Пачаўся суд над Сцяпанам Латыпавым з Плошчы Перамен

Спачатку дзяржсмі распаўсюджвалі інфармацыю, што Латыпаў нібыта каардынаваў пратэсты, збіраў для фінансавання гэтага грошы, нават нібыта хацеў выкарыстаць нейкія хімікаты супраць міліцыянтаў. Пазней, калі Сцяпану выставілі абвінавачванне, момант пра атручванне хімікатамі міліцыянтаў знік. Цяпер Латыпава абвінавачваюць ва ўдзеле у масавых беспарадках, супраціве міліцыі і махлярстве.

https://nn.by/?c=ar&i=273845

У Латыпава падчас пасяджэння на твары быў бачны ці то сіняк, ці то нешта падобнае. І, здаецца, Сцяпан знайшоў спосаб даць зразумець прысутным, што з ім здарылася:

Калі суддзя спытаў, ці ёсць у Латыпава пытанні да міліцыянта Рогава, той сказаў, што ёсць.
«Пацярпелы, вы казалі, што я ўдарыў вас у твар нагой, — сказаў Латыпаў. —
Паглядзіце на мяне. У вас быў характэрны ацёк на твары, як у мяне?»
«Не», — адказаў міліцыянт Рогаў.
«Больш няма пытанняў», — сказаў Латыпаў.

У Ратамцы моцны пажар – гараць стайні конна-спартыўнага цэнтра.

Па папярэдняй інфармацыі, каней паспелі ўратаваць.

Лукашэнка: Пуцін сказаў, што праблем з пастаўкамі нафты не будзе

https://nn.by/?c=ar&i=273852

Зручны сайт з запісам на ПЛР-тэсты covidtest.by спыніў працу?

Як піша @euroradio, адзін з карыстальнікаў сайта атрымаў дзіўную смску нібыта "Мінздароўя прыпыняе супрацу з лабараторыяй".

Атрымаць аператыўны каментар у арганізацыі не атрымалася

Што адбылося ў Ратамцы?

«За 15 хвілін разгарэлася. Унутры спякотна, сена накладзена — дастаткова іскры, каб палыхнула. Мы пабачылі дым і пабеглі хутчэй туды», — расказаў @nashaniva адзін з супрацоўнікаў.

Спачатку загарэлася адна стайня, пасля агонь перакінуўся на суседнюю. Коней — іх там было 40-50 — адразу вывелі: выпускалі і адразу зачынялі за імі дзверы, каб не беглі назад. Палову коней ужо развезлі на іншыя стайні.

Па словах відавочцаў, калі пажарныя прыехалі, дах першай стайні ўжо палыхаў. Ратавальнікі вынеслі з будынка кацяня.

Пажар ужо патушылі.

На 4 рудаўпраўленні Беларуськалія аварыя — абвалілася галерэя.

❗️Сцяпан Латыпаў паспрабаваў перарэзаць горла ў зале суда

Сцяпан Латыпаў паспрабаваў перарэзаць сабе горла ў зале суда.

Ён стаў на лаўку і ўваткнуў ручку ў горла. Перад гэтым ён сказаў: «ГУБАЗ паабяцаў, калі я не прызнаю віну, будуць крымінальныя справы супраць родных і суседзяў».

‼️‼️‼️У Сцяпана Латыпава была з сабой папка з дакументамі. Ён дастаў з яе нейкі прадмет, магчыма, ручку. Залез на лаўку, упёрся нагамі ў краты і ўваткнуў сабе штосьці ў горла ці пачаў яго рэзаць. Потым упаў, стаў рэзаць рукі.

Адразу не змаглі адкрыць клетку, бо ў канваіраў не было ключоў. Яны былі ў кагосьці за дзвярыма.
Пакуль адкрылі клетку, Сцяпан ужо страціў прытомнасць.

Зараз прыехала хуткая.

Што папярэднічала ўчынку?
Пасля абеду выклікалі сведкам бацьку Сцяпана, ён даў паказанні.
Суддзя спытаў: «Ці ёсць пытанні ў абвінавачанага?»
І Сцяпан сказаў бацьку: пасля спаткання з табой да мяне прыйшоў ГУБАЗіК, сказаў, што мне арганізуюць прэс-хату, а потым тое ж самае будзе з маімі суседзямі і сваякамі, калі я не дам прызнальныя паказанні.
«Мне ўжо рабілі прэс-хату: [працягвалася] 51 дзень, — сказаў Сцяпан бацьку. — Ты наступны, рыхтуйся».

