#маънавиятвамаърифат

Ayollari eʼzozlangan yurt

🔹Bugun Namangan viloyati kadastr tizimida esda qolarli ajoyib kun bo‘ldi. Xabaringiz bor muhtaram Prezidentimiz tomonlaridan 2024-yil-“Yoshlar va biznesni qo‘llab quvvatlash yil” deb eʼlon qilinib, yil davomida amalga oshirilish lozim bo‘lgan ishlar va vazifalar belgilab berilgan edi. Quvonarlisi bu vazifalar ichida ayniqsa ayollarimizga, xotin qizlarimizga alohida eʼtibor qaratilgan.

🔹Shu munosabat bilan Kadastr agentligi va Davlat kadastrlari palatasi Namangan viloyati boshqarmalari tizimida ishlayotgan 50 nafardan ortiq xotin qizlarimizga “Qurbon hayiti” oldidan ish va oilaviy sharoitlariga, salomatliklariga eʼtiborni kuchaytirish, ularni ijtimoiy himoya qilish choralarini ko‘rish, ularga moddiy va maʼnaviy yordam ko‘rsatish maqsadida “Ayollarga eʼtibor-kelajakka eʼtibor” mavzusida madaniy – maʼrifiy tadbir bo‘lib o‘tdi.

🔹Tadbirni Kadastr agentligi Namangan viloyati boshqarmasi boshlig‘i B.Pazilov kirish so‘zi bilan ochib, tizimda ishlayotgan barcha xotin qizlarni tabriklab, ularning faoliyatlariga, jonkuyarliklariga yuqori baho berib, Davlat rahbarimiz tomonlaridan yurtimizda ayollar uchun yaratilayotgan sharoitlar, gender tenglikni taʼminlash uchun olib borilayotgan davlat siyosati haqida gapirdi.

🔹Shuningdek Kadastr agentligi direktori tomonidan tasdiqlangan rejaga asosan boshqarma tizimidagi ayollarni ijtimoiy himoya qilish choralarini ko‘rish, ularga moddiy va maʼnaviy yordam ko‘rsatish bo‘yicha amalga  oshirilayotgan ishlar haqida maʼlumot berdi.

🔹Tadbir yakunida boshqarma boshlig‘i B.Pazilov yig‘ilgan barcha xotin-qizlarga bayram sovg‘alarni tantanali ravishda topshirib, ularni Namangan shahrida o‘tkazilayotgan “Xalqaro gullar festivali”ga va bir piyola choyga taklif qildi.

🔹Tashkil qilingan madaniy va maʼrifiy tadbir xotin qizlarimizga olam-olam quvonch va unutilmas baxtiyor daqiqalar hadya etdi.

Matbuot xizmati.
Telegram | Instagram | Facebook

#korrupsiyaga_qarshi_kurashish

Korrupsiya – jamiyatni ichidan yemiradi

🔹Kadastr agentligi Namangan viloyati tizimida korrupsiya yo‘l qo‘ymaslik, uning oldini olishga qaratilgan tadbirlar izchil davom etmoqda. Kuni kecha ana shunday tadbir viloyatning Uychi, Yangiqo‘rg‘on tumanlari hamda Namangan shahar bo‘lim va filiallari xodimlari ishtirokida bo‘lib o‘tdi.

🔹Unda Davlat kadastrlari palatasining Namangan viloyati boshqarmasi boshlig‘i M.Tursunbayev rahbarligida, boshqarmalarning korrupsiyaga qarshi kurashish bo‘yicha bosh mutaxassislari  M.Nurmatov va A.Obidovlardan iborat Ishchi guruh tomonidan yuqorida qayd etilgan bo‘lim va filiallardagi ishlar va jamoadagi muhit o‘rganildi.

🔹Bo‘lim va filiallar rahbarlari  ishtirokida, aholi va tadbirkorlar murojaatlari bilan ishlovchi har bir xodim bilan yakka tartibda profilaktik suhbat o‘tkazildi.

🔹Ularga aholi murojaatlari bilan ishlash jarayonida, xizmat madaniyatiga va davlat xizmatchisining axloq va odob qoidalariga rioya qilishlari hamda korrupsiyaviy holatlarni oldini olishlari, xizmat vakolatlarini suiisteʼmol qilmasliklari uqtirildi. Qolaversa har bir jinoyat uchun jazo muqarrarligi tushuntirildi.

🔹Ishchi guruh tomonidan profilaktik tadbirlar bilan birga filiallarda ijro va mehnat intizomining holati, Hukumat qarorlari, Kadastr agentligi va Davlat kadastrlari palatasi rahbarlarining topshiriqlari ijrosi tahliliy va tanqidiy o‘rganildi.

🔹O‘rganish jarayonida arxiv hujjatlarining saqlanishi, davlat kadastrini yuritishda meʼyoriy hujjatlarga amal qilinishi, xizmat ko‘rsatish madaniyatiga ahamiyat qaratildi va rahbarlarga tegishli ko‘rsatmalar berildi.

🔹Joylarda xodimlar ko‘targan masalalar va takliflar bo‘yicha amaliy yordam ko‘rsatildi.   

Matbuot xizmati.
Telegram | Instagram | Facebook

Namangan viloyati bo'yicha е-auksion.uz platformasi orqali 1 700 dan ko'proq ko'chma savdo joylarini
3 yilga ijaraga oling

🔹Mingbuloq tumanidan 161 ta (ko‘rish)
🔹Kosonsoy tumanidan 187 ta (ko‘rish)
🔹Namangan tumanidan 190 ta (ko‘rish)
🔹Norin tumanidan 107 ta (ko‘rish)
🔹Pop tumanidan 161 ta (ko‘rish)
🔹To‘raqo‘rg‘on tumanidan 143 ta (ko‘rish)
🔹Uychi tumanidan 173 ta (ko‘rish)
🔹Uchqo‘rg‘on tumanidan 76 ta (ko‘rish)
🔹Chortoq tumanidan 109 ta (ko‘rish)
🔹Chust tumanidan 38 ta (ko‘rish)
🔹Yangiqo‘rg‘on tumanidan 71 ta (ko‘rish)
🔹Namangan shahridan 126 ta (ko‘rish)
🔹Davlatobod tumanidan 89 ta (ko‘rish)
🔹Yangi Namangan tumanidan 95 ta (ko‘rish)

Ushbu obyektlar Vazirlar Mahkamasining 2021-yil
3-avgustdagi 485-son qaroriga ko‘ra savdoga chiqarilmoqda.

📞 Murojaat uchun telefon: 99-207-26-12 (soat 09:00 dan 18:00 gacha )