Atomicity

لما بدك تحوّل فلوس لواحد صاحبك، لنفرض مثلاً 1000 دولار، رح تصير عمليتين مع بعض:
1- ينخصم من حسابك 1000 دولار
2- يزيد لحساب صاحبك 1000 دولار

لو وحدة من هدول العمليتين تنفّذت والثانية لا، يبقى أنت بموقف ما بتمناه لألد أعدائي،

بالتالي لازم العمليتين يتنفّذوا مع بعض، وهاد الاشي بنسمّيه Atomicity ، وهو باختصار، أنه إما كل العمليات تتنفذ، أو ما يتنفّذ اشي بالمرة، وبتمشي على مبدأ All or none، إما كل شيء أو لا شيء،

وبتقدر تعمل هاد الحكي بالـSQL عن طريق أنك تبدأ transaction وتحط فيها العمليات اللي أنت بدك تعملها بالآخر تعمل commit، وهاد بيضمنلك أنه كل العمليات تتنفذ، ولو وحدة من العمليات ما تنفّذت رح ينعمّل Rollback، وهيك احنا دائماً رح نكون بالـstate الصح، إما كل العمليات تتنفذ أو ما يتنفذ اشي.

هون مثال بالـSQL على الـAtomicity

BEGIN TRANSACTION;
UPDATE account SET balance = balance - 1000 WHERE email = 'person1@gmail.com';
UPDATE account SET balance = balance + 1000 WHERE email = 'person2@gmail.com';
COMMIT;

🐱 @nanvalue 🐱

الطائرة بدون طيّار (Drone)

اللي بالصورة هي الدرون، أو الطائرة المسيرة زي ما بحكوا عنها بالأخبار، ولازم تعرف أنها سريعة، ومتعددة الاستخدامات،

زمان كانت هاي الشغلات بس للأفلام، بس اليوم صارت جزء من حياتنا، من توصيل الطلبات لتصوير الأعراس، وحتى بالزراعة والمشاريع الكبيرة،

كيف بيتم اختراق الدرون؟
زي أي جهاز متصل بالإنترنت، الدرون ممكن يتم اختراقها، وأخطر طريقة لاختراقهت هي التحكم فيها عن بعد، بيستخدم المُخترِق جهاز قوي بيلقط الإشارة بين الريموت والدرون، وبيقطع الاتصال الأصلي، وبعدين بيبعت أوامر جديدة للدرون، ممكن يخليها تهبط، أو تروح لمكان ثاني، أو حتى ياخد الصور والفيديوهات اللي بتصورها الدرون،

في كمان طرق ثانية، زي لما تكون الدرون فيها ثغرة أمنية بالبرنامج تبعها، وممكن المُخترق يستغل هاي الثغرة عشان يدخل عليها ويتحكم فيها، أو حتى يوقف الكاميرا عن التصوير،

كيف ممكن تأمن الدرون؟
تأمين الدرون مهم جداً، خاصة إذا كان فيها معلومات خاصة أو مهمة، أهم اشي هو تحديث البرامج بشكل دوري؛ لأنه الشركات المصنعة للدرون بتنزل تحديثات بتصلح الثغرات الأمنية وبتزيد الحماية، كمان لازم تستخدم كلمة مرور قوية إذا كان فيه إمكانية تحط باسورد على الدرون،

وكمان، إذا بدك تبعد عن الاختراق، ممكن تستخدم درون ما بتستخدم GPS، أو بتشتغل على ترددات خاصة مش سهل على المخترقين يلتقطوها،

بس بشكل عام، الحذر هو أفضل طريقة للتأمين، يعني ما تطير الدرون بمناطق مشبوهة أو فوق ناس غرباء،

كيف بتتم برمجة الدرون؟
برمجة الدرون هي اللي بتخليها تفهم شو لازم تعمل، البرمجة ممكن تكون بسيطة وممكن تكون معقدة، أبسط اشي هو البرمجة عن طريق التطبيق على الموبايل، فيه بتحدد مسار معين للدرون تمشيه، أو بتخليها تتبع شخص معين بشكل آلي،

أما البرمجة المتقدمة فبتكون عن طريق لغات برمجة زي بايثون أو سي++، هاي اللغات بتخليك تتحكم بكل تفاصيل الدرون، زي سرعة المحركات، زاوية الكاميرا، وبتخليها تعمل مهام معقدة، زي أنها تصور منطقة معينة بشكل كامل وترجع لحالها لما تخلص البطارية،

الدرون ي صديقي مش مجرد لعبة، بل هي عالم كامل من التكنولوجيا، وفي ناس بستخدموها بطرق عجيبة، مثلاً، أنك تربطها مع Raspberry Pi مجهّزة لاختبار الاختراق، ويصير عندك جهاز اختراق متنقّل وبطير بالجو، تتخيّل لوين ممكن يوصل الموضوع؟ وما خفي أعظم.

🐱 @nanvalue 🐱

ثلاثة من أبرز أسماء التوزيعات في مجال اختبار الاختراق:
ـ Parrot Security 🦜
ـ Kali Linux 💻
ـ BlackArch 🖼️
كل توزيعة الها اللي بميّزها وبتستهدف فئة معينة من المستخدمين، وهاي مقارنة شاملة ممكن تساعدتك في اتخاذ القرار (وبتضل رأي شخصي)

---

أولًا Kali Linux 💻 :

كالي لينكس 💻، اللي مبني على توزيعة Debian 👩‍💻، يُعتبر الأشهر والأكثر استخدامًا في عالم اختبار الاختراق، كثير من الدورات التعليمية والشروحات على الإنترنت بتستخدم كالي 💻 كنظام أساسي، وهاد الاشي بخليله شعبية كبيرة ومجتمع ضخم.

