«Адскок дохлай коткі». Эканамісты расказалі, ці ўключыў Нацбанк друкарскі станок і калі ён можа гэта зрабіць

За верасень шырокая грашовая маса — грошы людзей на рахунках, сродкі прадпрыемстваў у банках і каштоўных паперах — павялічылася на 1,1 мільярд рублёў і склала 50,8 мільярда.

Для многіх гэтая навіна стала падставай для занепакоенасці. Ці азначае рост аб’ёму грошай той факт, што ў Беларусі ўключылі друкарскі станок?

Разбіраемся з эканамістамі

«Да Сліжэўскага было вельмі шмат пытанняў: маўляў, рэагаваў не так хутка і не так радыкальна». Перамены ў Мінюсце: міністрам прызначылі сілавіка. За што знялі Сліжэўскага і што будзе далей?

Папрасілі патлумачыць сённяшнія кадравыя перастаноўкі былога адваката Андрэя Мачалава:

«За што яго мяняюць? Гэта адлюстраванне сённяшняй сітуацыі ў краіне. Для юрыстаў і адвакатаў цяпер вельмі дзіўна, што былы намеснік міністра МУС, нават без вышэйшай юрыдычнай адукацыі раптам становіцца міністрам юстыцыі. Акцэнты зразумелыя на 100 працэнтаў».

Чытайце цалкам па спасылцы

Жазэп Барэль: Патрэбны новыя меры супраць Беларусі

Кіраўнік дыпламатыі ЕС Жазэп Барэль заявіў, што выступае за дадатковыя абмежавальныя меры супраць Беларусі, аднак у той жа час папярэдзіў, што для гэтага неабходна згода ўсіх краін Еўрасаюза.

Барэль нагадаў, што выпрацоўка адзінай пазіцыі ў ЕС — не заўсёды простая задача.

«Напрыклад, у выпадку з Эфіопіяй я лічу, што трэба прыняць нашмат больш мер, аднак краіны ЕС не могуць дамовіцца аб тым, каб пайсці на рашучыя крокі. І гэта прытым, што ў Эфіопіі — найгоршая ва ўсім свеце гуманітарная сітуацыя», — адзначыў ён.

Аказалася, што ў спіс «экстрэмісцкіх фарміраванняў» сёння была ўнесена таксама ініцыятыва «Рабочы рух/Пашыраны круглы стол» (сайт і тэлеграм-канал). Спіс апублікаваны на сайце МУС.

Паглядзіце, як у якой бязлітаснай барацьбе праходзіў першы чэмпіянат свету па гульні з паветраным шарыкам у іспанскім горадзе Тарагона!

Правілы такой гульні надзвычай простыя: трэба ўтрымаць шарык у паветры як мага даўжэй і не перашкаджаць свайму суперніку. Пры гэтым пляцоўка 8 на 8 метраў застаўленая рознымі рэчамі: аўто, крэслы, стол, канапа.

Ідэя такіх спаборніцтваў узнікла дзякуючы вірусным відэа з ціктока братоў Антоніа і Дыега Арэдонда з Арэгона. Хлопцы так забаўляліся падчас каранціну.

Першым чэмпіёнам свету па гульні з паветраным шарыкам стаў перуанец Франчэска дэ ла Крус, ён перамог немца Яна Спіса з лікам 6:2. Усяго ў спаборніцтвах удзельнічалі гульцы з 32 краін.

Папярэджваем: на відэа каментатары ну вельмі эмацыйна рэагуюць на гульню!

Вячаслаў Арлоўскі, прадстаўнік ГУБАЗіК, у інтэрв'ю СБ агучыў ідэю пазбаўляць грамадзянства людзей, якія з'ехалі з Беларусі:

«Людзі, якія збеглі з нашай краіны, ненавідзяць яе і сёння працуюць у інтарэсах заходніх краін, не павінны мець права называцца беларусамі.

Калі яны адвярнуліся ад краіны, чаму краіна не можа адвярнуцца ад іх? У выніку яны не змогуць прыехаць у Беларусь у вольным парадку, не змогуць удзельнічаць у электаральных працэсах, грамадска-палітычным жыцці дзяржавы».

Сёння інжынеру-праграмісту з Мінска Віктару Лебедзеву прысудзілі паўтара года «хатняй хіміі» за абразлівы каментар на адрас Чамаданавай пад пастом пра суд за абразу Чамаданавай

26 студзеня праграміст пакінуў каментар пад пастом з навіной пра суд, на якім чалавека за абразу Чамаданавай асудзілі да 2 гадоў «хатняй хіміі» і абавязалі выплаціць на карысць пацярпелай 5000 рублёў.

Цяпер свае маральныя пакуты былая прэс-сакратарка МУС ацаніла ў 3000 рублёў.

Крыніцы: былога начальніка Ганцавіцкага РАУС спачатку адправілі ў калгас, а адтуль забралі ў Навінкі праз пагрозу суіцыдам

43-гадовага Віталя Куляшова знялі з пасады начальніка Ганцавіцкага РАУС у жніўні. Ён прабыў у гэтым статусе менш за два гады.

