Што адбываецца ў Мінску, дзе сёння павінен прайсці чарговы марш — сачыце за падзеямі АНЛАЙН на нашым сайце

https://nashaniva.by/?c=ar&i=260936

"Уздоўж Партызанскага праспекта сканцэнтраваныя вялікія групы сілавікоў", — паведамляюць шматлікія чытачы @nashaniva.

Прапагандыст Азаронак: «Выходзячы на вуліцы з кактэйлем Молатава, заточкай ці бомбай, беражыце, мярзотнікі, свае насы!»
@nashaniva

Закрыты станции метро Площадь Ленина, Октябрьская, Купаловская, Немига, Первомайская и Пролетарская.

Пра гэта паведамляе метрапалітэн.

Барабаншчыкі сёння ад раніцы зараджаюць мінскія двары, пішуць чытачы @nashaniva

Абстаноўка ў цэнтры Мінска:

- абгароджана Кастрычніцкая плошча, дзяжураць сілавікі,
- ля Адміністрацыі прэзідэнта каля дзесяці адзінак спецтэхнікі, у тым ліку вадамёт,
- плошча Незалежнасці абнесена металічнымі агароджамі, ля Дома ўраду стаяць аўтобусы сілавікоў,
- насупраць КДБ у скверы Дзяржынскага дзяжураць праваахоўнікі,
- праезд па Камсамольскай абмежаваны,
- на праспекце Незалежнасці сілавікі перакрываюць праходы ў некаторыя двары і кантралююць вуліцы, якія вядуць на праспект.

У Мінску зноў знік мабільны інтэрнет, пра гэта паведаміў аператар МТС.

❗️Першыя затрыманні ля станцыі метро «Партызанская». Імаверна, затрымліваюць супрацоўнікі ГУБАЗіКа, характэрнага выгляду, яны кінуліся праз дарогу за маладымі людзьмі, перадае карэспандэнт @nashaniva.

На скрыжаванні Партызанскага праспекта і вуліцы Леніна ўжо ўтварылася калона з сотняў людзей з нацыянальнымі сцягамі. Адусюль на праспект выходзяць дзясяткі і дзясяткі чалавек. Карэспандэнты @nashaniva ацэньваюць агульную колькасць пратэстоўцаў зараз у тысячу чалавек.

Па Леніна, Пуліхава, Смаленскай на Партызанскі праспект сцякаюцца ручаінкі людзей, перадаюць карэспандэнты @nashaniva.

У Брэсце пачынаюць з’яўляцца ланцугі салідарнасці.

Крыніца: t.me/binklbinkl

З’яўляецца інфармацыя аб праблемах і з хатнім інтэрнэтам. Калі вы сутыкнуліся з імі, паведамце ў наш чат-бот @nashanivabot

А вось і першае відэа з Партызанскага праспекта. У калоне дэманстрантаў ужо некалькі тысяч чалавек, перадаюць нашы карэспандэнты. @nashaniva

Калона пратэстоўцаў заняла праезную частку ля МотаВелаЗавода і скандуе «Забастоўка». Наперад на вуліцы Куляшова сілавікоў столькі, што нібы яны сабраліся на парад. Колькасць дэманстрантаў рэпарцёры @nashaniva ацэньваюць у дзясяткі тысяч чалавек.

Па Свярдлова ў бок Партызанскага праспекту няспынна рухаюцца групы людзей. Рух па праспекце перакрыты ад самага пачатку – Чэрвеньскага рынку. На праспекце Незалежнасці ўсе павароты ў бок Партызанскага кантралююць сілавікі, перадаюць карэспандэнты @nashaniva.

Відэа затрыманняў ля станцыі метро "Партызанская". @nashaniva

Мінск. Галава калоны зараз ля крамы «Мотавела», хвост — далёка на вуліцы Леніна. Карэспандэнты @nashaniva ацэньваюць колькасць удзельнікаў у дзясяткі тысяч людзей, дэманстрантаў сапраўды мора.