لِمَن يصلح؟
كالي 💻 مناسب للمبتدئين والمحترفين على حد سواء، كونه مشهور، فإيجاد حلول للمشاكل اللي ممكن تواجهك بكون سهل.

الإيجابيات:
* مجتمع كبير ودعم قوي: أي مشكلة بتواجهك، غالبًا رح تلاقي حلها أونلاين.
* توثيق ممتاز: كل أداة تقريبًا الها شروحات ودروس متوفرة بكثرة.
* استقرار عالي: كونه مبني على Debian 👩‍💻، فبتمتع باستقرار وقوة.
* تحديثات منتظمة: فريق التطوير دائمًا بنزل تحديثات للأدوات والنظام.

السلبيات:
* استهلاك موارد أعلى: مقارنة بـ Parrot 🦜، كالي بحتاج جهاز بمواصفات أعلى شوي.
* واجهة أبسط: الواجهة الافتراضية (XFCE) عملية لكنها مش بجمالية واجهة Parrot 🦜 (أكيد بتقدر تغيّر الواجهة بعد التثبيت أو حتى أثناؤه).

---

ثانيًا Parrot Security 🦜 :

باروت 🦜، اللي هو كمان مبني على Debian 👩‍💻، بتميز بواجهته الجذابة وأدائه الخفيف على الأجهزة، بالإضافة لأدوات اختبار الاختراق، باروت 🦜 بركز كمان على الخصوصية والتشفير، وهاد الاشي بخليه خيار ممتاز للاستخدام اليومي كمان.

لِمَن يصلح؟
باروت 🦜 مثالي للناس اللي بدها نظام متكامل للاختراق والاستخدام اليومي، وخصوصًا للي أجهزتهم مواصفاتها مش عالية كثير.

الإيجابيات:
* خفيف على الجهاز: بشتغل بكفاءة على أجهزة أقدم أو بموارد محدودة.
* واجهة جميلة وسهلة: واجهة MATE الافتراضية بتعطي تجربة استخدام مريحة وجذابة (وأكيد بتقدر تغيّرها).
* أدوات للخصوصية: بيجي مع أدوات مدمجة لإخفاء الهوية وتشفير الملفات.
* مناسب للاستخدام اليومي: تصميمه بخلي الانتقال بين مهام الاختراق والاستخدام العادي سلس.

السلبيات:
* مجتمع أصغر: مقارنة بكالي 💻، مجتمع باروت 🦜 أصغر شوي، بس لسا نشيط ومفيد.
* بعض الأدوات بتحتاج تثبيت يدوي: مش كل الأدوات اللي بكالي 💻 بتكون موجودة افتراضيًا بباروت 🦜.

---

ثالثًا BlackArch 🖼️ :

بلاك آرتش 🖼️، المبني على توزيعة Arch Linux 🖼️، هو قصة مختلفة تمامًا. هاد النظام مصمم للمستخدمين المتقدمين والمحترفين اللي بدهم تحكم كامل بنظامهم. بيجي مع مستودع ضخم جدًا بيحتوي على آلاف الأدوات.

لِمَن يصلح؟
بلاك آرتش 🖼️ موجه للمحترفين والناس اللي عندها خبرة منيحة بلينكس 👩‍💻، ما بنصح فيه للمبتدئين أبدًا.

الإيجابيات:
* عدد هائل من الأدوات: عنده أكبر مستودع أدوات اختبار اختراق، كل إشي ممكن تتخيله موجود.
* تخصيص كامل: كونه مبني على Arch 🖼️، بتقدر تبني النظام وتخصصه زي ما بدك بالزبط.
* تحديثات مستمرة (Rolling Release): كل الحزم بتتحدث باستمرار لآخر إصدار.

السلبيات:
* صعب للمبتدئين: عملية التثبيت والإدارة بتحتاج خبرة ومعرفة بلينكس 👩‍💻.
* أقل استقرارًا (احتمالًا): طبيعة التحديثات المستمرة ممكن تسبب مشاكل توافق أحيانًا.
* استهلاك عالي للمساحة: إذا نزلت كل الأدوات، رح تحتاج مساحة تخزين كبيرة.

---

خلاصة المقارنة:

* من حيث الأساس: كالي 💻 وباروت 🦜 مبنيين على "Debian" 👩‍💻، أما بلاك آرتش 🖼️ فمبني على "Arch Linux" 🖼️.
* من حيث سهولة الاستخدام: باروت 🦜 يعتبر الأسهل، بعده بيجي كالي 💻، أما بلاك آرتش 🦜 فهو الأصعب ومخصص للمتقدمين.
* من حيث متطلبات الجهاز: باروت 🦜 هو الأخف عالجهاز وبيشتغل على مواصفات قليلة، كالي 💻 بيحتاج مواصفات متوسطة، وبلاك آرتش 🖼️ بيحتاج مواصفات متوسطة لعالية.
* من حيث عدد الأدوات: كالي 💻 (النسخة العادية) وباروت 🦜 فيهم حوالي 600 أداة، أما بلاك آرتش 🖼️ فهو بيحتوي على أكثر من 2800 أداة.
* من حيث الجمهور المستهدف: كالي 💻 بناسب المبتدئين والمحترفين، باروت 🦜 ممتاز للمبتدئين وللاستخدام اليومي، وبلاك آرتش 🖼️ موجه للمحترفين والمستخدمين المتقدمين.

---

🐱 @nanvalue 🐱