❗️❗️«Так, распараджэнне адміністрацыі прыйшло». У Мінску масава здымаюць аб'явы пра масачны рэжым

Лукашэнка падчас нарады, прысвечанай каранавірусу, жорстка выказаўся: вакцынацыя і маскі толькі добраахвотна, ніякіх прымусаў. Да чаго гэта прывяло — як мінімум у Мінску здымаюць налепкі, плакаты, аб’явы пра выкарыстанне масачнага рэжыму амаль паўсюль.

Таксама па сталічных арганізацыях распаўсюджваецца ліст аддзела гандлю і паслуг Партызанскага раёна Мінска. У ім адміністрацыя раёна просіць прыбраць усе аб’явы, якія маюць рэкамендацыі пра выкананне масачнага рэжыму.

Выглядае як няўдалы жарт, фэйк нядобразычліўцаў ці проста фаташоп. Але гэта праўда.

«Гэта не жарт, сапраўды такое распараджэнне мы атрымалі. Аб’явы менавіта пра абавязковы масачны рэжым трэба прыбіраць. Цяпер цэнтр гігіены караць за абслугоўванне пакупнікоў без масак не будзе», — кажа чыноўніца з адміністрацыі Партызанскага раёна.

Чытайце больш на сайце

У Баранавічах «Жыгулі» пратаранілі аўтобусны прыпынак

На месцы працуюць медыкі і міліцыянеры. Ці ёсць пацярпелыя, не паведамляецца.

З'явіўся новы від махлярства — нібыта ад «Белпошты»

Цяпер ашуканцы тэлефануюць ад імя супрацоўнікаў «Белпошты» і прапануюць паўдзельнічаць у фэйкавым розыгрышы або акцыі.

Просяць адказаць на некалькі пытанняў і адправіць адказы на паказаны імі нумар тэлефона або перайсці па спасылцы на ілжывы сайт. У выніку ашуканцы маюць доступ да мабільнага тэлефона чалавека. Пасля гэтага могуць атрымаць даныя банкаўскіх картак.

«Белпошта» паведамляе, што не праводзіць ніякіх акцый і розыгрышаў праз званкі на мабільныя тэлефоны.

Еўра апусціўся да 2,80 рубля

Таргі ў аўторак 26 кастрычніка скончыліся далейшым зніжэннем курсаў еўра і даляра.

▫️Еўра сёння патаннеў на 1,62 капейкі, да 2,8032 беларускага рубля.
▫️Даляр знізіўся на 0,57 капейкі, да 2,4154 рубля.
▫️Расійскі рубель падаражэў на 2,4 капейкі. 100 расійскіх рублёў сёння каштуюць 3,4731 беларускага рубля.

Бульбу вараць, смажаць, параць. А шведы навучыліся рабіць з яе малако

У лютым брытанская сетка супермаркетаў Waitrose пачне прадаваць бульбяное малако. Напой называюць самым экалагічна бяспечным сярод усіх варыянтаў расліннага малака, піша Guardian. Напрыклад, калі параўнаць з міндалём, сыравінай для іншага віду расліннага малака, для росту бульбы трэба ў 56 разоў менш вады.

Нарэшце, прадстаўнікі Dug кажуць, што бульбяное малако мае добры і мяккі смак. Кампанія стварыла яго асобную версію для выкарыстання ў кававых напоях.

Яўгена Юшкевіча прызналі палітвязнем

Былы следчы, якога ў другі раз затрымалі ў красавіку, афіцыйна быў прызнаны праваабаронцамі палітычным зняволеным. Разам з ім палітвязнямі сёння былі прызнаныя яшчэ 11 чалавек, у тым ліку Ірына і Антон Мельхеры, Сяргей, Павел і Любоў Разановічы, Галіна Дзербыш, якіх абвінавачваюць па артыкуле «Акт тэрарызму».

Усяго праваабаронцы прызналі палітвязнямі ў Беларусі 833 чалавек.

«Усё робім правільна!» Топ-следчы Яўген Юшкевіч даў інтэрв'ю з СІЗА

Разам з Аўтуховічам затрымалі праваслаўнага святара, яго жонку і сына

«Юра застаўся на канцэрце, ніякіх прэтэнзій не меў», — Сяргей Міхалок распавёў пра інцыдэнт на канцэрце ў Палтаве.

20 кастрычніка беларускі музыкант падчас канцэрту ўдарыў гледача, які падышоў да сцэны і прад’яўляў яму прэтэнзіі. Пасля гэтага завялі крымінальную справу па артыкуле «Хуліганства».

Цалкам відэа тут.

Відэа з рубрыкі «No comment»: медыкі прымушаюць Лукашэнку апрануць маску.

Праўладныя каналы: журналіста Дзяніса Івашына абвінавачваюць у здрадзе дзяржаве. Родныя: афіцыйнага пацверджання няма

41-гадовы журналіст быў затрыманы 12 сакавіка, прычынай стаў матэрыял пра былых супрацоўнікаў украінскага «Беркута», якія цяпер служаць у беларускіх сілавых структурах. Першапачаткова яго вінавацілі ва «ўмяшанні ў дзейнасць міліцыі», але 25 кастрычніка праўладныя тэлеграм-каналы паведамілі, што Івашыну перакваліфікавалі абвінавачванне.

