць іх яна не збіралася. Пацярпелымі прызнаныя 66 чалавек, у якіх узялі 248 тысяч рублёў.

Заведзена крымінальная справа за махлярства ў асабліва буйным памеры. Жанчына пад вартай.

Берлін зноў абвергнуў інфармацыю, што гатовы прыняць дзве тысячы мігрантаў

Сцвярджэнні Лукашэнкі, што Берлін пагадзіўся прыняць 2000 мігрантаў, якія апынуліся ў Беларусі, ілжывыя, заявіў у пятніцу афіцыйны прадстаўнік урада Нямеччыны.

Гэта ўжо другая такая заява з Берліна на гэтым тыдні. Лукашэнка заяўляў пра нібыта згоду Ангелы Меркель прыняць 2000 чалавек, калі прыехаў сёння ў лагер мігрантаў, піша Deusche Welle.

Журналістка Ірына Слаўнікава стала падазраванай паводле «народнага» артыкула

Гэта артыкул 342 Крымінальнага кодэкса («Арганізацыя і падрыхтоўка дзеянняў, якія груба парушаюць грамадскі парадак або актыўны удзел у іх»).

Пра гэта паведамляе @viasna96.

«Калі немцы і палякі мяне не пачуюць — я не вінаваты»

Сёння Лукашэнка выступіў перад мігрантамі, якія знаходзяцца ў лагістычным цэнтры ў Брузгах. Ён гаварыў пра памежнікаў-сяброў, заходніх палітыкаў і Германію, а таксама спрагназаваў новую хвалю нелегальнай міграцыі зімой-вясной.

Сабралі ў адным відэа галоўныя цытаты.