Жыхары Серабранкі прысвяцілі раённае шэсце гадавіне чарнобыльскай катастрофы.

«Рыхтавалася парадку 150 уседарожнікаў з буйнакалібернымі кулямётамі. Меркавалася ўварванне пад прыкрыццём, што яны дойдуць да Мінска з Літвы за 3 гадзіны. І з буйнакаліберных кулямётаў узяць рэзідэнцыю і расстраляць прэзідэнта».

Пра гэта заявіў у эфіры АНТ Станіслаў Князеў — ураджэнец Навасібірска, выпускнік школы КДБ СССР і Акадэміі ФСБ Расіі, які ў пачатку 2000-х быў першым намеснікам кіраўніка Адміністрацыі прэзідэнта Беларусі. Цяпер ён выкладчык у Акадэміі кіравання.

Ціханоўскі: Пасля вас пытанні будуць потым да Колі. Вось гэта я меў на увазе. Вось гэта мая думка была. Яны будуць, гэтыя пытанні да Колі пасля!
Лукашэнка: У цябе да Колі ніякіх пытанняў не будзе.
Ціханоўскі: У мяне не будзе?
Лукашэнка: Ён будзе звычайным грамадзянінам, як твае дзеці.
Ціханоўскі: Прыедуць па яго.

Пікіроўка паміж Сяргеем Ціханоўскім і Аляксандрам Лукашэнкам падчас сустрэчы ў СІЗА. Кантэкст не зусім зразумелы, але адметна, што Ціханоўскі звяртаецца на «вы», а Лукашэнка — на «ты».

Яшчэ адзін раённы марш — Лошыца пад бел-чырвона-белымі сцягамі.

Дзяржаўнае тэлебачанне працягвае пераконваць, што гісторыя пра пограб, у якім нехта нібыта збіраўся ўтрымліваць дзяцей Аляксандра Лукашэнкі, цалкам рэальная.

У якасці доказу паказваюць нешта падобнае да следчага эксперыменту ў нейкай вёсцы. Іншых падрабязнасцяў пакуль няма.

Сёння — 35-я гадавіна Чарнобыльскай катастрофы

26 красавіка 1986 года адбылася аварыя на Чарнобыльскай атамнай электрастанцыі — самая буйная ў гісторыі чалавецтва тэхнагенная катастрофа.

https://nn.by/?c=ar&i=272081

«Назавіце еўрапейскія клубы, у якіх яны гуляюць»

Міністр спорту зноў выказаўся пра беларускі футбол.

https://nn.by/?c=ar&i=272085

«Мяне палохае, што людзі жывуць у страху»

Маладой маці далі два гады хатняй хіміі за акцыі на пешаходным пераходзе ў падтрымку палітвязняў.

https://nn.by/?c=ar&i=272088

Вестэрн, дзе зямлю не асвойваюць, а кідаюць

Рэцэнзія на «Зямлю качэўнікаў», які атрымаў «Оскар» за найлепшы фільм.

https://nn.by/?c=ar&i=269723

Паўла Севярынца перавялі ў Магілёў

Пра гэта паведаміла ў фэйсбуку жонка палітвязня Вольга.

Такім чынам новы адрас для лістоў: 212011, г. Магілёў, вул. Крупскай, 99А, СТ-4, Павел Канстанцінавіч Севярынец

Павел знаходзіцца за кратамі ад 7 чэрвеня 2020 года.

Галоўнага рэдактара Intex-press за інтэрв'ю з Ціханоўскай аштрафавалі на 580 рублёў

Яго абвінавачвалі ў распаўсюдзе забароненай інфармацыі.

https://nn.by/?c=ar&i=272097

Чарнобыльскі шлях у мінскай Малінаўцы пад чорнымі парасонамі: нягледзячы на аблавы, людзі працягваюць ладзіць масавыя акцыі.

«Падвозіў будаўнікоў у Мінск»

У ДТЗ пад Бараўлянамі загінуў бацька траіх дзяцей.

https://nn.by/?c=ar&i=272109

😭😭😭 Гігін заявіў, што выкінуў пустыя цюбікі ад "Нівеа"

У гэтым дэкан факультэта філасофіі і сацыяльных навук БДУ прызнаўся падчас патрыятычнага кангрэсу Алега Гайдукевіча:

«Должны все зарубить у себя на носу: Беларусь — это независимое суверенное государство. Мы сами можем за себя постоять. Я вот лично скажу, я раньше пользовался маркой Nivea, но после этих хамских заявлений, которые были сделаны в начале года, для меня этой компании больше нет. Я даже те пустые тюбики, которые у меня были, собрал в пакетик и выбросил. И больше покупать не буду. И до той поры, пока вот эта их компания не извинится перед Беларусью. Никому прощать таких действий нельзя!»

Зяленскі: Усё ідзе да таго, што сустрэча з Пуціным адбудзецца

https://nn.by/?c=ar&i=272113

«Галадоўку скончылі, але пасля пра гэта пашкадавалі»

Пра жорсткія парадкі на Акрэсціна і ў Жодзіне асуджаныя расказвалі не раз. А што ў рэгіёнах?

«Нашай Ніве» распавялі, як рэзка змяніліся ўмовы ў бабруйскім ізалятары, які затрыманыя раней называлі гуманным.

https://nn.by/?c=ar&i=272116

Ганну Шапуцька, якую затрымалі ў Курапатах, асудзілі на 15 сутак

На судзе Ганна сказала пра тое, што знаходзілася [падчас затрымання] ў Курапатах. Роўна гэтак, як заўсёды на працягу трох гадоў.

Суддзя Казлова нервова рэагавала на ўсе спробы жанчыны патлумачыць прычыну знаходжання там і не даў нічога расказаць.

Вынік суда: арышт на 15 сутак.

Роўна 25 гадоў таму адбыўся Чарнобыльскі шлях — 1996, які доўгі час лічыўся самай масавай акцыяй пратэсту супраць Аляксандра Лукашэнкі. Большая колькасць дэмастрантаў выйшла толькі ў 2020 годзе.

У 1996 дзясяткі тысяч чалавек сабраліся каля Акадэміі навук і выйшлі на праспект Францыска Скарыны. На плошчы Якуба Коласа дэманстранты перадолелі першую перашкоду — перакулілі дзве міліцэйскія машыны і разагналі ланцуг міліцыі. Каля плошчы Перамогі стаялі грузавікі, але дэманстранты проста пералезлі праз іх. Каля цырка калона павярнула ў бок Нямігі, дзе адбылася яшчэ адна сутычка з сілавікамі. У выніку мітынг правялі на прыступках Палаца спорту.