Дзяржпрапаганда КНДР прапануе жыхарам краіны есці чорных лебедзяў. Такі новы спосаб вырашыць праблему з харчаваннем

Эканоміка Паўночнай Карэі знаходзіцца ў цяжкім стане, і жыхары краіны рэгулярна сутыкаюцца з нястачай ежы. У чэрвені кіраўнік КНДР Кім Чэн Ын прызнаў наяўнасць у краіне харчовага крызісу. Цяпер дзяржаўныя медыя КНДР пачалі актыўна распавядаць пра новы прадукт харчавання — мяса чорных лебедзяў. Афіцыйнае партыйнае выданне Rodong Sinmun напісала ў панядзелак, што мяса гэтых птушак «смачнае і мае лекавую вартасць, а развядзенне чорных лебедзяў на прамысловым узроўні «будзе актыўна садзейнічаць паляпшэнню жыцця людзей», піша NK News.

Шмат дзе ў свеце лічыцца непрымальным есці мяса любых лебедзяў, не толькі чорных. Але мяса лебедзяў насамрэч не надта адрозніваецца ад, напрыклад, качынага ці гусінага мяса. Таму тое, што лебедзяў не ўжываюць у ежу, звязана выключна з традыцыямі харчавання.

Synesis, што трапіла пад санкцыі, ліквідуе адну з сваіх кампаній — «Сінезіс Фенікс»

Афіцыйная працэдура ліквідацыі кампаніі пачалася ў канцы верасня, піша dev.by. У Synesis адмовіліся расказаць, чым займалася «Сінезіс Фенікс» і чаму ліквідуецца.

Synesis трапіла ў трэці пакет санкцый ЕC у снежні 2020 года, а ў чэрвені гэтага года ў чацвёрты санкцыйны спіс ЕC трапіў і сузаснавальнік Аляксандр Шатроў.

Праз санкцыі кампанія перайменавала частку сваіх кампаній, а Аляксандр Шатроў перастаў быць асноўным уладальнікам Synesis спачатку ў Беларусі, а потым і ўласнікам кампаніі ў Расіі.

«Грузім балоны кругласутачна». Хто цяпер пастаўляе кісларод у бальніцы

Пакуль у краіне прыбіраюць апошнія згадкі пра масачны рэжым, усё больш прадпрыемстваў пераключаецца на выпуск кіслароду для бальніц.

«Наша Ніва» даведалася, што там адбываецца. 

▫️«СветлагорскХімвалакно» возіць кісларод у Светлагорскую і Рэчыцкую бальніцы.
▫️«Нафтан» бярэ паветра на беразе возера і ў сасновым бары.
▫️«Гродна Азот», які раней не вырабляў кісларод. купіў новую ўстаноўку і наймае тэхнолага.

Чытайце больш па спасылцы

У Маскве затрымалі беларуса, які быў у вышуку за ўдзел у маршы ў Гомелі

Сёння раніцай у Маскве паліцыя затрымала жыхара Гомеля Міхаіла Зубкова. Яго спынілі для праверкі пашпарта, і высветлілася, што беларус — у вышуку. Цяпер Міхаіл у аддзяленні паліцыі, паведамілі @navinyonline яго сваякі.

У верасні мінулага года Зубкоў удзельнічаў у маршы ў Гомелі, яго затрымаў АМАП. Мужчына правёў 15 сутак у ІЧУ. Больш да яго прэтэнзій з боку міліцыі не было, упэўніваюць сваякі. Міхась з'ехаў на працу ў Маскву.

«У жніўні да жонкі і маці Міхаіла прыйшла міліцыя — былі ператрусы, шукалі і яго самога. Потым жонку выклікалі ў СК. Следчая паказала ёй фотаздымкі з маршу і патлумачыла, што яе муж падышоў да супрацоўніка АМАП "бліжэй, чым трэба", і што ў Міхаіла на фота быў чырвоны твар. Гэта значыць "ён гатовы быў кінуцца на супрацоўніка АМАП"», — распавялі сваякі.

Папярэдне, на Зубкова распачалі крымінальную справу за гвалт над супрацоўнікам міліцыі.

Прапагандысты правакуюць еўрапейскіх дыпламатаў, якія прыехалі ў Курапаты

Сёння дыпламаты прыехалі ў Курапаты, каб ускласці кветкі да мемарыяла ахвярам сталінскіх рэпрэсій. Там жа апынуліся прапагандысты з БТ, СТБ і СБ, якія пачалі правакаваць іх.

29 кастрычніка 1937 года ў Курапатах былі расстраляныя больш за 100 прадстаўнікоў беларускай культуры.

У Мінску закрываецца офіс агенцтва па міжнародным развіцці USAID пры пасольстве ЗША

Аддзел займаўся праграмамі па міжнародным развіцці і сувязямі з грамадскасцю ў Беларусі

Як заявіла спецпасланнік ЗША па Беларусі Джулі Фішэр, беларускія ўлады праінфармавалі ЗША аб прыняцці новых мер, накіраваных на тое, каб перашкодзіць функцыянаванню Амбасады ЗША ў Мінску. Па яе словах, беларускія ўлады прымушаюць амбасаду спыніць працу з больш чым дваццацю беларускімі супрацоўнікамі.

📈Параўнайце, як выглядаюць графікі захворванняў у Беларусі і суседніх краінах

Статыстыка кавіду ў Беларусі зноў апусцілася ніжэй за 2 тысячы — на гэтым тыдні, нягледзячы на рэкорд па зробленых тэстах, максімальная колькасць дзённых выпадкаў не перавысіла 1998.

