Людзі прынеслі "падарункі": цацачныя аўтазакі і верталёты, тапкі, шарыкі з надпісамі, плакаты, кветкі, — усё гэта склалі на асфальце.

Раней ля агароджы каля Палаца пакінулі чорную труну, на якой ляжалі кветкі. Людзі таксама прынеслі вялікага кардоннага таракана.

Сілавікі працягваюць аб'яўляць аб незаконным масавым мерапрыемстве і кажуць, каб людзі ішлі дадому з-за "магчымых неспрыяльных з'яў у выглядзе дажджу".

Людзі запалілі ліхтарыкі, крычаць “Задувай!”. @nashaniva

Адзін з папулярных атрыбутаў на сённяшніх маршах у розных гарадах краіны — пахавальныя вянкі. @nashaniva

"Сам ты крыса!" — самая папулярная крычалка сёння. @nashaniva

Людзі сыходзяць ад Палаца Незалежнасці, скандуючы “Мы яшчэ вернемся!”

Гарадзенцы дайшлі да будынка псіханеўралагічнага дыспансера на вуліцы Шчорса. Яны прастаялі тут каля 20 хвілін, скандуючы «Забярыце Сашу». @nashaniva

Плот Палаца Незалежнасці ператварыўся ў палітычны мемарыял: людзі ставілі на яго пахавальныя вянкі і абразлівыя віншаванні з днём нараджэння. @nashaniva

Наведнікі "Галерэі" перыядычна спантанна скандуюць "Жыве Беларусь!", усе падхопліваюць. @nashaniva