Як стала вядома «Нашай Ніве», пасля адстаўкі Куляшова паставілі кіраўніком «калгаса» на малой радзіме. А нядаўна яго накіравалі ў РНПЦ псіхічнага здароўя, што ў Навінках.

Што вядома, чытайце па спасылцы.

Латвія ўводзіць жорсткі лакдаўн з 20 кастрычніка да 15 лістапада, з 20.00 да 5.00 уводзіцца каменданцкая гадзіна

Распаўсюд каранавіруса становіцца некантраляваным, з 13 кастрычніка ў краіне штодня фіксуюць больш за 2000 выпадкаў, у бальніцах з кавідам — каля 25 000 чалавек.

У сюжэце БТ пра кадравыя перастаноўкі ў КДБ заблюрылі твары ўсіх сілавікоў

«Мы не можам паказаць іх твары і назваць прозвішчы, хаця гэтыя людзі і самі не любяць свяціцца», — рапартуе журналістка.

Кавід і грып. Чаго чакаць ад дзвюх пандэмій адначасова і што рабіць?

Дзякуючы супрацькавідным мерам перасцярогі, летась эпідэмія грыпу была не надта выражаная. Аднак замежныя эксперты лічаць, што гэтай зімой сезонная пандэмія грыпу зноў набярэ размах. Вось што трэба ведаць пра спалучэнне пандэмій кавіду і грыпу.

Чытайце па спасылцы

Гэтую з’яву называюць будучыняй інтэрнэту. Што трэба ведаць пра метасусвет?

Сацсетка Facebook нядаўна абвясціла, што збіраецца наняць у Еўропе 10 тысяч чалавек для распрацоўкі метасусвету. Магчыма, гэта будучыня Інтэрнэту.

Што гэта такое?

Уся карціна дня — на nashaniva.com (З Беларусі — праз VPN). Што гэта і як усталяваць, чытайце тут.

Дзяржпрапаганда абвінавачвае дэмсілы ў раз’яднанасці. А як на самай справе?

Не раз у бок беларускай апазіцыі гучала крытыка пра раз'яднанне, пра наяўнасць мноства асобных ініцыятыў. Маўляў, не час для амбіцый асобных палітыкаў: трэба аб'яднацца і выступіць з адзінай пазіцыяй. Актыўна крытыкуе раз'яднанасць дэмакратычных сілаў і беларуская прапаганда.

І вось нядаўна Павел Латушка звярнуўся да офіса Святланы Ціханоўскай, членаў Каардынацыйнай рады і агулам да ўсіх прадстаўнікоў дэмсіл з заклікам аб’яднацца і выпрацаваць адну стратэгію па вырашэнні беларускага крызісу.

Што атрымліваецца з гэтай прапановы, чытайце па спасылцы

У Бабруйскай бальніцы хуткай дапамогі здарыўся пажар

Здарылася ўзгаранне ў палаце кардыялагічнага аддзялення. З паверха эвакуявалі 38 пацыентаў, ніхто не пацярпеў.

Папярэдняя прычына – неасцярожнае абыходжанне з агнём.

Ва Украіне, якая мае падобны да Беларусі ўзровень вакцынацыі, рэкорд па колькасці смерцяў ад кавіду: 538 за дзень

За суткі 18 кастрычніка ва Украіне зафіксавалі 15 579 выпадкаў захворвання на кавід і 538 смерцяў. Шпіталізавалі з кавідам ці падазрэннем на яго 2 852 чалавекі, ачунялі 776 чалавек.

Ва Украіне, як і ў Беларусі, узровень вакцынацыі адзін з самых нізкіх у Еўропе. Ва Украіне поўны курс вакцынацыі прайшлі 14,7% насельніцтва, у Беларусі — 18,6%. Гэта значна ніжэй, чым у суседніх Польшчы (52%) і Літве (58,8%).

Нягледзячы на доступ да заходніх вакцын, насельніцтва Украіны вакцынуецца неахвотна, краіна стала адной з апор кавід-дысідэнцтва. У краіне распаўсюджаная практыка ўнясення ў базу вакцынаваных з выдачай сертыфіката за грошы.

Таксама ўкраінскія медыя паведамляюць пра дактароў, якія за грошы ўводзяць украінцам замест вакцыны фізраствор, а саму вакцыну выліваюць.

Жыхар Асіповічаў краў з крамаў скрыні з ахвяраваннямі

Ахоўнік крамы па камерах убачыў, як наведвальнік выносіць царкоўную скрыню з грашыма. Пра здарэнне паведаміў у міліцыю, мужчыну затрымалі.

29-гадовы жыхар райцэнтра не паспеў патраціць 668 рублёў, якія былі ў скрыні. Завялі крымінальную справу.

Небывала пашанцавала. Даляр падае і падае — што адбываецца?

З пачатку месяца курс даляра падае і ўжо апусціўся ніжэй за 2,45 рубля. Час бегчы мяняць валюту і папаўняць рублёвыя ўклады?

Тлумачым разам з экспертамі, чаму так адбываецца і ці надоўга гэта тэндэнцыя.

Чытайце па спасылцы

Уся карціна дня — на nashaniva.com (З Беларусі — праз VPN). Што гэта і як усталяваць, чытайце тут.