#huquqiy_bilim

“Ko‘chmas mulkka bo‘lgan huquqlarni davlat ro‘yxatidan o‘tkazish to‘g‘risida”gi Qonun (O‘RQ–803, 28.11.2022 y.)

🏢 Binolarga, inshootlarga hamda qurilishi tugallanmagan obyektlarga bo‘lgan huquqlarni davlat ro‘yxatidan o‘tkazish ushbu ko‘chmas mulk joylashgan yer uchastkasiga bo‘lgan huquqlar davlat ro‘yxatidan o‘tkazilmaguniga qadar amalga oshirilmaydi.

✅ Ko‘chmas mulkning kadastr yig‘majildini shakllantirish uchun quyidagilar asos bo‘ladi:

▫️yer uchastkalarining belgilanganligi (realizatsiya qilinganligi);

▫️binoning, inshootning qurilganligi va foydalanishga topshirilganligi;

▫️belgilangan tartibda ajratilgan yer uchastkasida qurilishi tugallanmagan obyektning mavjudligi;

▫️ko‘chmas mulkning bo‘linganligi;

▫️ko‘chmas mulkning birlashtirilganligi.

Hujjatning to‘liq matni

Matbuot xizmati.
Telegram | Instagram | Facebook

#huquqiy_bilim

⚡️O‘zboshimchalik bilan egallangan yerda qurilgan binolarga nisbatan mulk huquqi berilmaydi

📝O‘zboshimchalik bilan egallangan yerga, unda qurilgan har qanday bino va inshootlarga nisbatan mulk huquqini yoki boshqa mulkiy huquqlarni belgilashga yo‘l qo‘yilmaydi.

🔹Yerni o‘zboshimchalik bilan egallagan, qishloq xo‘jaligiga mo‘ljallangan, qurilish uchun ajratilmagan yer uchastkasida qonunga xilof qurilish qilgan shaxslar insofli mulkdor deb tan olinmaydi.

🔹O‘zboshimchalik bilan egallangan yerdagi qonunga xilof qurilish obyektlarini suv taʼminoti, oqova suv, elektr, issiqlik energiyasi va gaz tarmoqlariga ulash taqiqlanadi.

Matbuot xizmati.
Telegram | Instagram | Facebook

Xabaringiz bor, “Davlat fuqarolik xizmati to‘g‘risida”gi O‘zbekiston Respublikasi Qonunida O‘zbekiston Respublikasi Prezidenti huzuridagi Davlat xizmatini rivojlantirish agentligi davlat fuqarolik xizmati sohasidagi maxsus vakolatli davlat organi deb belgilangan.

Shunga ko‘ra, Agentlik va uning hududiy filiallari tomonidan davlat organlari va tashkilotlarining kadrlar siyosati va unga masʼul bo‘lgan xodimlarning faoliyati doimiy ravishda monitoring qilib, o‘rganib borilmoqda.

Agentlikning Markaziy apparati tashabbusi bilan navbatdagi monitoring jarayonlari Namangan viloyatidagi davlat organlari va tashkilotlarining Inson resurslarini boshqarish va rivojlantirish bo‘limlarida amalga oshirildi. Monitoring jarayonlarida aniqlangan kamchiliklar va ularni bartaraf etish yuzasidan tegishli tavsiyalar berish maqsadida, Agentlik masʼul xodimlari ishtirokida viloyat boshqarma va tashkilotlarning Inson resurslarini boshqarish va rivojlantirish bo‘limlari rahbar va xodimlari bilan ochiq muloqot tashkil etildi.

Muloqot davomida Agentlik masʼullari tomonidan vakant lavozimlarga tashkil etilayotgan ochiq mustaqil tanlovlarni o‘tkazish tartibi, tanlov jarayonlarini vacancy.argos.uz portalida to‘g‘ri rasmiylashtirish, ushbu tizimga kiritilishi kutilayotgan yangiliklar to‘g‘risida fikr bildirildi. Davlat xizmatini raqamlashtirish maqsadida ishlab chiqilgan yangi tizim HRM.argos.uz platformasiga davlat fuqarolik xizmatchilari to‘g‘risidagi maʼlumotlarni kiritilish holati yuzasidan ishtirokchilarga batafsil tushunchalar berildi. Shu bilan birga, boshqarma va tuman (shahar) hokimliklarida olib borilgan monitoring natijalari tahlil qilinib, masʼullarga tegishli tavsiya va ko‘rsatmalar berildi.

