«Я зайздрошчу тым краінам, дзе каранавірус наўпрост падпарадкоўваецца загадам прэзідэнта», — Іван Ургант у сваёй перадачы пажартаваў з адмены масачнага рэжыму ў Беларусі.

Падпісчыкі атрымалі новы нумар (9/2021) «Нашай гісторыі»!

У нумары: Эмілія Плятэр, залатая мара Янука Чарняўскага, «літоўская Ламбардыя», Герцагства Букавіна.

Яго таксама можна набыць у кнігарнях і гіпермаркетах. Рэкамендуем «Галіяфы» (метро Няміга), «Кніжная шафа» (метро Грушаўка), у гандлёвым цэнтры «Купалаўскі» (метро Кастрычніцкая і Купалаўская), этнакраме «Рагна» (метро Фрунзенская і Юбілейная плошча), інтэрнэт-крамах knihi.by, kniganosha.by, mmkut.by.

Дольчэ віта па-беларуску: маладзён пасля сваркі з жонкай пайшоў па рэстаранах, пакінуў тысячу даляраў чаявых, пасля яго абакралі

У Полацку 21-гадовы мужчына пасварыўся з жонкай, сабраў рэчы з грашыма і пайшоў «у адрыў». За вечар ён наведаў некалькі забаўляльных устаноў, дзе пакінуў тысячу даляраў на чай і частаваў усіх алкаголем. Пасля маладзён паехаў у загарадную сядзібу, дзе не вытрымаў градусу вяселля і заснуў. Мінак заўважыў, што ў спячага тырчаць з кішэні грошы, і абакраў яго.

Праз суткі міліцыянеры знайшлі злодзея. За гэты час ён паспеў прагуляць каля $750, 4500 вярнуў уладальніку.

Памерла дзіцячы кардыёлаг Ірына Строгая: каранавірус. Яе муж: я таксама ў бальніцы, ледзь дыхаю

Ірына Валянцінаўна Строгая ўзначальвала педыятрычнае аддзяленне для кардыялагічных хворых у гарадской дзіцячай клінічнай бальніцы №2 Мінска. Ёй быў 51 год.

Стала вядома, што Строгая памерла 22 кастрычніка. Па чутках, гэта было звязана з наступствамі каранавіруса. @nashaniva звязалася з мужам жанчыны. Ён пацвердзіў, што яе смерць звязана з кавідам, ад падрабязных каментароў адмовіўся.

«Я і сам у бальніцы, ледзь дыхаю», — сказаў мужчына.

Мінздароўя не паведамляе дакладныя лічбы, колькі медыкаў загінула ад каранавіруса. Таму статыстыку збіраюць валанцёры ці самі дактары. Па прыблізных падліках у лютым 2021 года, за першы год пандэміі ад кавіду загінулі каля 150 медыцынскіх работнікаў.

«Пакуль асцерагаюся ехаць у Расію» — Ціханоўская дала інтэрв'ю радыёстанцыі «Эхо Москвы»

Лідарка беларускай апазіцыі дала інтэрв'ю Аляксею Венядзіктаву. Галоўны рэдактар «Эха» задаваў пытанні пра Расію, пра магчымасць перамоваў з Лукашэнкам, пра мужа і шмат іншых. Гутарка заняла амаль гадзіну.

Па спасылцы прыводзім вытрымкі з інтэрв’ю

Уся карціна дня — на nashaniva.com (З Беларусі — праз VPN). Што гэта і як усталяваць, чытайце тут.

Якія наступствы будзе мець апытанне, якое паказала, што рэйтынг Лукашэнкі меншы, чым у Ціханоўскай, Бабарыкі і Калеснікавай?

На днях праект «Дасье Чарнова» зліў у сеціва даныя апытання, праведзенага Усерасійскім цэнтрам вывучэння грамадскай думкі для Міністэрства замежных спраў Расіі.

Згодна з апытанкай, беларусы лепш за ўсё ставяцца да Марыі Калеснікавай, Віктара Бабарыкі і Святланы Ціханоўскай, а вось у Лукашэнкі там вялікі антырэйтынг: 55% рэспандэнтаў ставяцца да яго персоны адмоўна.

На прамую просьбу «Нашай Нівы» пракаментаваць гэты зліў у цэнтры адрэагавалі коратка: «Мы не даём каментароў па гэтым пытанні».

