У Шчучынскім раёне падлеткі прадставіліся міліцыянерамі, каб скрасці цукеркі і шампанскае

Двое непаўналетніх вярталіся з дыскатэкі і заўважылі на прыпынку незнаёмага мужчыну. Хлопцы прадставіліся супрацоўнікамі міліцыі і папрасілі прад'явіць дакументы. Яны сказалі мінаку, што ён знаходзіцца ў памежнай зоне, і сталі правяраць яго сумку нібыта на наяўнасць забароненых прадметаў. Пасля чаго забралі ў яго прадукты харчавання: шампанскае, цукеркі і дзіцячае харчаванне — па іх словах, на экспертызу.

Мужчына не паверыў, што хлопцы з'яўляюцца супрацоўнікамі міліцыі, бо яны занадта молада выглядалі, а таксама не прад’явілі службовыя пасведчанні. Пры гэтым перашкаджаць ім не стаў, бо баяўся, што яго паб’юць.

Псеўдаміліцыянераў затрымалі. Аднаму прад’явілі абвінавачванне за крадзеж, другога адпусцілі пад заклад.

У сераду ад каранавіруса ў Гомелі памёр Юрый Данькоў, былы ўладальнік легендарнага «Данькоў-клуба» ў Мінску

Пра гэта паведамляе @euroradio. Родныя пацвердзілі «Нашай Ніве» гэту інфармацыю.

Данькову было 58 гадоў.

Юрый Данькоў — у мінулым буйны прадпрымальнік, мецэнат, дэпутат Мінгарсавета, у 2001 годзе спрабаваў удзельнічаць у прэзідэнцкай гонцы.

У 2012-м супраць яго завялі крымінальную справу, у выніку чаго асудзілі на 8 гадоў пазбаўлення волі па сямі артыкулах, сярод якіх ухіленне ад выплаты падаткаў, уцягванне ў прастытуцыю, падробка дакументаў. У турме ён правёў 7 гадоў.

Пахаваюць бізнэсмена ў нядзелю.

Сяргей Ціханоўскі лічыць, што яго прысудзяць да 15 гадоў пазбаўлення волі

Пра гэта ён напісаў у лісце ад 10 кастрычніка, піша БелаПАН.

«Піша табе кіраўнік «банды», якому пагражае каля 15 гадоў. Мае злачынствы жудасныя, я злачынна-сумленны, злачынна спачуваў людзям, злачынна-добры. Мае дзеянні справакавалі іншых «бандытаў», што выклікала сотні крымінальных спраў і дзясяткі тысяч адміністрацыйных. […] Гэтыя дзеянні прычынілі шкоду на 3,6 мільёна рублёў. Тыя 900 тысяч даляраў, якія знайшлі ў доме ў маці, мне не прад'явілі [на судзе]. А проста забяруць у кошт шкоды».

У канцы кастрычніка ў Гомелі чакаецца вынясенне прысуду блогерам Сяргею Ціханоўскаму, Уладзіміру Цыгановічу, Ігару Лосіку, аператару Арцёму Сакову, мадэратару сацсетак Дзмітрыю Папову, палітыку Мікалаю Статкевічу. Суд на імі пачаўся ў канцы чэрвеня.

Сам Сяргей Ціханоўскі быў затрыманы 29 мая 2020 года ў Гродне.

Чарговы пакет санкцый Еўрасаюза супраць Беларусі будзе гатовы ў лістападзе

Пра гэта паведаміў журналіст Рыкард Ёзвяк са спасылкай на высакапастаўленага чыноўніка ЕС.

Марыя Калеснікава хоча падпісацца на «Новую газету» і Esquire

Бацька палітзняволенай учора сустрэўся з дачкой у СІЗА і распавёў пра гэта тэлеграм-каналу Віктара Бабарыкі.

Марыя Калеснікава павіншавала Дзмітрыя Муратава з Нобелеўскай прэміяй міру. Яна хоча падпісацца на «Новую газету», галоўным рэдактарам якой з’яўляецца Муратаў, а таксама на часопіс Esquire.

Таксама Марыя сказала, што ганарыцца прэміяй Вацлава Гаўла, прысуджанай ёй, але лічыць, што яна прысуджана ўсім палітвязням.

❓Ёсць пытанне. Ці трэба даведка ад доктара ў школу, калі дзіця прапусціць толькі 1-3 дні?

Разам з чацвёртай хваляй каранавіруса ў Беларусь прыйшла і хваля сезонных хваробаў. У паліклініках чэргі і тлум, таму многія бацькі асцерагаюцца вадзіць туды сваіх дзяцей.

Але што рабіць, калі дзіця прастыла? Ці можна пакінуць яго дома на пару дзён, проста папярэдзіўшы настаўніцу?

Разбіраемся па спасылцы

«Мой тата быў светлым чалавекам»: Павел Севярынец намаляваў для свайго сына партрэт свайго бацькі

Пра гэта напісала ў сваім фэйсбуку Вольга Севярынец.

