Калона з рабочымі МАЗа дайшла да метро "Партызанская". Ідуць пад дажджом, слухаюць "Разбуры муры". @nashaniva

Людзі сабраліся ля метро "Усход". @nashaniva

Яшчэ адна калона рухаецца па Кальварыйскай уздоўж Каскада. Фота чытача @nashaniva

Калона, у якой шмат рабочых МАЗа і МТЗ, дайшла да канца Партызанскага праспекта. Рухаюцца ў цэнтр. @nashaniva

Каля Парка Чалюскінцаў таксама шматлюдна. @nashaniva

А вось такая калона ідзе ў Мінску па Дзяржынскага. @nashaniva

Праход на плошчу Незалежнасці перакрыты. Каля гатэля “Мінск” збіраецца натоўп. @nashaniva

Карэспандэнт @nashaniva паведамляе, што ў раёне плошчы Незалежнасці пачаўся "хапун".

Сілавікі зачысцілі тратуар перад гатэлем "Мінск". Тут знаходзяцца 6 аўтазакаў. Людзі скандуюць "Ганьба!" і "Лукашэнку ў аўтазак". Таксама паведамляецца, што закрылі станцыі метро ў цэнтры горада. @nashaniva

На ўваход і выхад закрытыя станцыі метро "Плошча Леніна", "Кастрычніцкая", "Купалаўская" і "Плошча Перамогі".

Цягнікі на гэтых станцыях ідуць без прыпынкаў. У метрапалітэне тлумачаць мерамі бяспекі.

Вось такія аўтазакі з дзяржаўнай сімволікай зараз ездзяць па праспекце. Людзі скандуюць "Ганьба!", "Жыве Беларусь!", "Лукашэнку ў аўтазак". @nashaniva

Насупраць КДБ стаіць аўтобус без нумароў, які адвозіў затрыманых. У яго пабітае шкло, паведамляюць карэспандэнты @nashaniva.

Людзі на праспекце сышлі з праезнай часткі, ідуць у бок Кастрычніцкай.

У раёне Інстытута культуры ездзяць мабільныя групы з некалькіх сілавікоў. Просяць людзей па-беларуску не збірацца і не парушаць закон.

Дзясяткі тысяч людзей на праспекце Незалежнасці. @nashaniva