Учора ў Мінску і іншых гарадах Беларусі салютамі адзначылі Дзень Волі. Людзі былі настолькі ўражаныя, што літаральна засыпалі @nashaniva кадрамі гэтага. Паглядзіце, як гэта было.

Павел Батуеў. Як я правёў 25 Сакавіка

Салігорскі актывіст апісаў, як на Дзень Волі яму зладзілі «тур выхаднога дня» па праваахоўных установах горада.

https://nn.by/?c=ar&i=270448

«Пад пагрозай галадоўкі дамагліся, каб на камеру выдалі сродкі ад вошаў»

За поўху Рыгору Азаронку перакладчыцы Вользе Калацкай далі два гады хатняй хіміі. Да суда яна два месяцы правяла пад вартай.

У інтэрв’ю жанчына распавяла пра сябе і пра турму — як спявала «Пагоню» ў камеры, выбіла сродкі ад вошай і адчула, што такое ўнутраная свабода.

https://nn.by/?c=lr&i=270431

Вынесены прысуд прыхільніку Лукашэнкі, які пабіў суседа

Сяргей Каўрыгін аштрафаваны на 150 базавых велічынь (4350 рублёў) паведамляе @devby.

Таксама ён павінен пакрыць выдаткі і маральную шкоду пацярпеламу.

Доктар-неўролаг Руслан Бадамшын быў сёння зноў асуджаны на 15 сутак. Гэта быў пяты суд медыка.

На гэты раз суддзя Анастасія Кулік разглядала справу па артыкуле 19.1 "Дробнае хуліганства". Нібыта медык каля свайго дома "крычаў, махаў рукамі і выкрыкваў лозунгі".

Памятаеце самага тоўстага ката ў Беларуcі?

Ён стаў худнець.

https://nn.by/?c=ar&i=270461

Чарговы «допыт» Гладкай: дзяўчына вымушаная апраўдвацца за тое, што размаўляе па-беларуску

https://nn.by/?c=ar&i=270470

Вялізны нацыянальны сцяг разгарнулі над чацвёртым корпусам БДУІР.

МУС заявіла, што прадухіліла тэракты ў Чыжоўцы і ў вайсковай частцы ў Печах (Барысаўскі раён). На відэа паказваюць 35-гадовага жыхара Піншчыны, які кажа, што атрымаў загад ад кагосьці з «Байпола».

BYPOL: Мы сарвалі тэракт, у адказ абвінавацілі нас

Ініцыятыва былых сілавікоў пракаментавала заяву МУС, у якой гаворыцца пра прадухіленне тэрактаў, сляды якіх нібыта вядуць у BYPOL.

https://nn.by/?c=ar&i=270483

Як інфармацыя ўнутры лічбавых фота дае магчымасць за намі сачыць 

Нашы фотаздымкі могуць не толькі фіксаваць моманты з жыцця, але і распавядаць за нас нашы сакрэты. Як гэта працуе?

https://nn.by/?c=ar&i=270484

МЗС Беларусі прапануе ЗША падзяліць Аляску і называе амерыканскімі героямі Асанджа і Сноўдэна

https://nn.by/?c=ar&i=270485

На мастака Алеся Пушкіна завялі крыміналку за «рэабілітацыю і апраўданне нацызму»

За партрэт пасляваеннага антысавецкага партызана Яўгена Жыхара.

https://nn.by/?c=ar&i=270488

Аляксандр Кавальчук вызвалены ад пасады кіраўніка міліцыі Мінскай вобласці. Адпаведны ўказ падпісаў сёння Аляксандр Лукашэнка.

Пра прычыны кадравага рашэння не паведамляецца. На пасадзе Кавальчук быў ад лютага 2018 года.

Зачыняецца культавы мінскі клуб «Графіці»

Падрабязнасці нам паабяцалі расказаць пазней.

«У 2011 годзе, калі я прыйшоў з войска, клуб "Графіці" быў адзіным месцам, дзе можна было хоць нешта рабіць, — адгукнуўся на навіну ў фэйсбуку заснавальнік «Арт Сядзібы» Павел Белавус. — А так пасля выбараў 2010-га была "выжженная земля".
І паступова год за годам усё больш і больш вольных ды крэатыўных пляцовак адчынялася…
Дзесяцігадовае кола замкнулася. Давядзецца зусім хутка, спадзяюся, усё ў Беларусі пачынаць усім з нуля».

З’явілася новая порцыя фэйкавых рассылак — не вядзіцеся

Цяпер спам рассылаецца нібыта ад імя «шараговых журналістаў газеты «Наша Ніва», сайта Petitions.by і распрацоўшчыкаў платформы «Голас». Невядомыя ў панічным тоне пішуць людзям, што іх нумары і «ўся асабістая інфармацыя» цяпер даступныя сілавікам.

«Наша Ніва» не мае да гэтага дачынення. Не вядзіцеся на фэйкі!

Юлія і Ігар Лаптановічы жывуць у вёсцы Белавусаўшчына, што ў Пружанскім раёне. У іх трое дзяцей — 9, 10 і 12 гадоў. Працавітая інтэлігентная сям’я: ён будаўнік, яна бібліятэкарка.

Іх абоіх абвінавацілі па сумна вядомай «карагоднай справе», яны ўдзельнічалі ў мірным пратэсце ў Брэсце. Мужа забралі ў СІЗА, жонка — пакуль дома пад падпіскай.

Ëй цяжка з траімі дзецьмі. Раней кармільцам быў муж. У бібліятэкаркі заробак 360 рублёў, можаце самі ўявіць. Больш пра іх гісторыю тут: https://nn.by/?c=ar&i=270433

Дапамагчы дзецям Лаптановічаў можна двума спосабамі:

— пераводам на картку Belarusbank: 5470 8740 4459 2036 да 01/24 LAPTANOVICH YULIYA

— праз АРІП: Банкаўскія, фінансавыя паслугі — Банкі, НКФА — Беларусбанк — Папаўненне рахунка — BY23 AKBB 3014 0000 4387 6111 0000

‼️ БТ адхілілі ад Еўрабачання. І другую песню пралукашэнкаўскага гурту "Галасы ЗМеста" не дапусцілі як неадпаведную правілам конкурсу.