Новае кіраўніцтва Вялікага тэатра Беларусі адхіліла ад працы маладога дырыжора Дзмітрыя Матвіенку

Пра гэта ён паведаміў у фэйсбуку.

У ліпені 30-гадовы Матвіенка стаў абсалютным пераможцам міжнароднага конкурсу маладых дырыжораў.

З мая тэатрам кіруе Вячаслаў Гарбузаў, які сем гадоў працаваў у БРСМ, а да прызначэння ў Мінск кіраваў брэсцкім драмтэатрам. Пасля прэзідэнцкіх выбараў у Вялікім тэатры адбыліся масавыя звальненні артыстаў і дырыжораў, якія выступілі супраць гвалту.

Стала вядома, колькі субсідый ад Расіі атрымала за апошнія гады Беларусь

Расія ўлівае ў Беларусь мільярды даляраў па розных каналах. Журналісты палічылі агульны аб'ём датацый за апошнія гады.

Гэта дзясяткі мільярдаў даляраў.

Чытайце па спасылцы. З Беларусі — праз VPN. Што гэта і як усталяваць, чытайце тут.

Здарыўся масавы збой мабільнага дадатку Альфа-Банка

Прыкладна з гадзіны дня кліенты Альфа-Банка не могуць атрымаць доступ у свой мабільны дадатак InSync. Пры спробе ўвайсці ў дадатак з’яўляецца паведамленне пра тое, што адсутнічае падключэнне да сеткі.

«Сёння прыйшла зарплата, а я ніяк не магу яе праглядзець. Невядома, што адбываецца. Ужо працоўны дзень скончыўся, а дадатак не адкрываецца», — кажа чытачка @nashaniva.

«Падчас запуску дадатка многія кліенты сутыкаюцца з бясконцым працэсам загрузкі ці памылкай «не ўдалося падключыцца да сервера». Спецыялісты ўжо займаюцца гэтай праблемай», — гаворыцца ў тэлеграм-канале Альфа-Банка.

У тэхпадтрымцы ўдакладняюць, што пакуль няма дакладных тэрмінаў, калі дадатак запрацуе. Банк раіць скарыстацца інтэрнэт-дадаткам «Альфа-Клік».

Аднак, як пішуць карыстальнікі форума Onliner, ёсць збоі і ў працы інтэрнэт-дадатку. Калі ўсё наладзіцца, пакуль інфармацыі няма.

Чытачка Нашай Нівы паведаміла, што ў Гомелі на свяце горада з загона збеглі каровы і напалі на мужчыну. Кароў нібыта прывезлі напярэдадні гарадскога свята. Заўтра на пляцоўцы ля Лядовага палаца мае адбыцца фестываль “Мясмалфэст”. У раёне здарэння бачылі хуткую дапамогу.

Адну з жывёл, падобна, ужо заўважылі ў горадзе.

Карову (ці бычка?) ужо бачылі ў Валатаве. Адпаведнае відэа з’явілася ў сацыяльных сетках.

Вось так выглядае Энсьера ў Гомелі.

Чырвоны Крыж вінавацілі ў дачыненні да фальсіфікацыі выбараў. Арганізацыя абяцала разабрацца. Глядзіце, як разабраліся

Арганізацыю крытыкавалі за датычнасць да масавых фальсіфікацый на прэзідэнцкіх выбарах у жніўні 2020 года.

Сёння арганізацыя абрала новага кіраўніка. Ім аказаўся былы кіраўнік Мінскай гарадской выбарчай камісіі і дэпутат Палаты прадстаўнікоў.

Чытайце па спасылцы. З Беларусі — праз VPN. Што гэта і як усталяваць, чытайце тут.

Дзмітрый Баскаў сыходзіць з паста кіраўніка федэрацыі хакея Беларусі, хаця некалькі дзён таму не збіраўся гэтага рабіць

На тыдні міжнародная федэрацыя хакея дыскваліфікавала Баскава на пяць гадоў. Яго з’яўленне нават на гульні чэмпіянату Беларусі магло кончыцца санкцыямі супраць ФХБ, таму Баскаў напісаў заяву, “каб беларускі хакей не цярпеў”.

Адразу пасля абвяшчэння дыскваліфікацыі ФХБ заяўляла, што Баскаў застанецца кіраўніком федэрацыі.

Што для Баскава азначалі санкцыі IIHF? Чытайце ў нашым тэксце па спасылцы. З Беларусі — праз VPN. Што гэта і як усталяваць, чытайце тут.

Міліцыя і МНС знайшлі дзвюх кароў, якія збеглі з фестывалю ў Гомелі

Сілавікі адсправаздачыліся, што аператыўна знайшлі збеглых жывёл. Адну знайшлі на 2-й Грамадзянскай вуліцы, другую — на Клёнкаўскай. Мяркуючы па карце, адна карова прайшла каля 1,5 км, другая — амаль два.

«В настоящее время проводятся необходимые мероприятия по их сопровождению и доставке в вольеры», — піша УУС Гомельскай вобласці.

«Міс Беларусь» стала 18-гадовая Дар’я Ганчарэвіч

Яна працуе мадэллю і выкладчыцай дэфіле ў Нацыянальнай школе прыгажосці.

Інспектар мытні, мадэль і студэнтка, якая вальсіравала з Лукашэнкам. Хто сёлета ўдзельнічае ў «Міс Беларусь»?

Відэа фармату «імгненная карма» — легкавік з правай паласы пайшоў на разварот і трапіў пад трамвай

На вуліцы Якуба Коласа маладая жанчына за стырном «Мэрсэдэса» пайшла на левы разварот з правай паласы і сутыкнулася з трамваем. У выніку ДТЗ ніхто не пацярпеў, акрамя транспартных сродкаў.

