У англійскім горадзе Раглі кантралявана ўзарвалі градзірні старой ТЭЦ. Адбылося гэта проста падчас футбольнага матчу недалёка ад месца выбуху. Праз нестандартнасць сітуацыі гульню давялося часова перарваць.

СААЗ: З каранавірусам прыйдзецца жыць

Поўнае выкараненне каронавіруса не выглядае як асэнсаваная перспектыва.

https://nn.by/?c=ar&i=274110

Сербія не закрые сваю паветраную прастору для Беларусі, бо не з'яўляецца сябрам Еўрасаюза, паведаміў старшыня Народнай скупшчыны (парламента) Сербіі Івіца Дачыч.

«Не думаю. Наколькі я ведаю, Сербія не прымала такога рашэння, бо мы не з'яўляемся сябрам Еўрапейскага саюза», – сказаў Дачыч, адказваючы на пытанне, ці закрые Сербія сваё неба для беларускіх авіяперавозчыкаў пасля таго, як такое рашэнне прыняў Брусель у сувязі з інцыдэнтам з самалётам Ryanair.

Краіна мае статус кандыдата на ўступленне ў ЕС, перамовы пра гэта пачаліся ў 2014 годзе.

Жэст Сербіі хутчэй сімвалічны: трапіць у яе паветраную прастору з Беларусі ў аблёт краін ЕС практычна немагчыма.

Блогер Лапшын у Ерэване сустрэўся з паслом Беларусі Канюком, які раней выдаў яго Азербайджану

https://nn.by/?c=ar&i=274115

УЕФА ўзгадніў форму зборнай Украіны на Еўра-2021 з контурам карты краіны разам з Крымам

https://nn.by/?c=ar&i=274117

«Белпошта» выключыла газету «Новы Час» з падпіснога каталогу на другое паўгоддзе. Усім, хто падпісаўся, вернуць грошы.

У Брэсце пачаўся суд ад Палінай Шарэнда-Панасюк

Яе вінавацяць паводле трох артыкулаў Крымінальнага кодэксу: 368 («Абраза прэзідэнта»), 369 («Абраза прадстаўніка ўлады») і 364 («Гвалт або пагроза ўжывання гвалту ў дачыненні працаўніка органаў унутраных справаў»).

Дзяржаўны тэлеканал настойліва і беспаспяхова намагаўся ўзяць у мужа актывісткі Андрэя Шарэнды інтэрв’ю.

Пасля бойкі з міліцыянерам памёр вайсковы камісар Рэчыцы

Што вядома на гэты момант?

https://nn.by/?c=ar&i=274127

Пасля правалу на чэмпіянаце свету Міхаіл Захараў пакінуў пасаду галоўнага трэнера зборнай Беларусі па хакеі

Нагадаем, што на турніры ў Рызе зборная заняла апошні радок у групе. У ранейшыя гады такі вынік азначаў бы вылет у ніжэйшы дывізіён, але праз каранавірус сёлета ўсе зборныя захавалі ў ім месца.

Раней Міхаіл Захараў кіраваў зборнай з 2003 па 2005 і з 2009 па 2010 гады.

UPD. Галоўным трэнерам зборнай стаў Крэйг Вудкрафт, які паралельна трэніруе мінскае «Дынама».

Учора ў інтэрнэце накінуліся на сетку крамаў тэхнікі «Пяты элемент» — нехта заўважыў твар Рамана Пратасевіча на дэманстрацыйных тэлевізарах. Гэта быў момант з векапомнага інтэрв'ю АНТ. Што гэта было? 

У кампаніі пракаментавалі сітуацыю.

«На выставачных тэлевізарах могуць паказвацца рэкламныя ролікі вытворцаў, рэкламныя ролікі «Пятага элемента» альбо транслявацца тэлеканалы. Мэта — паказаць пакупнікам якасць карцінкі. Расклад паказаў рэкламы і пераключэння на трансляцыі ТБ цэнтралізаваны і аўтаматызаваны для ўсіх крамаў. Мы не транслюем выбарачныя ролікі з тэлеэфіра, выбарачныя перадачы ці інтэрв'ю. А таксама ад нас не залежыць, што транслюецца па дзяржаўных каналах», — сказалі ў «Пятым элеменце». 

Імаверна, у час, калі зроблена фота, у эфіры АНТ транслявалася праграма «Стоп фэйк».

Прэс-сакратар Пуціна Дзмітрый Пяскоў заявіў, што альбо сам Раман Пратасевіч, альбо афіцыйны Мінск павінны патлумачыць заяву аб фінансаванні «бізнэсмэнам з РФ» тэлеграм-канала з Расіі

«Па-першае, [уладальніка «Уралхіма» і «Уралкалія» Дзмітрыя] Мазепіна ніхто не абвінавачваў. Прозвішча Мазепін Пратасевічам не называлася, — сказаў прадстаўнік Крамля. — Напэўна, гэта ён [Пратасевіч] ці беларускі бок павінны растлумачыць, пра каго ідзе размова. Наўрад ці тут трэба ў кошкі-мышкі гуляцца».

«Сапраўды, звязаны з Уралам бізнэсовец Мазепін заявіў, што ніякага дачынення не мае і мець не можа [да фінансавання гэтага канала]. Напэўна, пра кагосьці іншага казаў Пратасевіч, а ён сам не ўдакладніў. І беларускі бок не ўдакладніў», — адзначыў Пяскоў.

«Вы не суд, а сталінская тройка. Даць адпор бандыту — гонар для грамадзяніна»

На судзе ў Брэсце Паліна Шарэнда-Панасюк не стрымлівае сябе ў выразах. Яе абвінавачваюць па трох артыкулах.

https://nn.by/?c=ar&i=274108

Футбалісты "Крумкачоў" сфатаграфаваліся з партрэтам арыштаванага Аляксандра Івуліна ў знак салідарнасці з ім.

Кола агляду ў парку Горкага атакавалі пчолы. Яго спынілі за пяць гадзін да закрыцця

Здарэнне адбылося ў нядзелю.

https://nn.by/?c=ar&i=274142

Турэцкія беспілотнікі змянілі баланс сіл вакол Расіі

Свет ашаломлена назіраў, як рэзка змяніўся ход канфліктаў у Карабаху і Лівіі з прыбыццём туды турэцкіх ракетаносных беспілотнікаў.

https://nn.by/?c=ar&i=274129

Баксёр Дзмітрый Асанаў на выхадных здабыў права выступаць на Алімпійскіх гульнях. Перамогу на адборы спартовец прысвяціў свайму сябру Аляксандру Івуліну і прадэманстраваў кулак і знак перамогі.

Пасля выбараў Асанаў выступіў супраць гвалту і быў пазбаўлены істотнай часткі заробку.

З’явілася новае дзяржаўнае свята — Дзень народнага адзінства 17 верасня. Але выходным гэты дзень НЕ будзе.

«Я адказаў, што віны не прызнаў і не прызнаю, мне сказалі, што гэта не праблема. Іх задавальняла любая фармулёўка»

Былыя палітвязні расказваюць, чаму яны падпісвалі — ці не падпісвалі — прашэнне аб памілаванні.

https://nn.by/?c=ar&i=274149