Калі ў вашым горадзе сёння былі пратэсты, маршы, канцэрты, а мы пра гэта яшчэ не напісалі, то дасылайце інфармацыю ў наш чат-бот @NashaNivaBot. Прыкладайце фота і відэа, калі маеце.

Цяжкая тэхніка з'ехала і ад Палаца незалежнасці. Відэа чытача @nashaniva

У Мінск вярнуўся мабільны інтэрнэт. Ура!

У спісе затрыманых «Вясны» па краіне за сёння ўжо больш за 196 прозвішчаў. Ён працягвае абнаўляцца.

Спіс на беларускай:👉https://spring96.org/be/news/99604
Спіс на рускай:👉https://spring96.org/ru/news/99605
(Калі спасылкі не адчыняюцца, выкарыстоўвайце vpn).

У выпадку затрымання вашых блізкіх, паведамляйце на @ViasnaSOS, @SOSviasna ці праз тэлеграм-бот @viasna_bot (у дадатковай інфармацыі пазначайце дату затрымання, калі гэта адбылося НЕ сёння).

Паглядзіце, як жорстка затрымлівалі людзей ля ГЦ "Маскоўска-Венскі". @nashaniva

А гэта калона пратэстоўцаў на Ціміразева з дрона. Відэа: TUT.BY

Асноўнае за сёння.

У Мінску больш за 100 тысяч дэманстрантаў сёння зноў прайшлі праз увесь цэнтр горада. Як і ў мінулую нядзелю, лукашэнкаўцы затрымлівалі пратэстуючых на этапе збору і разыходжання. Колькасць затрыманых стане вядомая пазней.

У Брэсце міліцыя ўжыла супраць дэманстрантаў газ і страляла ў паветра.

Масавыя акцыі пратэсту адбыліся ў Магілёве, Гродне, Віцебску, Гомелі, Жодзіне, Лідзе, Ваўкавыску, Навагрудку, Смаргоні.

Агульная колькасць затрыманых у Беларусі за час пратэстаў перавысіла 11 800 чалавек, што складае 0,12% ад насельніцтва краіны. Гэта больш, чым было інтэрнавана ў Польшчы часоў "Салідарнасці". Там за перыяд ваеннага становішча было інтэрнавана 10 123 чалавекі.

У Гродне сярод затрыманых была цяжарная жанчына.

Павел Латушка паведаміў, што рыхтуецца чыстка дыпкорпуса і Міністэрства замежных спраў. Маюць быць звольненыя яшчэ 30 дыпламатаў.

@nashaniva

ПЦ Вясна ўжо вядомыя 236 прозвішчаў затрыманых сёння на акцыях па ўсёй Беларусі. Гэты спіс пастаянна абнаўляецца.

Спіс тут: https://spring96.org/be/news/99604