نهدي السورة المباركة الفاتحة مسبوقة بالصلوات لمولاتي الزهراء عليها السلام على نية حفظ المجاهدين ونصرتهم🤲

على العهد باقون❤️
الحلقة 7

منذكركن مرتضى ومصطفى ولاد خالتهن لجهاد وعلي

مرتضى: ولك مصطفى قوم قوم ( طرقو بالئيد تبع لبليشتيشين )
-  اخخخخخخخخخخ راسييي الله لا يوفقكك
- لك مصطفى عم يطلع الدم من راسك
- لعما بعيون بليس شو ها😖
-  حاج تنعي كلها نقطة المهم عفوا عالضربة  بتعرف انو  ومن الحب ما فضغ
المهم تعا نروح نتقهون عند علي وجهاد
- يتقهون والساعة 6 صاير متل ستي الله يرحمها
- قوم دور سيارتك خلينا نروح
- عم قول ليش اعتذر مني طلع عشان يروح بسيارتي

بعد وصولهم
مرتضى ومصطفى نظرو لفوق  على غرفة جهاد ورجعو تطلعو ببعض وضحكو
مرتضى : هل تفكر فيما افكر
- نعم يا صديقي
مسكو حجار صغيرة وصارو يرموهم على الشباك
جهاد : مين لمزعج من هالصبح
- اتفقو مرتضى ومصطفى مع بعض  وجعلو اصواتهم  مثل صوت الفتيات
- ريبانزل هيا انزلي شعرك الذهبييي هيا يا ريبانزل افتحي النافذة
- قام جهاد من مكانه وفتح النافذة
مصطفى : فاقت ريبانزل واخيرا
- جهاد : نطروني ثانية خليني فرجيكن ريبانزل شو لح تعمل فيكن
اخذ الفرد عن الطاولة ووجهه نحوهم
- مرتضى : روق جايين نعملك صبحية هيك بتستقبلنا
- زعلتوني عليكن بس معلش هلأ بتعملو صبحية عند الله صبحيتك بالجنة احلى
-ههههههههه يا شحاري خوت الصبي
- نزل جهاد الفرد : كنت عم امزح معكن بس تاني مرة اذا بتعيدوها نازل حلقكن بإجريكن وطعميكن فلقة
- ماشي ماشي نزال فتاح بلا كترت حكي
- يا هلا بالشباب
- هلا فيك
- تفضلو تفضلو
- مرتضى : شو وينو خم النوم
- نايم فوق روحو فيقو خليني اعمل ركوت القهوة
- مرتضى : عليييييييييييييييي قووووم ولك
- ياربي دخيلك هيدا منين طلعلي ( وقعد )
- قوم قوم قوم قوم بسرعة ( وكان عم يهزو من كتافو )
- دماغي صار في ايرور   لك سماااااععععععع
- ولي على ٱمتك يا فوزيةةة زمعتني الله لا يوفقك شو هالصوت
- رجيتني يازلمي
- اي قوم قوم خلينا نتقهون بلا دلع
- وهو نازل عن الدرج مسكو من دينتيه شو قلتلي دلع مش هيك ( وشدو فيهن لفوق )
- ااااخخخخخ لك تركنيييي
- بتعتذر بتركك
- مش لح اعتذر تركنيييي
- لأ
- وعبرو ببعض كان بعد في كم درجة ليوصلو وتدحكلو  وكان جهاد طالع من المطبخ  وفرط من الضحك
علي :اخخخ اجريي 😣
- مرتضى : ياعيني صرت متل ابو نجيب 😂

اجا مصطفى
- شو بكن صواتكن طالعة
جهاد: هيهيههييي راح عليك مشهد من مسلسل هندي
- شوفي
- جهاد: كان علي ماسك مرتضى بدينتيه وعم يتقاتلو قام وقعو عن الدرج
- لو مصورن لنعلق عليهن شوي

بعد ما قعدو مسك مصطفى فنجان القهوة
اخذ شفة من الفنجان وبزقها بوج جهاد يلي كان قاعد مقبالو
مرتضى : تفووووو شو هاااا تفل هاي مش قهوة
- تذوقها علي
لك اي والله كم ملقعة حاطط
-مابعرف بلاقي امي بتحط بهالملاعق بس غريبة مرة عملت قهوة طلعت طيبة ليش هلأ لا
- علي : لانك هاي المرة مخلص علبة القهوة بالركوة
- مرتضى : ذكرني بزكية هاي لعزم البرغوت
-😂😂😂


ريحانة الحوراء📝

على العهد باقون ❤️
الحلقة 8

بعد فترة من الزمن

فاطمة : سلام كيفك
- ريم : هلا وعليكم السلام
- ليكي شو رأيك تجي لعندي  قاعدين انا وملك  عالمرجة والجو حلو
- ياي يلا لح شوف خيي علي اذا بوديني
-تمام

ريم: علي
- نعم
- توديني على بيت أبو علاء عزمتني فاطمة وملك عندها
- تكرم عينك انتي بتأمري امر
- الله يكرمك
؛هنن طالعين
- جهاد : لوين متسهلين
- بدي وديها لعند رفيقتها
-  خدوني معكن زهقان
- روح ركاب
وصلو
علاء : حولو يا شباب ( علاء اخو فاطمة
- علي : عشتو 
- لك حولو والله ما بصير بزعل منكن مش ظابطة ولو
- طيب

نزلو الشباب قعدو بالجنينة  والبنات نزلو عالحقل 
- ريم:  ما اجمل هالجو 
حوراء : أي والله
جابت فاطمة بطاطا واشيا ليتسلو فيها وفعدو يسولفو

وهنن قاعدين واذا بيسمعو صوت كلب
- ريم : ولييي بخاف كتير من لكلاب كأنو الصوت قريب كتير
ملك: لهه ابو علي هون وبتفزعي عيب 
-فاطمة: وابو شهاب هون وبدك تفزعي لك اذا اجا بمسك الرشاش وبخردقو
- ملك : ريم نزلي راسككك
- ليش
- في صاروخ جايي
هههههههه
مع الاسف بعد دقائق جاي الكلب وهو عم  يركض الى ناحية البنات
- ملك : لك هيدا كلب بوليسييي قومو نركضض بسرعة
- ريم : 😭😭😭😭
سمع الشباب الصوت وذهبوا ليرو ماذا هناك
علاء : لك شو في
- ريم : وهي تلتقت انفاسها كلبببب كاربنا.
علاء اخذ الموضوع بجدية وطيلع الفرد واطلق عليه النار
اما جهاد وعلي فقعدو يضحكو عليهن
علي: ملك انتي عاملة حالك زلمي عالفاضي
- سكوت وما تدخل اصلا لو كنتو مطرحنا كنتو متو
فاطمة : اي عملو معروف ما تضحكو علينا
- جهاد: خلص معش نضحك
علي :بينه وبين نفسه ( رجعت غلطت يا علي ماكان لازم تحكي معها اصلا ..اخخخ منك شو عم يصير معك طول عمرك بتكره تحكي مع البنات اصلا لازم تكرهها ما تنسى انو كانت عم تضحك مع واحد ... بس ان بعد الظن اثم اخ يراسيييي احلى شي استغفر ووقف حكي مع حالي )

ريحانة الحوراء 📝

على العهد باقون ❤️
الحلقة 9
راحت الايام واجت الايام وجاء شهر رمضان شهر الله
مرتضى : يا شباب نحنا لازم نغير حالنا وندعي كتير للامام المهدي بهيدا الشهر بركي الله بيطلع فينا وبيرزقنا الشهادة
بس لازم نشتغل على حالنا كتير
الشباب: أي والله
علي : ولازم نزكي انفسنا ونعتذر من بعض
مرتضى : على أتر هالسالفة  سامحوني كلكن يا شباب وان شاء الله منفرح فيكن هاي السنة وان شاء الله بتفرحو فيني فرحة غير
- جهاد: شو يا ست الحسن   بدك تتزوجي من الحور العين وتزوجينا من هون
- هيك شي 😄
علي - كلنا لح نروح سوا ان شاء الله
- مرتضى : انا برأيي اسبقكن ولحقوني
هلأ عنجد بعيدا عن المزح حاسس حالي مش مطول فا سامحونا واذا كنت مستغيب حدا بتمنى يسامحني
- مصطفى : هيدا الاحساس كلنا منحس في احيانا يعني مش تعتبر حالك لح تروح
جهاد: اي تؤبرني لانو اصلا هلأ عم يروح شهدا كتير فا احساس طبيعي لواحد بحب الشهادة
- مرتضى: واي مصطفى خيي سامحني لاني ضربتك بئيد لبليستيشن
- مصطفى :😂😅 عادي ما صار شي
- جهاد: ولا منك مشراني كيف بدك تستشهد  عم امزح عم امزح
علي : اي ياشباب اذا ما تغيرنا هيدا الشهر فنحنا خسرانين واول شي لازم نصير نشيل من معاشنا ونجيب في اكل ونوزع او بقول لاختي ريم تصير تطبخلنا
جهاد: اي والله منصير نوزع للفقرا
- مصطفى : بس اكيد  بلا ما حدا يعرف