Канстанцін Севярынец памёр 1 кастрычніка ў выніку наступстваў каранавіруса. Паўла, што адбывае тэрмін у шклоўскай калоніі, на пахаванне не адпусцілі. Для свайго сына Францішка ён намаляваў партрэт дзеда.

«…Мой тата, а твой дзед быў чалавекам светлым, таленавітым, дабрадушным і шчодрым. Менавіта ён патлумачыў мне, што наша родная мова — беларуская, і што Беларусь мае быць незалежнай.

Дзед Косця пісаў вельмі добрыя вершы, багата дапамагаў іншым, расказваў пра Беларусь, вучыў ставіцца да жыцця спакойна, добра гатаваў і складаў цэлыя кніжкі для дзяцей. Словам, твой дзед Кастусь Севярынец быў цудоўным чалавекам. Ведай гэта. Вельмі шмат людзей кажуць пра яго добрыя словы і праводзілі яго на неба. Дасылаю табе ягоны партрэт — і дзякую табе за малітву за дзеда Косцю!» — напісаў сыну Павел Севярынец.

Дзяржкамітэт судовых экспертыз пацвердзіў, што яго кіраўніку спалілі машыну

Праз два тыдні пасля інцыдэнту ДКСЭ пацвердзіў, што 1 кастрычніка хтосьці спаліў машыну (джып Таёта Land Cruiser) старшыні ведамства Аляксея Волкава. Супрацоўнікаў камітэта нібыта абурыла гэта навіна, таму яны вырашылі сабраць грошы свайму кіраўніку.

Але Волкаў вырашыў перадаць грошы ў цэнтр карэкцыйна-развіваючага навучання і рэабілітацыі Фрунзенскага раёна Мінска.

Як бізнэс у Беларусі і Польшчы перажыў пандэмію

Пандэмія COVID-19 сталася сапраўдным выклікам для бізнэсу: спрычынілася да зніжэння дзелавой актыўнасці і нават банкруцтва фірмаў.

Цяпер для уласнікаў «сваёй справы» адліга — час нарошчвання прыбыткаў і закрыцця пазыкаў. Мы прааналізавалі, па якіх сферах дзейнасці ў Беларусі і суседняй Польшчы прыйшоўся найбольшы ўдар, хто здолеў утрымацца і якую ролю ў гэтым згулялі антыкрызісныя рашэнні ўрадаў краін.

Чытайце па спасылцы

Пад Віцебскам гарэла птушкафабрыка

Па папярэдняй інфармацыі, пажар адбыўся на будоўлі новага ўбойнага цэха. На месцы працавалі каля дзесяці разлікаў МНС.

Загінуў адзін чалавек.

Міліцыя не знайшла парушэнняў у вокладцы «Мінскай праўды» са свастыкай

МУС адказала на петыцыю грамадзян з просьбай праверыць скандальную вокладку дзяржаўнай газеты на прадмет парушэнняў законаў.

Міліцыя адказала, што парушэнняў заканадаўства не выявіла. Ліст быў падпісаны намеснікам начальніка УУС Мінаблвыканкама Віталём Казловым.

Голас, падобны да ягонага, фігуруе ў шматлікіх злівах кіберпартызан.

А па спасылцы можаце пачытаць, у чым міліцыя якраз бачыць парушэнні і за што карае звычайных грамадзян.

Даляр і еўра зноў пабілі гадавыя мінімумы

Даляр патаннеў амаль на дзве капейкі і цяпер каштуе 2,4512 рубля.

Еўра патаннеў на 2,18 капейкі і цяпер каштуе 2,8432 рубля.

Расійскі рубель патаннеў нязначна і каштуе 3,4397 рубля за 100 адзінак.

У пачатку года даляр і еўра каштавалі 2,5789 і 3,1680 рубля адпаведна.

Жонка бізнэсмена Юрыя Данькова: «Такі Апалон, на сэрца ніколі не скардзіўся, а тут не вытрымала»

Бізнэсмен Юрый Данькоў, былы ўладальнік легандарнага «Данькоў-клуба», памёр ад каранавіруса. Мужчыну было 58 год.

Жонка Людміла расказала пра яго апошнія дні ў бальніцы. Яе і Данькова лячылі ў Гомелі.

▫️«Прыходзілі дактары з паліклінікі, але адэкватнага лячэння назначана не было».
▫️«У Гомелі ўсе бальніцы забітыя. Таму Юрыя шпіталізавалі туды, дзе былі месцы — у абласны шпіталь інвалідаў Айчыннай вайны».

Чытайце па спасылцы

Развітанне з Юрыем Даньковым адбудзецца ў нядзелю 17 кастрычніка а 12-й гадзіне ў Мінску, у рытуальнай зале на Альшэўскага, 12.