Цяпер ён нібыта праходзіць па артыкуле «здрада дзяржаве». Пакаранне вельмі сур’ёзнае — ад 7 да 15 гадоў зняволення.

Што яшчэ вядома, чытайце па спасылцы

Эканаміст Алесь Аляхновіч пра саюзныя праграмы: «А нас тым часам з году ў год тут прадаюць ураздроб і оптам»

Віцэ-прэзідэнт даследчага цэнтра CASE Belarus, эканаміст Алесь Аляхновіч разважае пра прыняцце інтэграцыйнай праграмы паміж Расіяй і Беларуссю.

Чытайце меркаванне па спасылцы

Уся карціна дня — на nashaniva.com (З Беларусі — праз VPN). Што гэта і як усталяваць, чытайце тут.

«На серабрыстай «джылі» супрацоўнікі вывезлі ў Расію». Палітвязень Данііл Чамаданаў расказаў пра сваю дэпартацыю

24-гадовы Данііл Чамаданаў атрымаў год калоніі па брэсцкай «карагоднай справе». Пасля выхаду на волю яго дэпартавалі з Беларусі: перавезлі праз мяжу і выкінулі ў Бранскай вобласці, бо ў юнака расійскі пашпарт. Цяпер яму два гады забаронена вяртацца ў Беларусь.

Чаму вучыць калонія і як ён будзе жыць далей, Данііл расказаў «Нашай Ніве».

▫️«Пра тое, што магу проста з’ехаць з Беларусі і мяне не выдадуць, я таксама не думаў: проста не верыў, што наступствы будуць настолькі сур’ёзнымі».
▫️«Мне персанальна не прапаноўвалі запісваць нейкія відэа, але адміністрацыя выпраўленчых устаноў перыядычна цікавілася, ці не хачу я неяк пакаяцца».
▫️«Віна ў тым, што я быў асуджаны, і ў тым, што адбылося, — на ўладзе, якая сёння існуе ў Беларусі».

Цалкам гутарка па спасылцы

‼️Ягор Марціновіч з СІЗА: у камеры — 19 чалавек, няма чым дыхаць

Пагоршыліся ўмовы ўтрымання галоўнага рэдактара «Нашай Нівы», ужо чацвёрты месяц ён знаходзіцца ў СІЗА па абсурдным абвінавачванні. Па словах сваякоў, цяпер у камеры Ягора — 19 чалавек, камера — у падвальным памяшканні, акна няма, ёсць толькі невялікі праём пад столлю, — вось і ўся вентыляцыя. Сітуацыю ўскладняе сезон рэспіраторных захворванняў.

Ягор просіць родных перадаць парады па методыках, як дыхаць, калі не хапае паветра. І папярэджвае, што ў такіх умовах не мае сілаў падрабязна адказваць на лісты.

Адміністрацыі СІЗА вядома аб праблеме з вентыляцыяй у камеры, але яна не вырашаецца.

«Я зайздрошчу тым краінам, дзе каранавірус наўпрост падпарадкоўваецца загадам прэзідэнта», — Іван Ургант у сваёй перадачы пажартаваў з адмены масачнага рэжыму ў Беларусі.

Падпісчыкі атрымалі новы нумар (9/2021) «Нашай гісторыі»!

У нумары: Эмілія Плятэр, залатая мара Янука Чарняўскага, «літоўская Ламбардыя», Герцагства Букавіна.

Яго таксама можна набыць у кнігарнях і гіпермаркетах. Рэкамендуем «Галіяфы» (метро Няміга), «Кніжная шафа» (метро Грушаўка), у гандлёвым цэнтры «Купалаўскі» (метро Кастрычніцкая і Купалаўская), этнакраме «Рагна» (метро Фрунзенская і Юбілейная плошча), інтэрнэт-крамах knihi.by, kniganosha.by, mmkut.by.

Дольчэ віта па-беларуску: маладзён пасля сваркі з жонкай пайшоў па рэстаранах, пакінуў тысячу даляраў чаявых, пасля яго абакралі

У Полацку 21-гадовы мужчына пасварыўся з жонкай, сабраў рэчы з грашыма і пайшоў «у адрыў». За вечар ён наведаў некалькі забаўляльных устаноў, дзе пакінуў тысячу даляраў на чай і частаваў усіх алкаголем. Пасля маладзён паехаў у загарадную сядзібу, дзе не вытрымаў градусу вяселля і заснуў. Мінак заўважыў, што ў спячага тырчаць з кішэні грошы, і абакраў яго.

Праз суткі міліцыянеры знайшлі злодзея. За гэты час ён паспеў прагуляць каля $750, 4500 вярнуў уладальніку.

