БелТА таксама заўважыла пратэсты ў Мінску. Толькі карцінку падабралі такую, каб не надта ўражвала. Ну і зусім не зразумела, марш салідарнасці каго з кім?

Пинск тоже требует изменений. Там растянули бело-красно-белый флаг в 109 метров.

Tut.by таксама ацэньвае аднамомантавую колькасць удзельнікаў акцыі на стэле ў 200 тысяч чалавек. Але калі ўлічыць, хто прыходзіў і сыходзіў, атрымліваецца нашмат больш

Стэлу «Горад-герой Мінск» абгарнулі ў агромністы бел-чырвона-белы сцяг. Яшчэ адзін сцяг усталявалі зверху

Карэспандэнт @nashaniva пайшоў ад стэлы ў бок праспекта Незалежнасці і тэлефануе ў шоку: дзясяткі тысяч чалавек гуляюць са сцягамі ўздоўж усіх суседніх вуліц

Вот так выглядела акция протеста в Минске у Стелы примерно в 16.00 с высоты.

Уражвае арганізаванасць дэманстрантаў — людзі самі рэгулююць рух, каб прапусціць машыны, самі прыбіраюць бутэлькі і смецце, самі прывозяць ваду да стэлы — @nashaniva

Мітынгуе сёння не толькі Мінск. Паглядзіце, колькі людзей сабралася ў Маладзечне.

Дэманстранты занялі тратуары праспектаў Пераможцаў, Машэрава, Незалежнасці ў іх цэнтральнай частцы, вуліц Няміга, Мельнікайце, Багдановіча, Старажоўскай. Адны ідуць ад Стэлы, другія -- толькі да яе. Вуліцы запоўненыя сігналячымі машынамі. У той жа час добрая сотня тысяч яшчэ стаіць каля Стэлы Цяжка ацаніць агульную колькасць дэманстрантаў на вуліцах Мінска ў гэты момант. Гэта недзе каля 400 тысяч. @nashaniva

А гэта фрагмент сённяшняга выступлення Лукашэнкі на Плошчы Незалежнасці. @nashaniva

"ВДВ з народам", — крычаць хлопцы ў блакітных берэтах. @nashaniva

Людзі ідуць па праезнай частцы на Нямізе ў бок праспекта Незалежнасці.

Станцыя метро Кастрычніцкая, людзі гукаюць "Жыве Беларусь!" @nashaniva

Дэманстранты выйшлі на праезную частку праспектаў Незалежнасці, Пераможцаў, Нямігі, тратуары Леніна, Раманаўскай Слабады, Гарадскога Вала, Мельнікайце, праспекта Машэрава. Ідуць да плошчы Незалежнасці. @nashaniva

Каля КДБ і МУС скандуюць Выпускай і Сашу ў аўтазак.

Жыхары цэнтра, мясцовыя крамы і кавярні выставілі на скрыжаваннях вуліц упакоўкі вады і пакеты з хлебам, бананамі для дэманстрантаў.