Нагадваем вам, што любую інфармацыю, фота і відэа, якія вы лічыце важнымі, вы можаце дасылаць нам у @nashanivabot

Абавязковы масачны рэжым увядуць ва ўсёй краіне

Пра гэта ў эфіры тэлеканала «Беларусь-1» сказаў галоўны санітарны доктар Аляксандр Тарасенка. Аднак рашэнні будуць прымаць мясцовыя ўлады.

На сёння масачны рэжым уведзены ў Гомельскай вобласці, шэрагу раёнаў Магілёўскай і Магілёве, шэрагу раёнаў Віцебскай, Гродне, Лідзе, Брэсце.

Класічная сітуацыя для раніцы нядзелі — вайсковая тэхніка сцягваецца ў цэнтр Мінска. Відэа чытача @nashaniva

У Мінску закрылі палову станцый метро, каб перашкодзіць збору дэманстрантаў

Мінскі метрапалітэн: закрытыя станцыі Плошча Перамогі, Кастрычніцкая, Плошча Якуба Коласа. На чырвонай лініі закрытыя ўсе станцыі ад Купалаўскай да Кунцаўшчыны. Трэцяя лінія закрытая цалкам.

Закрыты выхад са станцыі Плошча Леніна ў бок плошчы Незалежнасці.

Начальнік ізалятара ў завулку Акрэсціна Ігар Кенюх патэлефанаваў у лякарню і папрасіў прыбраць дактароў, якія дазваляюць сабе спачуваць збітым вязням.

UPD. Імаверна, гэта размова адбывалася 11 жніўня.

Ратавальнікі прыехалі здымаць сцяг у Брылевічах. @nashaniva

Бусы сілавікоў з боку мемарыяла Тарайкоўскага. @nashaniva

Аўтобусы і аўтазакі, што стаялі на Дуніна-Марцінкевіча, пад’ехалі на Пушкінскую, людзі разбягаюцца ў двары. @nashaniva

Карэспандэнт @nashaniva паведамляе, што на Пушкінскай быў ужыты слезацечны газ. Людзі прамываюць вочы пацярпеламу.

На рагу Пушкіна — Матусевіча людзі выйшлі на праезную частку. @nashaniva

Разгон на Пушкінскай, сілавікі ўжываюць слезацечны газ.

Нягледзячы на затрыманні, шмат людзей сабралася на Пушкінскай, утвараецца калона дэманстрантаў. Відэа @tutby_official

Карэспандэнт @nashaniva паведамляе пра затрыманні ў дварах на Пушкіна.