بدأو بمشروعهم طيلة الشهر صار البنات يطبخوا والصبيان يوزعو  من دون علم حدا وعلاء انضم لشلة الصبيان ونقل شغلوا لعندهم

في ليلة القدر  كان ابطالنا مجتمعين ( الشباب مع بعض والبنات مع بعض ) واحيو هذه الليلة وكل واحد لديه امنية


مضت ايام هذا الشهر الفضيل وجاء العيد
جهاد: ولا علي قوم لقلك
-ليش خليني نايم
- لك قووم عنا شغل مهم
- شو هوي
- لباس وسبقني عسيارتي

- اي يا سيد وبعدين
- جهاد : هي هييي القصة فهمت عليي
- والله حلوة
( ومشو بالسيارة )
عند مصطفى ومرتضى 
طلع صوت انفجار
قام مصطفى مرعوب ولك مرتضى شو هالصوت
- والله ما بعرف معقولة ضربت اسرائيل
- خليني اتشهد احسن شي
بهذه اللحظات طلع راس جهاد من شباك الغرفة وهو وجهو احمر من الضحك
هاهاهاهاهاهاااااا ابلعوووووووووو
- مصطفى :  ما تقولها.
-  لا ولا شي بس بعدني متأثر بريبانزل وقررت ردها
- مرتضى : حامل بقلبك علينا
- لك له يا زلمييي عم نمزح كلها فرقيعة
- بس كأنو صوتها متل صوت الانفجار
- اي يحبيبي روحت معاشي عليها



اما عند البنات فكان الوضع رايق  وعند الابطال علي وملك بطلو يتقاتلو   لانو قرر علي ما يتدخل ابدا فيها وكذلك ملك


ريحانة الحوراء📝

على العهد باقون❤️
الحلقة 10
~
دخلت  فاطمة الثالث ثانوي وملك ثاني سنة جامعة و ريم اول سنة جامعة بنفس الجامعة هي وملك

ريم: كيف بدها تجي فاطمة
- هلأ بتهرب متل هيديك السنة كانت عطول تجي لعندي
- ايي
السلااام عليكم يخوان شخباركم
- ملك: شو شايفتينا النا ذقن لتقولي اخوان
- فاطمة : لك عم نتمسخر المهم ليوم شو بدنا نعمل مغامرة
- ريم : بدنا نروق
- ملك : بوافقها الرأي

عندما انتهى الدوام اتصلت فاطمة بعلاء لكي يأخذها وبينما كانو خارجين من الجامعة وصل علاء ورأى ريم ( كان معجب بها ) وحينها قرر ان يسأل اخته اذا كانت مرتبطة
عندما ركبت السيارة
- علاء : فاطمة هلأ رفيقتك مرتبطة او بتحب حدا
-لا ليش
- ولا شي
ليكون يلي ببالي 😁
-😁😁

في المقر كان باين على علاء مهموم
- مرتضى : في شي اعتبرني خيك
- والنعم منك اصلا كلكن بعتبركن اخواني واعز ومن وقت تعرفت عليكن صارت حياتي احلى بألف مرة
- هلأ هيدا الحكي ما بفيدني بدق تقلي ولا لا  لانو ان شاء الله يكون يلي ببالي😄
- وشو ببالك
- حاببلك شي وحدة
- اي والله ومستحي اخطبها
- مين هي
- اختو لعلي ولجهاد
-😀عنجد
- اي والله
- يعني بنت خالتيي لك تركها عليي قوم معي
- لوين
-ماعليك ....
وقف قدامهم
ياشباب لك علاء حابب وحدة وبدو يخطب بس مستحي
- علاء : الله لا يوفقكككك جرصتنييييي🤓
- الشباب : يعني لح نفرح عن قريب
- علي : مين ست الحسن
مرتضى :ياعيني عليك سؤال ذكي .. اختك ريم
علي وجهاد:🙂🫣
جهاد:  عنجد عم تحكي
- علاء : والله كنت بدي قلكن ياها بشكل احسن بس مرتضى ما عطاني فرصة
- مرتضى : سكوت لو ماني قايل كنت ضليت اعزب كل حياتك
علاء : لك عطينا عجونا يا زلمي بس لا عنجد كنت لح قول عشوي

المهم انا بدي اطلب ايد اختكن على سنة الله ورسولو واصلن انا شفتها شي ثلاث مرات بس انعجبت بلباسها الزينبي واخلاقها
- علي : نحنا منتشرف بشب متلك يكون خطيب اختي بس بدنا ناخد رأي الاهل ورأيها
( اخدو رأي الاهل ووافقو وضل ريم )
علي : ريم فيني فوت
ريم : تفضل
- بدي اسالك سؤال من الٱخر
- اي قلي
- اذا تقدملك شب بالحزب ومحترم والكل بيشهد بأخلاقو بتقبلي
- ريم : يعني ما بعرف 
- طيب في رفيقي علاء طلب ايدك

عندها احمر وجهها فهي كانت تخفي مشاعرها تجاه علاء وحتى فاطمة وملك ما قالتلهم كان بس الله  الامام المهدي بيعرفو ووافقت عليه

ريحانة الحوراء 📝

يتبع..

600?!🌷

على العهد باقون❤️
الحلقة 11


حدد علاء وريم تاريخ الخطبة وبدأو بالتجهيزات
لقد كانت ريم كالملاك بعبائتها البيضاء
بالتأكيد ملك وفاطمة بقو بجانبها طول الوقت واعتنو بها وبدات المراسم

دخل العريس وانشغلت ريم بخطيبها فخرجت ملك وفاطمة لكي يتنفسو قليلا بسبب كثرة الناس ولكن مع لاسف كان بعض الشباب بالخارج لكن لم ينتبهن وكان من ضمن الشباب علي وجهاد
نظر جهاد ورٱهما
يا علي ليك هودي مش فاطمة وملك
- اي والله شو مطيلعهن لبرا
- تروح تقلهن يفوتو
- لا حل عني  هلأ ملك بتمسكلي ريقي ساعتين ومنتقاتل
- خلص لكن منروح مع بعض
- اوك
- جهاد : احم احم
فاطمة : شو جابكن لهون
- جهاد : جايين نقلكن انو في شباب - علي :والاحسن تفوتو لجوا لانو عيب مش ظابطة لابسين عبايات وفي شباب هون
ملك : طيب مشكور خيي
تعي فطومة خلينا نفوت
- انقهر علي من كلمة فاطمة( خيي)  ولكن لم يعرف لماذا

عاد علي وجهاد الى المجموعة
👨‍🦱 : ليك علي هيدي لحكت معك مين هي
- ليش عم تسأل
- لا ولا شي بس انعجبت فيها اذا بتعرف كيف فيني اوصلها
علي : هيدي خطيبة خيي جهاد احترم حالك
- جهاد😨
- 👨‍🦱: اوو عفوااا بعتذر لو عارف ما كنت نوووو قلتلك
- جهاد : لا عادي
اخذ جهاد علي على جنب
- شو صاير معككك ليش قلت هيك
- لك اصلا انتا مفضوح روح اخطبها يا زلمي وخلصني  بعدين لو مش قايل هيك كان الولد هلأ بالمستشفى
- اولتك هيك
- اي هيك ونص
- وانتا ايتم بدك تخطب ملك
-😳😳😳شووووو
- اي يحبيبي انتا مفضوح اكتر مني 😁
- سكر عالموضوع
- ههه ان شاء  الله يا حب من اول علبة حلو
- بتصدق عنجد ان الله اذا احب عبدا ابتلاه الحمدلله
- شو قصدككك
- سلامتك حبيبي




