🦋لَحنُ ♡ الرَّصَاصْ🦋

و كأنّهُ روحي 🕊️

❄️الـقـسـ⁸ـم❄️

في ذاك الوقت ، كان الحاج منصور قد جهّز العقوبة لعماد و هاشم :

الحاج منصور : هاشم رح يشيل السجاد و يشطف تحتو ، و عماد رح يعزّل السدّة (التتخيتة) و انتو ال٢ رح تنظفو حمامات المركز و بدون أودكس و فلاش و بدي ريحتو مثل الفل و بدي ياه بوِج وَج

هاشم : و بشطف بلا دوا شطف شو رأيك ؟

عماد : في ديتول يا خيي اشبك

هاشم : عقوباتك خرج نسوان يا حاج معليش

الحاج منصور : ع قولة النسوان ، خلينا ساكتين ، بلا ما نحكي

عماد : ايه بس هني بيرجعو بيحكو جريدة بعد هالجملة

الحاج منصور : شايفني مرأة ولا

هاشم : لا حشاك 😅

الحاج منصور : عذمتي انك تاشش

عماد : ايه والله

الحاج منصور : و انت أتشش منو ، يلا اشتغلو بعد ساعتين بدي ارجع و شم ريحة النظافة لبرا ، لو ما بحبكم بعاقبكم بأمور بتخص الشغل

هاشم : الله بجيرنا الحمدلله

عماد : ايه والله

هاشم : بعدها بتجلبنا مد بقشطة ؟

الحاج منصور : اشتغل أحسن ما شغّل إيدي !!

هاشم : لا لا خلص😅

الحاج منصور : صحيح إنك سئيل ، يلا عالشغل

عماد : بس اذا بعد شوي إجيت لقيت هاشم حاطت المنشفية على راسو مثل أبو شهاب بنصحك ما تناقشو يا حاج .. بكون واصل لمرحلة الأمومة و ست البيت

الحاج منصور : عم تحكي كأنك مش رح تشتغل مثلك مثلو ، يلا وقتكم بلش يمرق

هاشم : اففف أمي بتتأمّرش عليي هيك

في نفس الوقت ، كانت أم علي برفقة أم هادي تنتظران مجيء علي و هادي و البنات على أحرّ من الجمر ..
و كان أبا علي و شقيقه يصليا ركعتي شكر لله تعالى على سلامة الجميع .. عندها يسمع الجميع صوت فرامل سيارة هادي ، فأسرعوا نحو الخارج :

شاهد الجميع علي و هو ينزل من السيارة ، و دون أن ينظر لأحد فتح صندوق السيارة و أخرج منه عكازًا :

علي : تعي يا كوثر

الأهل : كوثر 🤔

👴🏻: شو فيه يا علي ؟

👵🏻: لشو العكّيزات ؟

أم هادي : شو السالفة ؟

أبو هادي : ليش ساكتين ؟!

نزلت كوثر بقدمها المجبّرة و استعانت بالعكاز ، فأثارت صدمة الجميع و حرّكت مشاعرهم ..

👵🏻: يدلييي شو فيه شو بِها إجرك 😱

أم هادي : شو فيييه 😱

أبو هادي و أبو علي : 😨

كوثر : طولو بالكم ، اسا منحكيلكم كل شي

بعدها نزل هادي و أعاد فتح الصندوق و أخذ منه الحمّالة :

الأهل : 😳

ساعد رُقيّة و وضعها على الحمالة و بمساعدة علي أدخلاها للمنزل

أم هادي : رُقيّةةة 😱😭

أبو هادي : 😳

👵🏻: العما شو فيي 😨

👴🏻 بغضب : بدكم تحكولنا شو صاير ولا لا ؟؟؟؟؟

رُقيّة : لما علقت مع هذا لؤي بالدكانة شكلو حطني براسو ، فلما شافنا رحنا عالجامعة بدّل البوسطة و بعتلنا واحد من جماعتو ، ام اني سمعتو عم يحكي معو عالتلفون و دغري هربنا ، ام طلعلنا لؤي بالطريق ، البنات دغري نطو عالحقلة و تعوّروا، بس اني ما لحقت تعورت شوي من ورا سيارتو ، و ضليت اركض أني و ميتة وجع عشان ضل عايشة ، و اخر شي ضعت و عرفتش حالي وين صرت ، صرت طلّع لورايي كثير و انتبهتش شو فيه ادامي ، اخر شي خبطت بشجرتين حد بعض و تعورو اجريي و انقلبو ، و بطل فيي امشي ، لحد ما لقوني

أم هادي و أم علي : يا ويليييي 😭

👴🏻: لهون و بس ، مش رح اسكتلو ل لؤي

علي : مين قلك رح نسكتلو ، الو حسابو

هادي : علي تأخرنا عالشغل ، لازم من ساعة كنا نروح

علي : يلا امشي .. أمي خلي بيت عمي يضلو هون هالكم يوم ماشي ، مشان ما يرجع لؤي يعمل شي شغلة لأنو مش ناوي عالخير

👵🏻: تهكلش الهم

ذهب علي و هادي للعمل ، و عندما وصلا :

علي : ليش الأرض ماي ، انتلى الكلسات

هادي : ههههههههه لك شو ها 😂

علي : شو فيه ؟

هادي : ليك هاشم

علي : 😂 شو صاير معك

هاشم : حداش يقرّب صوبي ، راسي مخوثة معو

عماد : له يا خالتي 😂

هادي : شو صاير معكم ليش الأرض هيك شو السالفة 😂

عماد : صاير بتسأل مثل النسوان يا هادي ، القصة انو مبارح كمخناها عالحاج و عم نتعاقب مش أكثر

هادي : لتتعلمو ماعش تكمخوها

علي : ايه و نحن لفشة الخلق ولا شو ؟

الحاج منصور : شو علي و هادي ، مأخرين ساعة و نص ، ليش ؟؟؟

علي : في سبب يا حاج ، و قصة طويلة

الحاج منصور : متعلقة بالتلفون اللي اجاك انت و هون ؟

علي و هادي : صح

الحاج منصور : اممممم ، لكن تعى احكيلي شو صار و ارجع بلش شغل

في خربة سلم :

كوثر : العما شو هالمناظر

رُقيّة : قولي منيح ما طالنا

كوثر : بس مش ندمانة المهم بهدلتيه و صغرتيه ادام الناس

رُقيّة : لو عارفة بدو يصير هيك ما كنت قارشتو

كوثر : لا تحكيش هيك ، لمثلو بدهم ترباية

رُقيّة : اسا اذا عرفو أهلي بكتب كتابي شو بدن يعملو قولك

كوثر : هني لازم يعرفو أكيد ، بس الأفضل علي يحكي مش انتِ

رُقيّة : لهيك ما كملتش شو صار ، قلت علي للازم يحكي

كوثر : بعدان بأثرش ، حداش من الضيعة بيعرف انو كتبتو كتابكم الا الشيخ و الشهود ، و الشيخ أمين ما بيحكي لحدا ، بتتركو ولا كأنو صار شي

رُقيّة : قولتك

279 viewsFar Hatt ³¹³, 18:12