Палітычныя аналітыкі сыходзяцца ў тым, што падстаў не давяраць рэальнасці праведзенага апытання няма.

«Апытанне абразлівае для Лукашэнкі. Ён успрыняў яго як атаку з боку Крамля», — лічыць палітолаг, эксперт iSANS Аляксандр Марозаў.

«Апытанне аслабляе пазіцыі беларускага рэжыму, агаляе ўразлівыя месцы», — кажа палітолаг, дырэктар BISS Пётр Рудкоўскі.

Падрабязнасці чытайце па спасылцы.

Мінімальны рэкламны бюджэт — 2 мільёны еўра. Telegram прадставіў афіцыйную платформу для рэкламы

Telegram прадставіў уласную рэкламную платформу, яна працуе ў тэставым рэжыме і даступная па спасылцы promote.telegram.org.

Рэкламныя паведамленні будуць з'яўляцца ў буйных агульнадаступных каналах з колькасцю падпісчыкаў не менш за 1 тысячу. Іх памер будзе абмежаваны 160 сімваламі. Рэкламныя паведамленні ў каналах будуць публікавацца толькі па тэме, якой прысвечаны гэты канал.

Спачатку атрыманыя за рэкламу грошы будзе атрымліваць толькі сам месенджар. Гэтыя сродкі накіруюць на абслугоўванне працы Telegram — пакрыццё выдаткаў на абсталяванне і дата-цэнтры. Пасля таго як функцыя будзе запушчана ў поўным аб'ёме, частка рэкламных даходаў будзе перадавацца ўладальнікам каналаў, у якіх паказваецца рэклама.

Тэлеграм-канал «Код Дурава» паказаў кабінет платформы Telegram і адзначыў, што кошт рэкламы за тысячу паказаў складае 2 еўра, а мінімальны рэкламны бюджэт для запуску — 2 мільёны еўра.

Амбасадар ЕС у Беларусі паведаміў, супраць каго будзе накіраваны пяты пакет санкцый

Пяты пакет санкцый ЕC супраць Лукашэнкі засяродзіцца на тых, хто арганізоўвае міграцыю ў ЕC, распавёў амбасадар у Беларусі Дырк Шубель. Тым не менш галоўная для Бруселя тэма — правы чалавека ў Беларусі.

Дыпламат падкрэсліў, што заклікі ЕС да ўладаў Беларусі застаюцца нязменнымі: вызваленне палітвязняў, спыненне рэпрэсій і новыя выбары.

Амбасадар пацвердзіў, што ў Бруселі працягваюцца дыскусіі аб магчымых санкцыях у дачыненні да кампаніі «Белавія».

Чытайце па спасылцы.

Украінцы ўпершыню нанеслі ўдар у Данбасе ўдарным дронам ВІДЭА

Узброеныя сілы Украіны ўпершыню ўжылі ўдарны дрон «Байрактар» (Bayraktar) на Данбасе. Беспілотнік купілі ў Турцыі.

Беспілотнік ударыў па батарэі сепаратыстаў, якіх падтрымлівае Расія, што сёння абстраляла сяло Гранітнае і разбурыла дамы мірных жыхароў.

У маі стала вядома, што ў Турцыі для Украіны рыхтуюць да перадачы новыя ўдарныя сярэдневысотныя беспілотныя лятальныя апараты Bayraktar TB2.

Апошнія гады дроны сталі зброяй, здольнай змяняць ход ваенных канфліктаў. У прыватнасці, турэцкія дроны сыгралі важную ролю ў Карабахскай вайне. Таксама дроны актыўна выкарыстоўваліся амерыканцамі падчас інтэрвенцый ў Афганістане і Сірыі.

У «Петли Пристрастия» выйшаў новы альбом

Адзін з найвядомейшых беларускіх гуртоў, якому цяпер не даюць выступаць на радзіме, выпусціў новы рэліз «Не тот человек». У яго ўвайшлі 9 песень.

«Галоўнай тэмай альбома з’яўляецца тэма развітання і вечнай разлукі з сабой ранейшым, са старым светам, са здароўем, у некаторым сэнсе, а таксама з усімі, для каго падарожжа скончылася. Мы запісалі гэта ў дастаткова складаных умовах і фізічнага, і псіхалагічнага характару, цяпер рады падзяліцца сваёй маленькай перамогай. Пачастуйцеся пладамі беларускай восені, якія забрадзілі», — піша група пра навінку.