ريحانة الحوراء 📝

على العهد باقون
الحلقة 12

في المقر مرتضى كاشف العشقانين نط على جهاد
- كأنو صاير تصفن كتير مين هيي تعيسة الحظ
- نظر الشباب له
مصطفى : الله يعينها😂😂
علاء : نيال قلبها جهاد مافي منو
علي : اي والله وخاصة اذا كانت اختك
علاء : هااا
جهاد😳
روق يا زلمييي مش هيك كنا بدنا نروح عالبيت
مصطفى : انا حاسس حيصير هالمقر متل باب الحارة سوالف نسوان وخطابات
ومرتضى : شو قصدك
-شو قصدي عامل ام زكي وبيسأل  مرتضى وجهاد عبرو ضرب بمصطفى

علاء : اي خيي جهاد هلأ منتشاور ومنردلك خبر
- ان شاء الله
اخبر علاء اخته بالموضوع
- طيب بردلك خبر بعدين



فاطمة : الوووووو ملك هلأ بتجي لعنديي
- شوفي
- تعي بسرعة
- وصلت ملك واخبرتها فاطمة بالموضوع
- يااااي كيوووتتت اصلا قلتلك بيلبقلك واصلا انتي بتحبي من زمانننن وكنت بعرف بلا ما تقولي واصلا ما بيتفوت اذا ما بتقبلي بتكوني خسرانة وخاصة انو الكل بيعرف انو شب محترم وما في منو تنين وسمعت علاء عم يقول انو متعلق بجهاد مغنية فا انتي ويا اكيد نفس الشي
- اولتك هيك
- لك ايييي


في منزل ملك
ملك : مين عم يدق الباب زينب قومي فتحي
- ليش انتي شو ناقصك مش شايفتيني عم عد مصرياتي
- حسن: ان شاء الله بتضيعيهن
تركت ملك اخواتها عم يحكو وراحت فتحت لباب
- عبااااس 😭😭😭😭 مش عم صدقق ايتم جيت
- عباس : جايي زيارة حتى سلم عليكن ( عباس بكون خالها هيدا لكانت عم تضحك معو بالدكانة وعلاقتو بملك كتير قوية وعمره 23 شغلو  بأيران وبيجي فترات على لبنان )

علاء : السلام عليكم كيفك زمان عنك وين هالغيبة
- عباس : والله ٱخد اجازة
علاء : ايي لكن ليك  بدي عرفك على رفقاتي الليلة بدنا نروح نسهر معهن جهز حالك
- تمام
وصلو لعند علي وجهاد و كانت ملك وفاطمة عند ريم

دخل علاء ومعه عباس سلام ياشباب
بدي عرفكن على عباس رفيق الطفولة والعمر
نظر علي له واحس بنار تشتعل في قلبه ولكن سيطر على نفسه
علي : اهلا وسهلا نورتنا تفضل
جهاد : يا مليار اهلا وسهلااااا تفضلو

عند البنات
انجرحت يد ملك
ملك : بدي روح غسل ايديي
- ريم :اي  روحي عالمطبخ  مافي حدا

في هذه الاثناء كان علي وعباس يتمشون في الحديقة المطلة على المطبخ ( قرر علي ان يتعرف على عباس ويتقرب منه حتى يعرف ما علاقته بملك )
وبينما كانت ملك تغسل يديها شاهدت عباس وعلي
ملك : عبااس
- وليي يا مقوصة شو جابك لهون
- نطرني شوي خليني اطلع لعندك
...
سلمت عليه
( وكان علي ينظر ووجهه احمر من الغيرة )
عباس: الله يخليلي ياكي يا ملوكةة
يعني هلأ انتي وفاطمة تعرفتو على اختو لعلي وصرتو  رفقا
- ايي  المهم بتصدق من وقت سافرت على ايران حسيت حياتي فاضية بدي اعمل مغامرات محرزة
( ملك تربت مع عباس لذلك  كانت مثل الصبيان ولكن الٱن بعد ان اصبح لديها اصدقاء بنات تخلت عن تصرفاتها الصبيانية )
- عباس : شو رايك عبكرا. نروح عمدينة الملاهي
ليك علي شو رأيك تروح معنا انتا والشباب ومناخد ريم وفاطمة بيقعدو مع جهاد و علاء بما انو خاطبين  )
علي : لا بلا ما نزعجكم روحو لحالكن يا عصافير الحب
- صمت عباس ...وملك كادت ان تفضح نفسها بضحكنتها  هي  صح مسكت حالها بس من جوا فارطة ضحك 
ملك : ولك هيدا خالي قال عصافير حب استغفر الله
عباس : 🤣🤣🤣الله يسامحك بس لا كان لازم نحنا نوضحلك حرام مفكرنا عصافير حب ونحنا وينا وين الحب اصلا  انا وملك كل همنا عصافير كرشنا صح ملوكة
ملك : مية بالمية يا خالي
(واخيرا بطلنا ضحك وراح الهم يلي عم يعاني بسببو من اول  قصتنا وصار في يفتح قلبو ويخطب ملاكنا )
🌼
ولكن هل ستوافق ملك على هذه الخطبة ام يكون لها رأي ثاني ؟

ريحانة الحوراء 📝

على العهد باقون❤️
الحلقة 13


ذهب ابطالنا الى  مدينة الملاهي
وكان علي فرحته لا توصف والكل لاحظ عليه واكيد كاشف العشقانين  لازم يتدخل
-مرتضى : تعا تعا لهون
علي : خير يا طير
- بتعرف شو حاسس
-شو يا حسيسي
- حاسس انو لح اخطبلك هون مش بالمقر لانك سبيشيل يا تؤبرني بتعرف انتا اكتر واحد بحسك قريب مني من بين رفقاتي انت الصديق الصدوق وانا الكل بيوثق فيني وبخبي الاسرار سرك ببير طيلعلي لبقلبك
- علي : اي متل ما فضحت غيري بتفضحنيي بس اخخ ايتم بدي افضحك انا
- ههه ما حدا بيطلعلو معي
اييي مين لخلتك تنقلب واحد تاني
- ملك
- هاي لبتقرب عباس
- عباس خالها
- اممم
عباااااااااس
( علي سكر فم مرتضى
سكوووت يا فضيحةةة كنت حاسس لح تقول بس من هون يعني في بينك وبينو مسافة هيك العالم كلها رح تعرف
- ما بأسر اصلا خير البر عاجله تركني خليني روح قلو
- شو دخل خير البر عاجله يا زلميي  لح يفضحني قدام امة محمد عشان خير البر عاجله 🥲


- مرتضى : اي خيي عباس بدنا نحط الخبزات عالجبنات بدنا نطلب ايد هالشب الحلو ولمؤدب ليك ليك وجهو شو رجالي ما شاء الله بدنا نخطبو لبنت اختك لمحترمة وعمول معروف  عجلنا بالموضوع عشان حابب ٱكل كاتو واكسترا جاي عبالي كتير

مصطفى : 🤣🤣🤣خيي عامل خطابة بس مش عيب عليك بتخطب للعالم  واخوك مخلي اعزب
- والله اذا خيي مش عم يحب انا شو ذنبي بعدين تعا لقلك انا لحالي لسا ما خطبت🤓

عندما عادو
تكلم عباس مع فاطمة لتقول لملك عشان ما يحرجها واكيد  فاطمة تزانخت عليها وقالتلها متل ما خليتيني اقبل بدك تقبلي غصب عنك

- ملك : بس انا بكرهو وما بدي
- متأكدة بتكرهي ؟
- أيييي بكرهووو متكبر اصلا يمكن بدو يخطبني لينتقم مني ويعذبني ويشنططني بحياتي ويطلقني
- هههه شو هالسيناريو له يا اختي والله علي مافي منو اكيد كنتي تحضري مسلسلات هندية
- لا و انا مش لح اقبل

