Ланцуг ля станцыі метро Міхалова. Відэа ад мясцовых жыхароў. @nashaniva

На Прытыцкага 26 гаішнікі дасталі чалавека з прыпаркаванай машыны, белага «Опеля Корса», і затрымалі. — чытач @nashaniva

Ля ўніверсама "Рыга" пратэстоўцы заблакавалі вуліцу Сурганава. Машыны не прапускалі каля 10 хвілін. @nashaniva

Былы пасол Беларусі ў Славакіі Ігар Ляшчэня выступіў з ініцыятывай стварэння грамадскага руху «Я — грамадзянін». Нагадаем, у жніўні амбасадар падтрымаў мірных пратэстуючых, пасля чаго падаў у адстаўку.

«Падзеі, якія адбыліся пасля 9 жніўня, канчаткова змянілі нашу краіну.
Стаўленне да чалавечай годнасці, рэалізацыі грамадзянскіх і палітычных правоў, а таксама да захавання законаў стала водападзелам паміж уладай і большасцю жыхароў Беларусі. Намеціўся і паглыбляецца раскол у грамадстве. Што рабіць далей?» — пытаецца Ляшчэня ў запісаным відэазвароце.

Таксіст ў Мінску ўпусціў дэманстранта да сябе ў машыну і на велізарнай хуткасці звёз яго з-пад носа сілавікоў.

Відэа: @euroradio

Ох і цвёрда жанчыны ў Мінску размаўляюць з сілавікамі. "Ад 12 гадзін сённяшняга дня яго загады незаконныя!" Відэа @tutby_official

Рог Несцерава-Герасіменкі ў Мінску (Заводскі раён) заблакаваны людзьмі і аўтамабілямі. Фота чытача @nashaniva

Пратэстуючыя аўтамабілісты зноў цалкам запоўнілі 10-палосную вуліцу Прытыцкага ў Мінску. Поўны затор, людзі павыходзілі з машын і абмяркоўваюць «інаўгурацыю», абапал ходзяць стыхійныя групы дэманстрантаў. @nashaniva

Хто быў сведкам выбухаў між Нёманскай і Каменнай Горкай, у Серабранцы пішыце, шліце фота, відэа ў @NashaNivaBot

Сілавікі высадзіліся ў Серабранцы, Мінск. Карэспандэнт @nashaniva паведамляе пра выбухі.

10 бусаў з сілавікамі зноў прыбылі ў Малінаўку, Мінск. Чытач @nashaniva паведамляе пра атаку на дэманстрантаў. Жыхары Малінаўкі скандуюць "Ганьба" і "Жыве Беларусь!"

Пушкінская — тут шмат сілавікоў. Адбываюцца адзінкавыя затрыманні. @nashaniva

Аўтамабілісты пратэстуюць супраць калоны сілавікоў у Серабранцы. @nashaniva

Экіпаж ДАІ гоніцца па ходніках праспекта Дзяржынскага за матацыклістам. Відэа @radiosvaboda

ЗША, Канада, Украіна следам за Германіяй, Польшчай, Літвой, Латвіяй, Эстоніяй, Славаччынай заявілі пра непрызнанне Аляксандра Лукашэнкі прэзідэнтам. Заходнія дыпламаты масава ўжываюць слова "інаўгурацыя" ў двукоссях і іранізуюць наконт засакрэчанасці яе часу правядзення. @nashaniva

Кіраўнік МЗС Канады Франсуа Філіп Шампань лічыць, што Лукашэнку не хапае легітымнасці.

«Канада асуджае неанансаваную інаўгурацыю Лукашэнкі пасля сфальсіфікаваных выбараў. Яму не хапае легітымнасці дэмакратычна абранага лідара.

Канада заклікае да свабодных і справядлівых выбараў для народу Беларусі. Мы ўзгадняем з міжнароднымі партнёрамі адпаведны адказ».

На Спартыўнай стаіць затор у пару соцень метраў. Людзі павыходзілі з машын. @nashaniva