І потым пачаў рэзаць сабе горла, распавялі @nashaniva прысутныя.

Міліцыянты і медыкі выносяць Сцяпана Латыпава з будынка суда. Відэа: @radiosvaboda

Палітвязень Сцяпан Латыпаў заявіў пра катаванні ў турме і перарэзаў сабе горла ў судзе.

Як затрымлівалі Сцяпана Латыпава: 15 верасня жыхар вуліцы Чарвякова папрасіў невядомых у масках паказаць пасведчанне, у адказ быў затрыманы.

Людміла Гладкая, журналістка прэзідэнцкай газеты ў сябе ў тэлеграм-канале: "Шоу с Латыповым в суде — жалкая попытка увести публику от основных новостей. К примеру, о том, что наша экономика чувствует себя вполне себе нормально, а международное сотрудничество набирает обороты".

Аўдыя тых самых словаў Сцяпана Латыпава, пасля якіх ён паспрабаваў перарэзаць сабе горла, публікуе @viasna96

«Отец! После свидания ко мне пришел ГУБОП. Пообещал, что если я не признаю вину, у меня будет пресс-хата, уголовные дела против родных и соседей. Пресс-хата у меня была — 51 день. Так что ты готовься».

Дзмітрыя Стахоўскага сёння крэміравалі

18-гадовы падлетак жыццё самагубствам 26 мая праз пераслед за масавыя беспарадкі.

Як піша @viasna96, у каледжы лёгкай прамысловасці і комплекснай лагістыкі, дзе вучыўся хлопец, прадстаўнікі адміністрацыі зайшлі ў клас, выбралі 10 вучняў, прымусілі здаць тэлефоны і павезлі на крэмацыю — не тлумачачы куды. Больш ніхто на пахаванне патрапіць не змог — ні знаёмым, ні сябрам дату, час і месца крэмацыі не паведамілі.

Што будзе з прахам — невядома.

Яшчэ архіўнае фота: Сцяпан Латыпаў раздае кветкі жанчынам у белым каля Камароўкі 12 жніўня. Фота Віялеты Саўчыц.

Хто такі былы амапавец Павел Кулажанка, які спрабуе стаць радыкальным палітычным лідарам?

У інтэрнэце з’явіўся маніфест радыкальных прыхільнікаў перамен, ён называецца «Супраціў». У ім гаворыцца, што яны не могуць дзейнічаць публічна, таму дэлегуюць гэтае права Паўлу Кулажанку, які ў ютубе вядомы як блогер Exomon.

Хто ж такі гэты чалавек, які прымярае на сябе ролю лідара пратэста?

https://nn.by/?c=ar&i=273867

Вольга Няфёдава стала мастацкім кіраўніком Купалаўскага тэатра

Яе імя пазначана на сайце тэатра ў раздзеле «Мастацкае кіраўніцтва».

https://nn.by/?c=ar&i=273872

У дзень абароны дзяцей і першы дзень лета Зміцер Вайцюшкевіч прадстаўляе новы альбом, запісаны пры ўдзеле некалькіх дзясяткаў беларускіх музыкантаў

«Вясёлка над плёсам» складаецца з 19 песень на вершы беларускага паэта Аляксея Пысіна. Гэта сапраўдны музычны праект: у запісе кружэлкі ўзялі ўдзел тры дзясяткі творцаў, сярод якіх, апроч Змітра Вайцюшкевіча і WZ-Orkiestra, Лявон Вольскі, Святлана Бень, гурт Naviband ды іншыя.

— Я рады, што атрымалася сабраць на адной кружэлцы столькі выдатных імёнаў, — распавядае Зміцер Вайцюшкевіч. — Альбом найперш дзіцячы, але вельмі раю паслухаць яго і дарослым: у наш час кожнаму неабходныя ўсмешкі ды праменьчык святла.

Разам з альбомам музыка прэзентуе і яго яскравую анімаваную версію, якую стварылі Андрусь Такінданг і Дзяніс Міжуй.

Слухаць на ўсіх лічбавых пляцоўках: http://music.mediacube.network/Vyaselka

У Беларусі забаранілі тры расійскія тэлеканалы, у тым ліку хакейны і эратычны

Мінінфарм забараніў паказваць у Беларусі каналы "КИНОМИКС", "Тэлеканал КХЛ (KHL TV channel)" і "Русская ночь".

Першым двум каналам адмоўлена ў выдачы дазволу з-за нарушэнняў закона аб рэкламе. Прадстаўнікі эратычнага канала "Русская ночь" па такі дазвол проста не звярнуліся.