ترى هل ستغير ملك رأيها ام ستبقى على قرارها ؟

ريحانة الحوراء📝

على العهد باقون ❤️
الحلقة 14


فاطمة لم تعطي عباس كلمة
فاطمة : الا ما تغير رأيها انا متأكدة


بالليل عند ملك :ياريي تبينلي الصح ياصاحب الزمان ادركني فأنا في حيرة من امري ارجوك لا تتركني فأنا بحاجة اليك ليش من وقت رفضتو متضايقةةة طيب حتى لو بدي غير رأيي هلأ ماعاد لحق بكون عرف 😭 اخخخ

بعد مدة وبعد ان سافر عباس الى ايران

مصطفى : ياشباب تعو نطلع شي طلعة
- أي والله
- علاء : شو رأيكن ناخد معنا ريم
جهاد : ومناخد فاطمة وملك عشان علي
- مرتضى : اي يحبيبي وانا ومصطفى ضيوف الشرف او المشاهدين ما حزرتو بس يلا عشان خيي علي
- مشكور او قلكم خلينا نحكي مع أبائنا ونطيلع لكل حرام خليهن ينبسطو شوي
- أي والله
مصطفى : بس لوين بدنا نروح
علي : تعو نروح عهاي لمنطقة ( فرجاهم صورة عن الانترنت )
فيها شجر ونهر ومناظر بتجنن وبتناسب العيل
-الشباب : ياعينيي اي والله



كوثر : سلام كيفك يا حلوة
فاطمة: هلا ببنت خالتي هلا كيفك لك زمان عنك والله مشتاقين كتير
- نحنا بالاكتر  تعي قعدي
- تعي انتي ليكي رايحين مشوار حلو شو رأيك تروحي معنا العيلة كلها رايحة
- اي ليش لا
- جهزي حالك لكن

وصلو الى لمنتزه
وكانت زهراء اخت ملك معهم ( هاي لمتزوجة وعندها ولد اسمو كرار  )
وبينما هم جالسون والضحكات تتعالى
بدءو بشوي اللحم وفرم البقدونس ( للتبولة )
كوثر : علي عمول معروف فيك تنزل صياخ اللحمة.
ملك 😒 هاي شو جابها
كوثر : ملك حبيبتي تعي ساعديني بفرم اللحمة
كوثر هي بطبيعتها هيك همشرية وبتنظم بس انسانة طيبة القلب ومحترمة

كانت  زهراء اخت ملك عم تساعدهن وما انتبهت لابنها يلي راح من حدها
اقترب من جانب النهر 
في هذه الاثناء انتبهت كوثر
- لح يوقعع الولدددد
-ووقع في نفس اللحظة
زهراء كاد يغمى عليها
وبينما الجميع مرتبك ركض علي ودخل في الماء وانقذ الطفل الذي كاد ان يأخذه النهر ولكن رحمة الله شأت ان يخرج  وبصعوبة خرج علي من الماء لانه لا يعرف السباحة كثيرا

عندها كبر في عين ملك وكانت تأكل اصابعها ندم لانها  رفضته عدا عن انها غارت من كوثر لانها تكلمت معه (قالتلو

عندها قررت ملك ان تتسامع منه فقالت لأخته ان تقول له ان يسامحها لانها اسأت الظن به

وهنا جاء دور فاطمة
شو ياست ملك بعدك معندة وما بدك يا
عنجد انك هبلة والله انو انسان مافي متلو لك انا سألت خيي علاء عنو بتعرفي انو اكتر واحد ملتزم بيناتهن وبصلي الصلاة على وقتها  وعنجد مش لح تلاقي متلو تنين
- اصلا انا رفضتو مالح اتراجع
- بس هو ما عرف جوابك انا ما رديت خبر لعباس
- كيف
- اي بعرف انك لح تغيري رأيكك وهالمرة مش لح اسالك لح قلو لعباس يقلو خلي يجي ويطلب ايدك لانك بتحبي وما بدي اسمع ولا حرف
- طييب خليني اعمل استخارة
- اذا بتعرفي هيدا الشب محترم وابتحبي مافي داعي للخيرة في عقل تؤبريني بعدين اتكلي على رب العالمين اذا مافي خير بتتكنسل

اقتنعت ملك وبعدها جاء علي لخطبتها وقعدو يتذكرو ايام زمان وقتالاتهن   وضلو متل توم وجيري حتى بعد ما خطبو

وبعد فترة كتبو كتابهن وكانو البنات حدها
فاطمة : ليكي بتنطري الشيخ  يعيد الجملة تبعو مش من اول مرة قبلت
- حبيبتي قولي لحالك هيك انا ثقيلة اصلا يمكن ما قول قبلت
- هيدا لكان ناقص
ريم : يلا يلا بلا كترت حكي روحي بكون ناطرك العريس
دخلت ملك وكانت لابسة عبايتها الزينبية ومن كتر ما هي محرجة تعركشت وكانت حتوقع ( بيني وبينكن علي كان حيفقع ضحكة بس بيعرف اذا ضحك حيبلش النكد فا سكت )
بعد كتب لكتاب

علي : ما تخيلت صير هون بيوم من الايام لا واخطبك
- شو قصدك
- لا ولاشي بس ليكي بدي استسمح منك لاني اسأت الظن فيكي
- والله وانا كمان وبدي قلك شي انو لازم نندر حياتنا لدولة الامام المهدي
- اكيد ومنصير نصلي صلاة الليل ونهدي ثوابها لتعجيل الفرج وكل سنة منجمع مثاري ومنروح انا وياكي عالاربعين وفي رفيقي كل سنة بيعمل موكب وبوزع عالعاشر منروح منساعدو
- ولازم نربي ولادنا كتير منيح ومن هنن وصغار نحفظهن القرٱن
- اكيد
واكملو حديثهم ....



ريحانة الحوراء 📝

على العهد باقون ❤️
الحلقة 15

اكيد اشتقتو لمرتضى وتحليلاتو واكتشافاتو الظاهر كان يحضر المحقق كونان

مرتضى : بعععععععع
مصطفى  : بسم الله زمعتنيييييي
مرتضى : وين صافن يا حلوووو  اخيرا لح اخطب لخيي يا عينييي
- يو يو حبيبي شو تخطب ما تخطب
- شو اسمها
- بعرفش عنها شي
- مين هي
- .....
- اصلا ليش بدي اسألك ما انا لمحقق كونان هلأ اذا قلنا انت من وقت رجعنا من هالطلعة وانت صافن يعني حبيت وحدة من هالبنات يمكن في بس هيديك البنت يلي لابسة شرعي مش مرتبطة
- لعما بستحلي شي مرة يمرق شي من تحت اجريك كل شي بدك تعرفو
- لك انا بحب افرح فيكن ياخيي  وبدي خلي العالم يتزوجو لاخد حسنات
- بس هيك كتير ماخليت مجال لغيرك عم تاخد الحسنات كلها
- ما بأسر هلأ المهم كيف بدنا نوصلها
- يمكن بتقرب فاطمة
- اي
- لكن لنتصل بخيي علاء   وناخد موعد مع اهلها

( الحمد الله تم الموضوع على خير وعملو خطبة والشباب عملولو جو  كتير حلو وبدون اغاني بس انبسطو كتير لانو كل شي برضى الله حلو) واكتر تنين كانو بضحكو مرتضى وجهاد تلو وجوه بعض  كريم لغاتو وتلو العريس
علاء : ضل في علي ومرتضى  ما خطبو وعباس يلا شدو همتكن
والله ذكرتني بعباس اشتقتلو
- عباس : السلااام عليكمم
- الجميع : عباااس كيف جيت
- معقولة خطبة رفيقي وانا  ما احضر
-علاء: ليك هاي ٱخر مرة بتسافر دبر حالك بدك تصير تشتغل معنا  واستقر بلبنان
- الشباب : مية بالمية
- عباس  : ان شاء الله
- علاء : اي شو يا علي قالتلي العصفورة انو بدك تخطب
- عبكرا رايح حكي فيها وقلها لام زكي تمسك لسانها
- مرتضى:🫠
- عباس : مبكروك اخيرا لح نفرح فيك
- الله يبارك فيك
- جهاد : اي بعد في مرتضى وعباس
- عباس : انا ومرتضى بدنا نتزوج من الحور العين 😎
مرتضى : معلوم
علي : ليكو ما تخلوني غير رأيي وافكس كل شيي بدنا نروح كلنا مع بعض
- عباس : ان شاء الله بس  ما كل ما يتمناه المرء يدركه بعدين مثلا اذا انا رحت وانتا ما رحت مش معناتها انا احسن منك بس انت يمكن بعد عندك شغل بالدنيا
- هلأ شيلونا من هالسيرة احلى ما نتكدر
 

ريحانة الحوراء📝

يتبع..