Раней мы паказвалі, што колькасць тэстаў ніяк не карэлюе з афіцыйнай статыстыкай каранавіруса ў Беларусі. Цяпер паглядзіце, як выглядаюць графікі захворванняў у Беларусі, Польшчы, Літве і Латвіі.

«$2 млрд непрадбачаных выдаткаў». Лукашэнка звязаў будучы падатак на кватэры з каранавіруснымі выдаткамі

Аляксандр Лукашэнка на добрушскай папяровай фабрыцы распавёў, чаму ў краіне ўзяліся за падаткі: «На канец года $2 млрд непрадбачаных выдаткаў, каб ратаваць людзей. У нас жа бясплатная вакцынацыя, бясплатнае лячэнне ад кавіду. Я не хачу сказаць, што ў нас ідэальна ўсё, але ў параўнанні з іншымі, як аказалася, нядрэнна. Але гэта вялікія грошы».

Нагадаем, што ў Беларусі быў адменены абавязковы масачны рэжым (які пратрымаўся 13 дзён), з транспарту і ўстаноў паздымалі інфармацыю аб нашэнні масак, а сам Лукашэнка выказаўся катэгарычна супраць прымусовай вакцынацыі, па ўзроўні якой Беларусь адстае ад заходніх краін.

А вось і новыя нумары «Дуду» і «Асцярожна: дзеці!»!

У «Дуду» (для меншых дзетак) тэма нумара — вежы. У нумары і навуковая старонка, і новая Пластыляндыя, і вершы Андрэя Скурко, і заданні на развіццё логікі і маторыкі.

У «Асцярожна: дзеці!»! (для старшых дзетак) — настолка «Мовамэн», комікс «З'яўленне супергероя» і апавяданне з серыі «Расследуюць дзеці» «Загадка чалавека-тарнада».

Пытайцеся ў кнігарнях і супермаркетах! А найлепш — падпісвайцеся!

Як толькі ў школе зафіксаваны першы выпадак каранавіруса ў вучня, можна арганізоўваць дыстанцыйнае навучанне. Чаму гэтага не робяць?

У інтэрнэце актыўна абмяркоўвалі дакумент Мінздароўя, у якім даюцца рэкамендацыі школам на выпадак рэгістрацыі або падазрэння на каранавірус сярод вучняў. Аказваецца, школы могуць арганізоўваць дыстанцыйнае навучанне пасля фіксацыі хаця б аднаго выпадку каранавіруса.

Чаму ж ён не ўводзіцца?

Чытаць па спасылцы

Як выглядае кватэра бабулі-Плюшкінай са Слуцка

Жыхарка Слуцка захламіла сваю двухпакаёўку смеццем. Пасля публікацыі ў СМІ, санстанцыя і домаўпраўленне далі жанчыне месяц, каб яна прывяла ўсё ў парадак. Але за гэты час нічога не змянілася.

Праз месяц работнікі ЖКГ прыехалі прыбіраць смецце: жанчына не давала адчыніць шафы, дзе смярдзелі банкі з закаткамі, што паўзрываліся, лаялася і мацюкалася.

За дзен змаглі вычысціць ад хламу і смецця толькі тамбур і калідор. «Дабро» ўмясцілася ў два трактарныя прычэпы і грузавік.

Памятаеце міліцыянера, які паваліўся падчас затрымання Ціханоўскага ў Гродне? Яго за гадзіну абразілі ў інтэрнэце больш за тысячу раз

27 кастрычніка 57-гадовага Андрэя Васілеўскага асудзілі на 2,5 года хатняй хіміі за абразу Уладзіміра Казлоўскага — таго самага міліцыянта, які паваліўся падчас тузаніны 29 мая 2020 года на выбарчым пікеце Святланы Ціханоўскай, паведамляюць праваабаронцы.

Паводле версіі абвінавачвання, Васілеўскі пакінуў каментар у «Аднакласніках» пад допісам Вольгі Карач.

Пацярпелага Казлоўскага дапыталі праз Skype. Раней ён працаваў участковым, цяпер ён — начальнік штаба УУС Ленінскага раёна Гродна.

«30 мая, знаходзячыся ў бальніцы, на мой мабільны тэлефон у розных сетках цягам гадзіны прыйшло больш за тысячу абразаў і пагрозаў ужывання гвалту», — сказаў міліцыянер.

Пасля абвяшчэння прысуду Васілеўскага вызвалілі ў зале суда.

Польшчу накрывае новая хваля кавіду. У краіне зафіксавалі амаль 10 тысяч заражэнняў упершыню з красавіка

У краіне за мінулыя суткі зарэгістравалі 9387 новых заражэнняў каранавірусам, што з'яўляецца самым высокім паказчыкам з красавіка, калі спадала папярэдняя хваля эпідэміі, паведамляе PAP. Памерлі за мінулыя суткі 102 хворых.

У папярэднія дні ў Польшчы рэгістравалі больш за 8 тысяч заражэнняў, а на мінулым тыдні самы высокі паказчык перавышаў 6 тысяч. У бальніцы знаходзяцца 6175 хворых, з іх 521 ў цяжкім стане.

Для абмеркавання эпідэміялагічнай сітуацыі збіраецца крызісная каманда ўрада пад старшынствам прэм'ера Маравецкага.

Больш за палову насельніцтва Польшчы вакцынавана ад кавіду.