Yakunida faoliyat davomida yuzaga kelayotgan muammolar, tizimni yana-da takomillashtirish bo‘yicha takliflar yuzasidan fikr-mulohazalar bildirildi.

#OAV_biz_haqimizda

Kadastrchilar jonli efirda

🔹Namangan viloyati teleradiokompaniyasining “Guldasta” teleko‘rsatuvi 28-iyul kungi sonida “Kadastr pasportini shakllantirish va unga bo‘lgan huquqlarni davlat ro‘yxatidan o‘tkazish" mavzusida jonli efirda suhbat bo‘lib o‘tdi.

🔹Unda Kadastr agentligining Davlat kadastrlari palatasi Namangan shahar filiali boshlig‘i Akramjon Turg‘unov, Davlat kadastrlari palatasining Namangan viloyat boshqarmasi Ko‘chmas mulkka bo‘lgan huquqlarni Davlat ro‘yxatidan o‘tkazish bo‘limi bosh mutaxassisi Husanjon Shokirovlar mavzu yuzasidan teletomoshabinlarni savollariga javob berdilar.

Matbuot xizmati.
Telegram | Instagram | Facebook

Qoraqalpog‘istondagi hujjatsiz uy-joylarga mulk huquqi e’tirof etiladi

Bu haqda Prezidentning tegishli farmoni (PF–119-son, 28.07.2023 y.) qabul qilindi.

Farmonga ko‘ra, Qoraqalpog‘iston Respublikasi hududida fuqarolarning huquq belgilovchi hujjatlarsiz qurilgan uy-joylari joylashgan yer uchastkasiga ijara huquqi, unda joylashgan bino va inshootlarga mulk huquqi eʼtirof etiladi.

Jumladan, buning uchun fuqaro ushbu uy-joydan 2018-yil 1-maygacha bo‘lgan davrdan boshlab o‘ziniki kabi halol, oshkora va uzluksiz foydalangan bo‘lishi, ushbu holat kosmik suratlarni qayta ishlash orqali hamda so‘nggi 5 yil uchun yer solig‘i va mol-mulk solig‘i to‘langanligi bilan tasdiqlangan bo‘lishi lozim.

Huquqlarni eʼtirof etish xalq deputatlari tuman (shahar) Kengashlarining qarorlari bilan tasdiqlanadigan uy-joylar ro‘yxatiga muvofiq Jo‘qorg‘i Kenges qarori bilan rasmiylashtiriladi.

Xalq deputatlari tuman (shahar) Kengashlari tomonidan qarorlar qabul qilish hamda ularga o‘zgartirish va qo‘shimchalar kiritishning oxirgi muddati – 2024 yil 1 avgust hisoblanadi.

Matbuot xizmati.
Telegram | Instagram | Facebook

"Oʼzbekiston – 2030" strategiyasi muhokamaga qoʼyildi

Kelgusi 7 yilda mamlakatning asosiy rivojlanish yoʼnalishlarini belgilab beruvchi "Oʼzbekiston – 2030" strategiyasi va uni 2023-yilda amalga oshirish chora-tadbirlari loyihalari joriy yilning 31-iyulidan boshlab regulation.gov.uz va 2030.strategy.uz portallarida muhokama uchun joylashtirildi.

"Oʼzbekiston – 2030" strategiyasining maqsadlari va samaradorlik koʼrsatkichlari oson qabul qilish va tushunish uchun qulay shaklda ifodalangan boʼlib, unda 5 ta yoʼnalish boʼyicha 100 ta maqsad nazarda tutilgan.

Fuqarolar loyihalarning muhokamasida faol ishtirok etib, mamlakat taraqqiyotiga xizmat qiladigan takliflarni regulation.gov.uz va 2030.strategy.uz portallariga yuborishlari mumkin.

Jamoatchilik muhokamasi 2023-yil 9-avgustga qadar davom etadi.