على العهد باقون ❤️
الحلقة16



مرتضى : يارب انت تعلم ضعفي وقلة حيلتي اللهي اتيتك في جوف الليل ذليل لك خاضع لعظمتك وجبروتك وارجو ان ترحمني(واجهش بالبكاء) ...اللهم عجل لوليك الفرج وفرج عن شيعة امير المؤمنين بظهوره


عباس : الو كيفك
- مرتضى : اهلا الحمدلله
- شوفي صوتك
- لا ولا شي صاخن شوي قلي
- لا كنت بدي قلك انو  ....( غير رأيو )
شو رأيك تروح معي على ايران شي جمعة زمان  وبتزور الامام الرضا والسيدة المعصومة.
- السلام على انيس النفوس
- اي شو قلت
- حدا بصرلو يروح وبقول لا
- أي جهز بسبورك يا حلو
- اصلا جاهز كنت ناوي روح لعند الامام الحسين بس مش هلأ
- وانا كمان لكن خلص منحجز للزيارتين مع بعض
- تمام
( مع ان مرتضى انسان مرح ويحب ان يضحك الٱخرين ويتظاهر بالقوة لكنه كان ضعيف امام الله كالطفل الصغير وكان يحب مناجاته والكلام مع الامام المهدي  وكان يحب حضور المجالس واللطميات )

اما عباس فقد كان انسان شهم ولطيف يحب الجميع وخادم لأهل البيت في ايران كان يقوم بالكتير من المساعدات للفقراء واقامة مجالس عزاء وكان يحب العباس عليه السلام و علاقته مع السيدة الزهراء فقد كانت علاقته معها كبيرة جدا )
جهزو كل شي بسرعة  ونسو يخبرو الشباب

علي : شو مرتضى طلعت ناوي تسافر من ورا ضهرنا ولك
-مصطفى : لك حتى اخو ما خبرو اخس بس
- علاء : لا والاكتر من هيك رايح هو وعباس 
علي : يا حبيبييي وعباس كمان اي هااا كملت
مرتضى😅  : يا شباب كلها جمعتين وحدة  بإيران وحدا بالعراق اوام بيخلصو بعرف انو مافيكن تعيشو بلاي بس الله بعين تحملو بدكن تتعودو
- جهاد  : يا عمري يا مرتضى لو بتعرف انو وقت يتزوجو لح ينسوك  وينسو كل الايام الحلوة
- عأساس انتا مش لح تتزوج
- علي : وانتا ليش ما بتتزوج
- الله يسر عليك ما بدي وجع راس ما بحب نكد البنات
- علاء : الظاهر ناوي النية ( يتزوج حور العين )
- مرتضى : ااااخ والله يا ريت بس وين انا ووين الحور العين بعد بدنا كتيييير لنصير أهل
- الشباب : أي والله


وقت وداع الاصدقاء -بالمطار-

علي: رضى ما تنسى تدعيلي وقول للامام الحسين انوقلبي عم يتفطر  للقائه بس من ورا العرس بدي جهز وهيك
- ولو يا خيي علي بدعيلك قبل ما ادعي لحالي
- الله يخليلي ياك
جهاد : مرتضى وعباس سمعو انتو لتنين اذا ما بتدعولي بسلمكم لام البنين
- عباس : يا شحاري خلص بدعيلك اول ما بشوف لقبة
- أي هيك بدي ياك الله يرضى عليك
علاء : ما تنسوني محتاج دعائكم
- مصطفى : وانا كمان يا عباس ومرتضى ما بدي وصيك انا خيك
- مرتضى : ما تخلوني ابكي يا شباب الوداع صعب
- عباس : لح تروح الطيارة ونحنا عم نودع يلا يا مرتضى اتكل على الله
- مرتضى وعباس : 👋
الشباب👋

وصلو الى إيران
- مرتضى : انا قلبي ماعاد يتحمل بدي روح بكل شي فيي لعند الامام
- ما بدك تغير وترتاح؟
- لا لاا بدي روووح هلأ
- طيب متل ما بدك
- ذهبا الى المقام ما ان وصل مرتضى حتى احس قلبه يخفق بشدة وجسمه يرتجف انهمرت دموعه مثل السيل
( كان في ناس كتير ويلي بفوت يمكن ما يقدر يمسك القفص
ولكن مرتضى وكأن الطريق انفتح له ووصل اليه تمسك به دعا بشيئ في نفسه  بكى وبكى حتى اغمي عليه ورئ في منامه الامام الرضا ينظر إليه ويبتسم  وسمع صوت انها ستقضى ان شاء الله

- عباس : يازلمي كان في عجقة ما قدرت فوت  نحنا جينا بمناسبة  كان لازم نختار وقت مافي عجقة وصلت انتا ؟
- الحمدلله
قضى مرتضى وقته مع عباس بين المجابس واللطميات وزيارة الامام وذهبوا لزيارة السيدة فاطمة المعصومة وكان عباس يحمد الله كتيرا على هذا التوفيق عندما كان عند السيدة فاطمة المعصومة احس  نفسه يزور السيدة الزهراء كان احساس جميل جدا وكأن امه  الزهراء تعتني به وجعلته يأتي إليها  (مع انه اكثر من مرة زارها ولكن كان هذه المرة لها طعم ٱخر )


وفي مسجد جمكران  كان عباس ومرتضى جالسان فإذا بشاب جميل الوجه  ....
ترى من هو هذا الشاب وماذا يريد منهما ؟
هل سيذهبان للامام الحسين ام سيتغير  ما خططا له ؟
وهل  ستتحقق امينة عباس ؟



ريحانة الحوراء 📝

على العهد باقون ❤️
الحلقة 17


الشاب : السلام عليكم
- وعليكم السلام
- هل يمكنكما مساعدتنا في حمل بعض الأغراض وسوف ادعو لكم ان شاء الله انتم تفيدوننا
- عباس ومرتضى : نحن بخدمتكم
ساعدا بعض الشباب في حمل ضيافة للمجلس الذي سوف يقام
شكرو الشباب ( هم 3 شباب )  عباس ومرتضى  وذهبو

في الفندق
عباس 📱: مرتضىى تعا شوف
- مرتضى : شو قلي
- مش هودي هنا الشباب يلي شفناهمم؟؟؟؟
- لك بملا هودي بشحمن ولحمن بس كيف هيك الله اكبرر
- لك انت متغيل صرلهن 3 سنين مستشهديننن لك كيف هيك
- هاي من كرامات الامام المهدي
- اي والله الحمد لله لك صححح عطونا من الضيافة يلي كان عم ينزلوها
- ايي صح احنن بشنتتي
- اولك نحتفظ فيهن ولا ناكلهن
- مابعرف بس حسيتن شي ثمين مع انهن كيك
- أي والله


في اليوم التالي
مرتضى : اخخخ ليوم ٱخر يوم بزورك في يا امامي ارجو اللقاء مرة اخرى ( بقلب مكسور )
وبينما كان عباس وعلي يمشيان رأو فتاة صغيرة تبكي فأعطوها كيك والثانية قصمها عباس واعطى نصف له ونصف اكله 
وبينما كانا يجهزان انفسهما للذهاب للامام الحسين
اتصل علاء
ياشباب اقطعو سفرتكم وتعو صار في هجوم قوي بسوريا وبدنا دعم اجلو روحتكن لعند الامام الحسين ( عباس نقل شغلو على لبنان)
احس الاثنين بضيق كبييييير لا يمكن وصفه وكل الطريق كانا يبكيان
عباس : معقولة الامام ما بدو يانا والله نفسيتي محتاجة زيارتوووو بدي روح لعند لعباس عليه السلام بدي واسيه بمصائب اختو زينب بدي ابكي عند الامام الحسين
- لك اخخخ سكوتتت لح افقع اكتر منككك كل عمري قبل مانام بتخيل اني بين الحرمين بس لعله خير
- ايي الحمدلله اصلا نحنا رايحين نخدم أهل البيت بجهادنا
- اي والله لازم نكون مخلصين ليقبلونا 