Улады адрэагавалі на скандальную карыкатуру ў «Мінскай праўдзе»

У лісце на імя біскупа Алега Буткевіча, упаўнаважаны па справах рэлігій і нацыянальнасцей Аляксандр Румак адзначыў, што публікацыя не адлюстроўвае афіцыйную пазіцыю дзяржавы ў адносінах да Рыма-каталіцкага Касцёла ў Беларусі, піша catholicnews.by.

На думку Румака, такія матэрыялы не спрыяюць падтрыманню міжканфесійнага міру і згоды ў краіне. Чыноўнік паведаміў у лісце, што Мінінфарм пісьмова апавясціла кіраўніцтва «Мінскай праўды» пра недапушчальнасць падобнага роду публікацый.

Лукашэнка прысудзіў Вользе Няфёдавай званне заслужанай артысткі Беларусі

Сёння Аляксандр Лукашэнка падпісаў указ аб узнагароджанні дзяржаўнымі ўзнагародамі прадстаўнікоў розных сфер дзейнасці. У спісе ўзнагароджаных 116 чалавек. Сярод іх аказалася і Вольга Няфёдава, мастацкі кіраўнік Купалаўскага тэатра.

Улетку 2020-га тэатр пакінулі амаль усе акцёры. Няфёдава была сярод тых, хто застаўся і асудзіў людзей, якія звольніліся.

На сустрэчы з Лукашэнкам у лютым 2021-га Няфёдава плакала, кажучы пра яго выхад з аўтаматам.

«Стаяла ўжо такое пытанне — радзімы. Не проста сцягі, яшчэ нешта. А менавіта радзімы, якую сапраўды хапнуць і не заўважаць. Тут глабальны момант. Як яны не зразумелі? Чаму яны так купіліся? Здалі за бесцань, не падумаўшы? Я не ведаю…» — эмацыйна выказалася артыстка пра былых калег.

Пазней яна выступіла на адкрыцці крамы алкаголю «Белмытнясэрвіс», што адкрылася ў Маладзечне.

«Міс Беларусь» Дар'я Ганчарэвіч атрымала 14 500 рублёў і аўтамабіль Geely

У снежні яна прадставіць краіну на міжнародным конкурсе «Міс свету» ў Пуэрта-Рыка.

Ідзе збор на выданне беларускамоўнага перакладу кнігі ўкраінскага пісьменніка Міраслава Лаюка «Заўрык і яго малодшы брат»

Па-беларуску амаль няма дзіцячых кніг, якія закранаюць тэму перажыванняў старэйшых дзяцей у чаканні нараджэння малодшых ды стасункаў паміж імі.

«Заўрык» — тое, што трэба, калі ў вас плануецца папаўненне. Вы прачытаеце, як сям'я стэгазаўраў рыхтуецца да з'яўлення малыша і як мяняецца іх жыццё. Як галоўны герой — старэйшы Заўрык — пасля нязгоды і крыўды ўсё ж прымае свайго малодшага браціка.

Падтрымаць збор можна па спасылцы

20 год пасля тэрактаў 11 верасня. Як яны змянілі свет?

11 верасня 2001 года адбылася серыя тэрактаў, падобных да якіх у гісторыі яшчэ не было. Тэрарысты захапілі ў небе над ЗША чатыры пасажырскія самалёты, каб накіраваць іх у значныя аб’екты ў Вашынгтоне і Нью-Йорку.

У выніку тэрактаў загінула 2977 чалавек і яшчэ 19 тэрарыстаў. Тысячы людзей былі параненыя ці моцна пацярпелі праз наступствы тэрактаў.

Як падзеі 11 верасня паўплывалі на палітыку, авіяцыю, мастацтва і грамадства ў цэлым — чытайце па спасылцы. З Беларусі — праз VPN. Што гэта і як усталяваць, чытайце тут.

Сёння дзень нараджэння святкуе Святлана Ціханоўская. Яе муж, Сяргей Ціханоўскі, даслаў віншаванне ў спадзяванні, што ліст дойдзе да імянінніцы.

А праз адваката прасіў паведаміць усім, што больш шчырага і сумленнага чалавека, чым Святлана, ён ніколі ў жыцці не сустракаў.

Паглядзіце з вышыні, як ідзе выратаванне касцёла ў Будславе, які моцна пацярпеў ад пажару ў маі сёлета.

Відэа знятае дронам 2 верасня, перадае суполка "Адновім Будслаў разам!".

Міністр спорту Сяргей Кавальчук раскрытыкаваў экс-першую ракетку свету Вікторыю Азаранку за яе рашэнне адмовіцца ад удзелу ў Алімпійскіх гульнях

"Калі не прыязджае на Алімпіяду Роджэр Федэрэр, я зразумець магу: ён яшчэ ў Пекіне-2008 сваё золата выйграў і столькі за кар'еру кубкаў заваяваў, што не ў кожны музей змесцяцца. А чым кіравалася Азаранка?

(НН: Вікторыя Азаранка — бронзавы прызёр Алімпіяды-2012 у адзіночным разрадзе, тады ж у міксце з Максам Мірным яна заваявала яшчэ і золата.)

Прыкра. Як не пазмагацца за гонар краіны? Не дапамагчы, калі ў табе маюць патрэбу? Не павесці за сабой маладых, натхніўшы іх сваім прыкладам?

Такія паводзіны не ўпрыгожваюць Азаранка ні як спартсмена, ні як чалавека, ні тым больш як грамадзяніна сваёй краіны.

Новак Джокавіч, напрыклад, вялікі і легендарны, прыехаў у Токіа. І сыграў не за сябе, а за родную Сербію!"