Памерла дзіцячы кардыёлаг Ірына Строгая: каранавірус. Яе муж: я таксама ў бальніцы, ледзь дыхаю

Ірына Валянцінаўна Строгая ўзначальвала педыятрычнае аддзяленне для кардыялагічных хворых у гарадской дзіцячай клінічнай бальніцы №2 Мінска. Ёй быў 51 год.

Стала вядома, што Строгая памерла 22 кастрычніка. Па чутках, гэта было звязана з наступствамі каранавіруса. @nashaniva звязалася з мужам жанчыны. Ён пацвердзіў, што яе смерць звязана з кавідам, ад падрабязных каментароў адмовіўся.

«Я і сам у бальніцы, ледзь дыхаю», — сказаў мужчына.

Мінздароўя не паведамляе дакладныя лічбы, колькі медыкаў загінула ад каранавіруса. Таму статыстыку збіраюць валанцёры ці самі дактары. Па прыблізных падліках у лютым 2021 года, за першы год пандэміі ад кавіду загінулі каля 150 медыцынскіх работнікаў.

«Пакуль асцерагаюся ехаць у Расію» — Ціханоўская дала інтэрв'ю радыёстанцыі «Эхо Москвы»

Лідарка беларускай апазіцыі дала інтэрв'ю Аляксею Венядзіктаву. Галоўны рэдактар «Эха» задаваў пытанні пра Расію, пра магчымасць перамоваў з Лукашэнкам, пра мужа і шмат іншых. Гутарка заняла амаль гадзіну.

Па спасылцы прыводзім вытрымкі з інтэрв’ю

Уся карціна дня — на nashaniva.com (З Беларусі — праз VPN). Што гэта і як усталяваць, чытайце тут.

Якія наступствы будзе мець апытанне, якое паказала, што рэйтынг Лукашэнкі меншы, чым у Ціханоўскай, Бабарыкі і Калеснікавай?

На днях праект «Дасье Чарнова» зліў у сеціва даныя апытання, праведзенага Усерасійскім цэнтрам вывучэння грамадскай думкі для Міністэрства замежных спраў Расіі.

Згодна з апытанкай, беларусы лепш за ўсё ставяцца да Марыі Калеснікавай, Віктара Бабарыкі і Святланы Ціханоўскай, а вось у Лукашэнкі там вялікі антырэйтынг: 55% рэспандэнтаў ставяцца да яго персоны адмоўна.

На прамую просьбу «Нашай Нівы» пракаментаваць гэты зліў у цэнтры адрэагавалі коратка: «Мы не даём каментароў па гэтым пытанні».

Палітычныя аналітыкі сыходзяцца ў тым, што падстаў не давяраць рэальнасці праведзенага апытання няма.

«Апытанне абразлівае для Лукашэнкі. Ён успрыняў яго як атаку з боку Крамля», — лічыць палітолаг, эксперт iSANS Аляксандр Марозаў.

«Апытанне аслабляе пазіцыі беларускага рэжыму, агаляе ўразлівыя месцы», — кажа палітолаг, дырэктар BISS Пётр Рудкоўскі.

Падрабязнасці чытайце па спасылцы.

Мінімальны рэкламны бюджэт — 2 мільёны еўра. Telegram прадставіў афіцыйную платформу для рэкламы

Telegram прадставіў уласную рэкламную платформу, яна працуе ў тэставым рэжыме і даступная па спасылцы promote.telegram.org.

Рэкламныя паведамленні будуць з'яўляцца ў буйных агульнадаступных каналах з колькасцю падпісчыкаў не менш за 1 тысячу. Іх памер будзе абмежаваны 160 сімваламі. Рэкламныя паведамленні ў каналах будуць публікавацца толькі па тэме, якой прысвечаны гэты канал.

Спачатку атрыманыя за рэкламу грошы будзе атрымліваць толькі сам месенджар. Гэтыя сродкі накіруюць на абслугоўванне працы Telegram — пакрыццё выдаткаў на абсталяванне і дата-цэнтры. Пасля таго як функцыя будзе запушчана ў поўным аб'ёме, частка рэкламных даходаў будзе перадавацца ўладальнікам каналаў, у якіх паказваецца рэклама.

Тэлеграм-канал «Код Дурава» паказаў кабінет платформы Telegram і адзначыў, што кошт рэкламы за тысячу паказаў складае 2 еўра, а мінімальны рэкламны бюджэт для запуску — 2 мільёны еўра.

Амбасадар ЕС у Беларусі паведаміў, супраць каго будзе накіраваны пяты пакет санкцый

Пяты пакет санкцый ЕC супраць Лукашэнкі засяродзіцца на тых, хто арганізоўвае міграцыю ў ЕC, распавёў амбасадар у Беларусі Дырк Шубель. Тым не менш галоўная для Бруселя тэма — правы чалавека ў Беларусі.

Дыпламат падкрэсліў, што заклікі ЕС да ўладаў Беларусі застаюцца нязменнымі: вызваленне палітвязняў, спыненне рэпрэсій і новыя выбары.

Амбасадар пацвердзіў, што ў Бруселі працягваюцца дыскусіі аб магчымых санкцыях у дачыненні да кампаніі «Белавія».

Чытайце па спасылцы.