Новы рэкорд афіцыйна зарэгістраваных дзённых выпадках кавіду ў Беларусі — 2073. З аўторка Мінздароўя фіксуе не менш за дзве тысячы захварэлых штодня.

Памерлі 16 чалавек.

15 снежня ў Брусэлі пройдзе саміт Усходняга партнёрства. Беларусь на ім будзе прадстаўлена «пустым крэслам без сцяга»

Пра гэта паведамляе @dw_belarus.

Таксама выданне адзначае, што на саміт могуць запрасіць прадстаўнікоў беларускай грамадзянскай супольнасці.

У Баранавіцкім раёне з лецішча скралі ўнітаз

У міліцыю звярнулася жыхарка Баранавічаў. Жанчына распавяла, што ў адной з вёсак раёна ў яе ёсць дом, дзе яна бывае рэдка. Прыехаўшы на ўчастак, яна пабачыла, што з гаспадарчай пабудовы ў яе скралі ўнітаз.

Супрацоўнікі вышуку ўстанавілі, што сантэхніку скраў 33-гадовы жыхар Баранавічаў. Мужчына быў у гасцях у суседзяў пацярпелай, якія пражываюць у другой палове дома. Пасля застолля мужчына пракраўся ў гаспадарчую пабудову і забраў унітаз. Сантэхніку ён прадаў, а грошы прапіў.

Следчыя распачалі крымінальную справу за крадзеж.

«Даводзілася выбіраць, аддаць прэпарат пажылому пацыенту ці пакінуць для больш перспектыўнага». Былая доктарка пра жахлівае закуліссе эпідэміі

Вольга Садоўская працавала ў 6-й бальніцы Мінска з красавіка 2020 года па жнівень 2021. Дзяўчына была клінічным фармаколагам — у яе абавязкі ўваходзіў кантроль усёй лекавай тэрапіі. Вольга бачыла, што адбываецца па ўсёй бальніцы: з якімі праблемамі дактары сутыкнуліся ў эпідэмію, якая смяротнасць была ў аддзяленнях і як даводзілася вырашаць, каму жыць, а каму не.

▫️«Перапынак у падачы кіслароду для цяжкага пацыента нават на 10-20 хвілін можа аказацца фатальным».
▫️«Пік смяротнасці ў бальніцы прыпаў на мінулы лістапад-снежань. Тады ў дзень памірала да 12 чалавек».
▫️«У палове апаратаў у рэанімацыі фільтры не адпавядалі патрабаванням — яны вельмі хутка ўвільгатняліся і закаркоўваліся».
▫️«Усё было б нядрэнна, калі б не было такога патоку пацыентаў. Асноўная праблема — фізічная загружанасць дактароў».

Што яшчэ Вольга кажа пра пандэмію ў Беларусі, чытайце па спасылцы

У Польшчы прапаў былы беларускі студэнт, які летась выехаў з краіны ад пераследу

4 кастрычніка Дзяніс Янкоўскі паехаў шукаць кватэру ў Кракаў. Праз чатыры дні ён перастаў выходзіць на сувязь з роднымі і сябрамі.

Што яшчэ вядома?

Уся карціна дня — на nashaniva.com (З Беларусі — праз VPN). Што гэта і як усталяваць, чытайце тут.

Павел, унук Генадзя Бураўкіна, з нумарам пра свайго дзеда.

Гэты ды іншыя нумары "Нашай гісторыі" шукайце ў у мінскіх кнігарнях "Галіяфы" і "Кніжная шафа", у гандлёвым цэнтры "Купалаўскі", этнакраме "Рагна", гродзенскай "Цудоўні", віцебскім "Светачы", бабруйскай "Крыніцы ведаў", інтэрнэт-крамах knihi.by, kniganosha.by, mmkut.by, аддзелах прэсы гіпермаркетаў.

«Людзі пыталіся, ці будзе грахом прышчапляцца». Што пастар з Альшанаў кажа пра вакцынацыю?

У 8-тысячнай вёсцы Альшаны за ўвесь час працы пункта вакцынацыі прышчапіўся толькі адзін чалавек, і той — з іншай вёскі. Мабільны пункт у выніку закрылі. Нежаданне вакцынавацца мясцовая раёнка звязала з рэлігійнымі перакананнямі мясцовых жыхароў, якія лічаць, што вакцына «ад нячыстага».

А што кажа альшанскі пастар? «Наша Ніва» звязалася з ім.

Чытайце яго меркаванне па спасылцы

У Беларусі пад пацыентаў з каранавірусам выдзелена амаль 31 тысяча ложкаў

Паводле Мінздароўя, на сёння ў Беларусі частка бальніц перапрафіляваныя для таго, каб забяспечыць медыцынскай дапамогай пацыентаў з COVID-19.

Колькі ложкаў выдзелена ў кожным з рэгіёнаў, чытайце па спасылцы.