ذهب الشباب الى الجبهة وفي الطريق
جهاد: دورولنا لمسجلة
حطو شباب ارخصو العمر...وقعدو يلطمو وشوي يتزانخو على بعض وهكذا حتى وصلو وبدأ وقت الجد والعمل والاخلاص

مرو بأيام ثقيلة احيانا لا يصلهم شراب ولا طعام
اما عند البنات فقد كانو خائفين وكل واحدة تدعي لخطيبها
ملك : يارب تحمي علي وعباس 😭😭 اذا بصيبهن شي انا بروح وراهن اواممم ما بتحمل
- فاطمة : سكتي عأساس نحنا منتحمل لح نلحقن كلنا
- ريم وكوثر : 😢😢
اكتر الايام كانت تمر وكانو لاينامون هم ايضا لان قلوبهم مثل الجمر على احبائهم اللذين اختارو درب الامام الحسين

مرتضى :  ولك جهاد علي وين
- نايم جوا
- بين مبكر
- اي
- عباس :عندي  فكرة جهنمية
- اللله شو هيي اتحفنا
.....وهكذا
- علاء : والله طلعت مش قليل يا ابن عمي افكارك بتجنن
- الشباب : أي والله
عند علي افاق مذعورا ظنا منه انه قد انتقل الى العالم الٱخر
☁️☁️☁️☁️..قبل دقائق
جهاد بتطفي الضو
مصطفى بتلبس اسود وبتوقف تحت اجريه
وبتسكرو البرادي وكلنا منقعد منبكي .
☁️☁️☁️☁️☁️☁️
مرتضى : ليش تركتنا ياعلي ليشششش 😭😭
عباس : هيك بتعمل بملك لك اخ منككك😭
جهاد : كيف بتتركني يا خييييييي شو بدي قول لأمي هلأ شو بدي قول لملك

علي فاق مذعور ومش عم يستوعب شي
علاء : راح الصهر راح السند
( هون فرط جهاد من الضحك )
😭🤣🤣🤣🤣 اخخخخخ معدتي ماعاد فينييييي لك مالقيت الا هالكلمات لح بتضحكني
علي😳 شو عم بصير انا وينننن
مصطفى : انا عزرائيل جاي ٱخد روحكككك هاهاهاهها
علي : سامع هالصوت انا كتييررر
وجهاد ليش عم تضحك لو عنجد ميت ما كنت ضحكت
عم تعملو فيني مقلب يا .... تفو على هيك رفقا الله لا يسامحكن مضلش عندي اعصاب

الجميع 🤣🤣
- بس شو حلو صح
- مين لحلو لعطاكن الفكرة
مرتضى : فكرة عباس بإشرافي
وجهاد فضحنا
جهاد: كلو من ورا علاء ما دخلني
في هذه الاثناء طلع انفجار كبير ....



ريحانة الحوراء 📝

على العهد باقون ❤️
الحلقة 18



كان الانفجار قريب من مركز  الشباب وتكسرو الشبابيك واتصلو عليهن يخلو المكان بسرعة

- مرتضى : كنا عم نعمل فيك مقلب شكلو حيصير حقيقة ونروح كلنا 😂😂😂
- علي : والله هيك حاسس
علاء : بلا كترت حكي خلينا نطلع بسرعة

وبينما هم هاربين واذا بلحربي  تضرب البيت ..


ملك : فاقت من النوم عم تبكي
فاطمة : شو فييي ليش عم تبكي ( فاطمةكانت نايمة عندها )
- 😭😭😭شفت منام بفزع بسرعة فوتي على مجموعة الاخبار
- اطلاق صواريخ على منطقة ..... وتدمير منزل
- ان شاء الله مايكون البيت يلي قاعدين في الشباب

👨‍🦰: شو صار معكن طيلعتوهن من تحت الرديم 
- اي
- كم واحد هنا : 5  بس معلوماتنا بتقول كان في 6 بالبيت السادس مش مبين منو شي
- والشباب كيف وضعهن
- كلهم اصاباتهم خطيرة ومابعرف اذا حيضلو عايشين بس الله ستر والضغط بعدهن لبرا البيت لولا هيك كانو هلأ شقف
-طيب يلا خليني خبر اهلهن
- الله معك حاج جواد

الو كيفك ابو علي
- الحمدلله شو صار معك يا حاج في خبر عن الشباب والله قلب امهاتن نار خبرني ان شاء الله بعدن عايشين
- والله مافيني اكذب عليك وضعن خطير بس نقلناهن عالمستشفى وعم نقوم بالاجراءات نحنا لح نعمل لعلينا والباقي على رب العالمين
- ونعم بالله
مشكور حاج عم نعذبك معنا
- عذابك راحة انا معتبرهم ولادي وخايف عليهن اكتر من الكل وبتمنى يطلعو عايشين مع انو مشاغبين ومفقعينلي قلبي بس مافي منهم ( الحاج جواد قائدهم)
- وكان عم يتذكر الحاج ذكرياتو معهن
علي الانسان الواعي
جهاد المرح يلي ما بتحلى القعدة الا معو وكل همو الاكل
مصطفى لمحترم
علاء لبضلو يفكهن عن بعضهن وقت يتقاتلو
عباس الانسان النوراني المؤمن التقي
مرتضى لبفقعلو قلبو لبضل يهرب من الشغل
كان عم يتذكر اديش معذبينو واديش كان يقسى عليهن ويشغلهن بس لمصلحتهم اكيد وتذكر وقت مرة مرتضى هرب من الشغل وبعد ما رجع فوتو عالغرفة وسكر الباب وعملو فلقة والشباب برا فارطين من الضحك رجع عاقبهم كلهم وخلاهم يطبخو وينظفو المركز
نعم وفي ساحات القتال كانو الابطال الشجعان الذين تشهد لهم الوديان والسهول لشجاعتهم وقوتهن الحيدرية واخلاصهم الحسيني فعند الجد تراهم اسودا لا يهابون الموت فكما قال علي ابن الحسين 🖤
أولسنا على الحق ؟ اذا لا نبالي  اوقعنا على الموت ام وقع الموت علينا 🖤


ترى هل سينجو منهم احد ؟
واذا نجى من سينجو ومن سيلتحق بالقافلة ؟


ريحانة الحوراء 📝

حوراء:
على العهد باقون ❤️
الحلقة 19


ذهب الجميع الى المستشفى وكانو يدعون لهم
خرجت ممرضة  من غرفة العمليات
-ريم : طمنينا
- الشب تجاوز مرحلة الخطر بس تحت المراقبة ( علاء )
وكذلك مصطفى فقد استيقظ اول شيء سأل عنه هو مرتضى
عند جهاد وفاطمة
فاطمة : جهاد مش انت وعدتني ما تتركني هيك بتوفي بوعدك مش حراك عليك اذا ما بترد عليي شاكييتك للزهراء
في نفس اللحظة تحرك اصبعه ونزلت دمعة من عينه
نادت الدكتور وطمأنها انه هناك تحسن كبير ولكن يجب الانتظار بعض الوقت ليستعيد وعيه
اما علي فقد كان وضعه خطير جدا
ومرتضى دخل بغيبوبة
وعباس حلق مثل الطير الى امه الزهراء مفقود الاثر  وترك ملك مددلت خالها لحزنها ولكن تحلت بصبر زينب وواجهت احزانها