Альбом можна праслухаць па спасылцы.

Пенсіянерка знайшла 100 еўра ў штанах, якія купіла ў сэканд-хэндзе. Пайшла мяняць, аказалася — падробка. Цяпер ёй пагражае турма

61-гадовая маладзечанка прынесла ў банк на абмен купюру ў 100 еўра. Спецыяліст банка выявіў, што купюра несапраўдная. Міліцыянерам пенсіянерка патлумачыла, што купюру яна знайшла ў штанах, якія некалькі гадоў таму набыла ў сэканд-хэндзе.

Заведзена крымінальная справа.

Былы начальнік рэспубліканскай ДАІ палкоўнік Дзмітрый Карзюк на днях атрымаў павышэнне: яго прызначылі намеснікам міністра ўнутраных спраў. Хутчэй за ўсё, ён пайшоў на месца Сяргея Хаменкі, які стаў міністрам юстыцыі.

Вось толькі некаторыя цікавыя факты пра яго:

▫️ Мае нерухомасці на мільён рублёў.
▫️ Гуляў з Віктарам Лукашэнкам у адной хакейнай камандзе.
▫️Пасаду атрымаў напярэдадні свайго 50-гадовага юбілея.

Расказваем, што яшчэ вядома

Ва Украіне суд прыгаварыў зладзеяў да чытання кніг Марка Твэна, Джэка Лондана і Тараса Шаўчэнкі

Двое зладзюжак узростам 19 і 23 гадоў кралі аўтамагнітолы з машын на стаянцы. Убачыўшы ахоўнікаў, маладыя людзі ўсё кінулі і ўцяклі, але былі затрыманыя, калі вярнуліся за скрадзеным.

Суд у Адэсе замест трохгадовага турэмнага зняволення прызначыў зладзеям выпрабавальны тэрмін у адзін год. Акрамя таго, іх абавязалі прачытаць «Прыгоды Тома Соера» і «Прыгоды Гекльберы Фіна» Марка Твена, раман «Белы Ікол» Джэка Лондана і верш Тараса Шаўчэнкі «Праходзяць дні, праходзяць ночы…»

«Па развіцці названыя асобы — амаль дзеці, са сваім абмежаваным унутраным светам, сваімі абразлівымі і ўразлівымі пачуццямі», — вырашыў суд, даведаўшыся, што падсудныя зусім не знаёмыя з літаратурай, і пастанавіў, што маладыя людзі бяспечныя для грамадства, абмежаваўшыся прысудам без рэальнага турэмнага тэрміна.

Ці з’явяцца ў дзіцячых садках супрацоўнікі міліцыі?

З гэтага навучальнага года ў мінскіх школах узмацніліся меры бяспекі: акрамя відэакамер і турнікетаў, цяпер установы адукацыі ахоўваюць і супрацоўнікі МУС. Унутр будынка цяпер не пускаюць нават бацькоў першакласнікаў. Ці можа падобнае распаўсюдзіцца і на дзіцячыя садкі?

«Пакуль мы разглядаем укараненне новага тэхнічнага забеспячэння. Напрыклад, у нас выкарыстоўваюцца прылады кантролю персаналу, якія дазваляюць дыстанцыйна адсочваць, як працуе вартаўнік. Работнік кожную гадзіну павінен «адзначацца» з дапамогай адмысловага ключа доступу. Калі ён гэтага не зробіць, на пасту ўключыцца гукавы сігнал. Таксама сігнал трывогі паступіць на пульт аддзела аховы. Для ўстанаўлення прычын спрацоўвання прылады на аб'ект прыбудзе нарад міліцыі», — так адказаў «Мінск-Навінам» кіраўнік Мінскага гарадскога ўпраўлення дэпартамента аховы Валерый Дашкоўскі.

Дапамогу доктара можна атрымаць анлайн. Некалькі вядомых медцэнтраў стварылі супольны сэрвіс

Партал 103.BY адкрыў сэрвіс для анлайн-кансультацый. Да яго падключыліся медыцынскія цэнтры «Ладэ», «Мерсі», «Блосам клінік», «Маяк здароўя», «Цэнтр здаровага сну», «Парацэльс».

Каб запісацца на анлайн-кансультацыю, вам патрэбны толькі мабільны тэлефон, планшэт або камп'ютар з відэакамерай і доступам да інтэрнэту. Запіс магчымы на партале, у мабільным дадатку 103.BY або ў медыцынскім цэнтры.

У гэтым годзе «Ноч расстраляных паэтаў» пройдзе па ўсім свеце

Чытанні вершаў памяці расстраляных у сталінскія часы паэтаў праводзяцца звычайна вечарам 29 кастрычніка. Ранейшыя гады такая акцыя праводзілася ў Курапатах, але сёлета было вырашана адмовіцца ад такога фармату з-за небяспекі затрыманняў, а таксама дадаецца сітуацыя з каранавірусам.

На адмысловым сайце можна пабачыць, у якіх гарадах і дзе будзе праведзена акцыя.

29 кастрычніка 1937 года ў Курапатах былі расстраляныя больш за 100 прадстаўнікоў беларускай культуры.

Ілан Маск стаў самым багатым чалавекам за ўсю гісторыю рэйтынгаў Forbes — яго багацце ацэньваюць у $271 млрд

Акцыі Tesla падаражэлі на 13% на фоне ўгоды з Hertz аб пастаўцы 100 тысяч электрамабіляў. Пасля гэтага багацце заснавальніка кампаніі Ілана Маска павялічылася адразу на 41,7 мільярда даляраў – Forbes ацаніла яго ў 271,3 мільярда.

Ілан Маск валодае 21% акцый Tesla. Таксама яму належыць мінарытарная доля ў SpaceX, якую ацэньваюць у 74 мільярды даляраў.

Раней найбагацейшым чалавекам за ўсю гісторыю рэйтынгаў выдання быў заснавальнік і былы гендырэктар Amazon Джэф Безас. На піку кошту акцый Amazon яго багацце вырасла да 212 мільярдаў даляраў. Цяпер яно ацэньваецца ў 196,5 мільярда.

Forbes складае рэйтынг найбагацейшых людзей з 1918 года. Тады выданне ацаніла багацце 30 найбагацейшых амерыканцаў і лідарам стаў Джон Ракфелер з 1,2 мільярда даляраў (у 2021 годзе з улікам інфляцыі гэта быў бы прыкладна 21 мільярд).

«Шчаслівы, што жонцы ўдалося з'ехаць. А я вытрымаю». Андрэй Любецкі даў інтэрв'ю з СІЗА

Выбітнага сківічнага хірурга затрымалі ў маі. За некалькі дзён да гэтага яго жонка з'ехала з краіны — пасля сюжэта на АНТ, дзе яе называлі памочніцай Ігара Макара, і дзвюх начэй у «амерыканцы». На Андрэя завялі справу па частцы 2 артыкула 368 (абраза прэзідэнта).

Доктар змог даць кароткае інтэрв'ю @nashaniva — пра гэты няпросты перыяд ён расказвае з уласцівым яму гумарам.

▫️«Трэніруюся хвілін 40-60 на дзень. Гантэлі — гэта торбы з цукрам і вадой».
▫️«Што дапамагае захоўваць цвярозы розум? Адсутнасць алкаголю».
▫️«Як бы яны ні стараліся, усе ведаюць, што я не вінаваты. І мне не сорамна глядзець людзям у вочы!»

Чытайце цалкам

Напісаць ліст можна па адрасе:
220030, г. Мінск, вул. Валадарскага, 2, СІЗА-1
Любецкі Андрэй Уладзіміравіч

Ангела Меркель афіцыйна перастала быць канцлерам ФРГ

Цырымонія ўручэння афіцыйнага пасведчання не прайшла без кур’ёзаў.

Ці пасварыліся Лукашэнка і Пуцін?

Ці сапраўдныя даныя апытання ВЦІОМ, апублікаваныя днямі расійскімі тэлеграм-каналамі? Што азначае выпад беларускіх прапагандыстаў на адрас Пуціна?

Адказвае Максім Самарукаў, намеснік рэдактара сайта Carnegie.ru.

Чытайце па спасылцы

Уся карціна дня — на nashaniva.com (З Беларусі — праз VPN). Што гэта і як усталяваць, чытайце тут.