بعد شهر

ملك: مافي امل  ابدا؟
- الدكتور : ما بخفي عنك الامل ضعيف كتير والاحسن تفوتي تودعي لانو ٱخر ايامو لان ما عم يستجيب.
دخلت ملك الى الغرفة مكسورة الخاطر تكفكف دموعها بمنديلها وجلست قرب السرير
- علي ليك انا والله قلبي ما عاد يتحمل يا صاحب الزمان والله انا بشر حدا يعبرني صرلي شهر ادعي لا عم اكل لا عم اشرب علي رد عليي طيب بس فتح عيونك ليش هيك الكل عم يروح بكفي كسرت ظهري خالي عباسس لك بكفي سندي من بعدك راح خيي راح عمري 😭😭 عالاقل خدوني معكم بعرف انو لازم اصبر بس والله عم ابكي غصب عني

عند علي : كان يرى في منامه ذاهب مع شباب الى الامام الحسين ويضحكون ويمزحون وكان معهم عباس وقبل ان يصلو نظر عباس لعلي
- علي انت مش هلأ وقتك ما اذنولك بعد لسا عندك شغل طويل بس بدي منك طلب ملك امانة برقبتك وبتهتم فيها وبتحميها ومابتزعلها كل عمرك لانو هاي بعتبرها قطعة مني 
وفتح عيونو شوي
- ملك
- 😭😭😭😭علييييييي كنت عارفة ما لح تروووووح وتتركناا واخيراا
عبااس. عباس وين
- عباس راح يا علي راح 😣
- لا حول ولا قوة الا بالله يلا  الحمدلله على كل حال
- ونعم بالله
- جهاد ومرتضى وين ومصطفى وعلاء
- كلهم فاقو الحمدلله بس مرضرضين كتير بفيقو وبنامو بس تحسنو اوو.
- وشو
- مرتضى
- اييي
-لسا بغيبوبة
- يا خوفي يكون..
-شو
- يارب ما كون لمحتوو مع الشباب
- ايا شباب
- ها لا ولاشي سلامة قلبك
- طيب انتا هلأ نام ورتاح وانا رايحة شوف الباقي
- تمام
خفى قليلا

- مرتضى : علي ياخيي ليش ماجيت معنا ولك مكيفين هون اجمل من حياتنا بالدنيا كلها قرف يا زلميي شي فاخر عالٱخر
- تركتني ورحتت؟
- لك له يا زلمي حضل طلع عليك بس انتبهلي على خيي وامي كتير ماشي يا شريك
- 💔بتأمر امر يا شريك
- أي هيك بدي ياك😁


يا دكتور ما عم يستجيب المريض ابدااا
- بسرعة على غرفة العمليات
- اعملو كل لبتقدرو علييههه
- النبض راح
انا لله وانا اليه راجعون ...

كانت هذه اصعب لحظات يعيشونها الاصدقاء فقد كانو جميعهم واقفون عند غرفة العمليات هيدا عالعكيزة وهيدا عالكرسي المتحرك والكل ناطر يعرف مرتضى شو وضعو



مرتضى يلي مابتحلى الجلسة الا معو
مرتضى الخدوم المحب للصغار والكبار
مرتضى المرح الضحوك صاحب المقالب
المتواضع
ذهب وترك خلفه رفاقه
ذهب هو وعباس الى الامام الحسين مع انهم حرمو زيارته في الدنيا ولكن الله عوضهم انهم ذهبو اليه الى الابد حلقو بأرواحهم الطاهرة الى الملكوت الاعلى وتزوجو الحور العين
ذبل الجميع بدونهم  لانهم كانو نعم الاصدقاء ولكن هيهات نحن شيعة علي ابن ابي طالب نحن درسنا منهج كربلاء لاشيئ يكسرنا وبالنهاية يجب ان نكمل الحياة صحيح انو زعلو ومن حقهم بس شكرو الله واثرو يكملو يلي بلشو في رفقاتهن والا ما يجي يوم ويلحقوهم


بعد ان تعافى الجميع من الجروح الجسدية ولكن جرح القلب لا يطيب بسهولة
اجتمع الجميع عند قبر مرتضى وعباس( عباس قبر رمزي)
علاء: أيييه راحت الايام الحلوة مين بدو يلطفلنا الجو بغيابك يا مرتضى وانتا يا عباس يا رفيق الطفولة
مصطفى : مين بدو يضربني عراسي ويفيقني الساعة 6 ياخيي ما توقعت تروح اوام
علي : حاج تنعو متل النسوان لازم نكون صابرين يا شباب والله ما بيقبلو تحكو هيك
جهاد وهو مش مركز اصلا شو عم يقول اخو :  لك انتو تنين ما بعرف شو بدي قول ليش الا انتو بدكن تتزوجو الحور العين فكرتكن عم تمزحو طيب ليش ما اخدتونا معكن
- علي : ليك هيدا كل همو الحور العين مش شايفنا متأثرين الله ياخدك لعندن بركي بتشوف الحور العين وبتخلصنا😂
- الله يسمع منك  😂
علاء : اخس بس يا عباس ماشي بتتزوج حور العين وتاركلنا النكد النا
- جهاد وعلي : احترم حالك يصرلك متل اختنا مش عاجبيتك
- عم امزح يا شباب روقو
- مصطفى : بروح عباس ومترضى سامحوني
- جهاد: يا عيني بلش يحلفلي بروحهن يييي شو بكره هيك يزلمي خلص نفضو الغبرة وامسحو الدموع منكون عم نزعج ست الحسن وعباس بكونو قاعدين مع بعضن وعم ياكلو شو ما بدهن اخخخ يا ناكرين الجميل ولعهد اذا ما بتطلبوني لا جهاد ولا بعرفكن وباي

علي : بتصدقو لو هنا هون كانو قالولنا يخربيتكن شو بتنعو وبتحكو لك يا شباب لازم نضل فرحانين حتى يفرحو
لك انا تحمستت معش بدي ابكي  ابدا

علاء : تحمم بصابون جونسون لا دموع بعد اليوم
جهاد : 😭😭😭
- الشباب : شو اشبو هيدا
- لك ياشباب راحت ام زكي وتركتني 💔
اختلطت الدموع بالضحكات ما عرفو يضحكو ورا يبكو


وبعدها ضحك الشباب وقرولهن الفاتحة وصارو  كل ثلاثاء وخميس يجتمعو عند قبرهم و يقرو دعاء التوسل وكميل ونهار الجمعة دعاء الندبة ويهدوهن اعمال وهكذا
وكان عباس ومرتضى يجو لعندهن بالمنام ويحكو معهم وامرار يشوفوهن قاعدين معهم
اي لان شبابنا اشتغلو عحالهم ووصلو لدرجة صارو يشوفوهم وخاصة علي يلي تغير للاحسن ولاحسن


ريحانة الحوراء 📝

على العهد باقون❤️
الحلقة 20


مرة سنة  قررو شبابنا ان يتزوجو لان الدنيا لا تقف عند احد ويجب ان نكمل الحياة
عملو عرس جماعي

وطيلة العرس كان طيف عباس ومرتضى يرافقهم كانهم يقولون الان سيدخلان من الباب ويقولان انه مقلب ويضحكان ضحكتهما الساحرة ولكن لا خوف على ابطالنا فلديهم حس الدعابة الذي يجعل الجو لطيف حتى في اصعب اللحظات وقوة ايمانهم
نعم
انهم رجال الله
( بس عند القبر كان مشتغل حس نسوان الحارة اول مرة بس بعدين اخدو الوضع بجدية صح بيضحكو بس تغيرو كتير وزاد ايمانهن اكتر

بعد سنين عديدة
علي : مرتضى انتبه انتبه اختك لح توقع خليك حدها حبيبي انا رايح شوف امك وين صارت عمك متكرم علينا وعازمنا عالغدا
-ماثي بابا
- لك تؤبر البو لبابا
يلا يا ملك هلأد بدها حطت العباية 

بس قبل لازم نشرح مين ولاد مين
علي صار عندو مرتضى وفاطمة
جهاد ؛علي المرتضى
مصطفى؛ أية وعباس
علاء : مريم

- عند جهاد
ريم : علاء ليك ما اهضمن مريم وعباس مع بعض
- أي والله عم فكر احجزها لابني من هلأ
- جهاد :وليكو من هلأ فاطمة لابني علي المرتضى
علي : ليكي حجزولي بنتي   بلا ما ياخدو موافقتنا تعي تنطعميهن الضرب ونخليهن يتزوجو من برا العيلة
- ملك : حبيبي علي لحتى يكبرو الله بيفرجها مش شايف انو انجأ يعرفو يمشو 😁
- لك انا بدي أمن عولادي من هلأ المهم ٱية لمرتضى
مصطفى :ياعيني  اكتمل الطقم معش في داعي يقررو مستقبلهم نحنا زوجناهن من هلأ
في هذه الاثناء طلع صوت صراخ من عند الاولاد
مرتضى : تلكني ولت لوح من هووونننن تلب
(عباس الشرير عابر قتل مرتضى)
علي المرتضى : شه انا رجال الحارة هون يلي بقرب على مرتضى بتي قوسو بفلدي
-جهاد: لك شوفو الشهامة  شفتي يا فاطمة طالع لابو يؤبر ألبي عم يحشك لابن عمو
- عباس : ثتتو ملتضى هوي تعدا عليي كان بدو يضلب اختي ٱية ممنوع
- مصطفى : ياعيني شفت لك هون الشهامة والرجولة الحقيقة تعا يبابا لالبي تعا
علي : حاسس أية ومرتضى متل قصتي انا وملك
- ملك : هيك الظاهر


وهكذا انتهت قصتنا

🌼🌼🌼🌼🌼🌼🌼🌼🌼🌼🌼🌼


ريحانة الحوراء 📝

تمت..

بَوابـة الخَيــال🚪📖:
كـيـان عـلـي🔐²

🗯️الـقـسـ¹ـم🗯️


في الجزء الماضي، كان كيان علي قد فقد، و الشباب يبحثون عنه ..
و رضا فقد نطقه .. و دماء لا يزال عالقا في بحر تفكيره بأسينات ، نفسه ما يحصل مع قاسم عن أسيل ..

و لنذكر شيئًا .. فقد حاولت القطة إيصال رسالة للشباب لكنهم لم يفهموا عليها .. لذلك و عندما اجتمع بو علي جعفر مع الشباب في منزل ياسين لدراسة وضع الكاميرات:

فجأة ، تدخل القطة و تقفز في أحضان بو علي جعفر الذي بدأ يهتز بقوة و ارتعاب بعد ان ظنه النمر :

فداء : طول بالك يا حاج كيف لو ينط صرصور عليك شو بتسوي

يحيى : ولو يا قائد ، بتخاف من بسة

دماء : عيب عليك يا حاج

غريب : لك ايي هذي البسة مش النمر انت مغلط بالنمرة يا بو علي

بو علي جعفر : آكلة تاكلكم لا انطرو لتخربشني ارجعو احكو

فداء : مش مبصرين إنك طلعت بتخاف من البسَس

بو علي جعفر : طب بس بس

رمت القطة رسالة مطوية من فمها و ذهبت مسرعة نحو الخارج  ..

غريب : أكيد بتكون كاتبة : مياو مياو ميمياو ، ميميويو يو ميا

دماء : ماعش تعيدها

بو علي جعفر بعد أن قرأ الرسالة :

بو علي جعفر بغضب : كيان علي موجود بأبشع و أعنف حبس جوا عندهم .. و لازم نحررو لو بدنا نفتح حرب ....

و بعد مرور عشرة أيام .. استيقظ كيان علي ليجد نفسه مرتبطًا بالأجهزة الطبية الخطرة .. أي أن وضعه كان حرجًا ..
نظر على يمينه فوجد والدته و ريحانة تبكيا ، نظر على يساره فوجد بو علي جعفر ، دماء ، قاسم و أمير ..

كيان علي: ما استشهدت !

قاسم: لا يا خيي ، بعد ربنا ما أذنلك بالشهادة

نظر كيان علي لريحانة فوجدها تبكي و قد تورمت عيناها .. ابتسم لها مطمئنًا .. ثم ابتسم لوالدته التي كان حالها كريحانة ..

نظر للشباب :  شو جابني لهون يا شباب شو صار ؟

تنهد دماء، ثم قال :

دماء : كيان علي ، نحن هجمنا عليهن بنفس الطريقة يلي عبرنا السياج فيها لما حررناك اول مرة
بس هذا المعتقل كان كثير خبيث ، هجمنا و بلشنا نرمي و نحاول انو تضلك عايش

كيان علي: ايه ؟

دماء : بس يا خيي لما قدرنا نفوت دغري قوصوك هني ، و زتو كثير قنابل بس الحمدلله كنا بفضل الله نزمط، بس كرار ..

نظر كيان علي حوله : وينو كرار؟ شو صرلو؟ تصاوب؟؟

عندها بدأت ملامح الغصة تظهر على وجوه الجميع ..

كيان علي : احكو وينو ؟؟ بس ما تقلولي استشهد!!!

بو علي جعفر : عظم الله اجرك يا سِراج .. 💔

كيان علي من عمق قلبه : يا الله !!!!!

خرجت النساء و بقي الرجال :

قاسم : بدك تهدي حالك يا خيي، ما بجوز هيك بعدك فايق من غيبوبة

كيان علي : يا الله دخيلك استشهد من ورايي و بدك ياني ضل رايق

دماء : لا ، ما فكش تقول هيك ، استشهد لأن هوي لبدو يستشهد ، لأن هوي كب حالو و أنقذ بو علي جعفر يا كيان علي

كيان علي : لا حول ولا قوه الا بالله العلي العظيم...

بو علي جعفر : تفكرش انو قلبي مش محروق عليه ، فداني بدمو و الفرقة صعبة كثيررر ، بس ما فينا نيأس ، الطريق بدو شهداء ، بدو تضحيات ، بدو دم .. و نحن كمجاهدين اذا غرقنا بدوامة الأسى و الحزن و الشوق ما فينا نتابع الطريق
كلنا لازم نكون مثلو ، يا شباب ، كرار وصل ، و عبر، العترة علينا نحن!!
خلص بقا لازم نطلق الدنيا ، إعمل لآخرتك كأنك تموت غدًا .. خلو عندكم ثبات و عزيمة ، و النصر للخير و لأهل الحق كونوا على يقين

دماء : كربلاء لنتعلم منها مش بس لنحزن .. و اذا ما قدمنا أغلى ناس على قلبنا عيب نقول قدمنا

قاسم : أنفسنا لازم نقدمها ، و الغلبة لأهل الحق

كيان علي : تزودوا من دنياكم لآخرتكم ، و إن خير الزاد التقوى..

تنهد ثم قال : كأني سمعتك قلت غيبوبة؟

قاسم : ايه يا خيي ، انت تصاوبت و بصعوبة سحبناك على لبنان ، فتت بغيبوبة قصيرة عشر ايام

كيان علي : يعني حتى التشييع راح عليي ....

الشباب : للأسف

أمير : خلونا نتركو شوي لتشوفو خطيبتو

بو علي جعفر : و امو كمان

أمير : لا امو تعبانة علقولها مصل

عندها جلس كيان علي بصعوبة و حاول الذهاب ليرى أمه

قاسم : بلا تضحياتك خليك هون اسا ، فكش تقوم بيفتح جرحك

كيان علي : اديش بدي ضل هون

بو علي جعفر : مش شايف حالك فكش حاكي ، جسمك تعبان ، ايه هيي كلمة يا الله لصرختها انجق سمعناها

دماء : لازم ترتاح و الوالدة بألف خير تخفش

كيان علي  : طيب فيي شوف خطيبتي

أمير : عم يزعبنا خلص

بو علي جعفر : ايه خلص طولنا نحن لازم يشوف عيلتو

خرج الشباب و دعوا ريحانة للدخول..
دخلت بسرعة و وقفت أمامه .. و دموعها تبلل عيناها

نظر إليها كيان علي ، و ابتسم ابتسامة خفيفة تدل على تعبه و فرحه برؤيتها
اقتربت ريحانة و جلست أمامه و بدأت تبكي بصوت خفيف

كيان علي : اشتقتيلو 😅

ريحانة : لمين ؟

كيان علي : لخطيبك

ريحانة : خفت عليك

كيان علي : كنت حابب كثير انو ارجع شهيد ، بس ربنا عارف اني خفت على زعلك ، لهيك تأجلت شهادتي

ريحانة : منيح لتأجلت

كيان علي : تحكيش هيك ، الله يرزقنا ياها