Наманган вилоят прокуратурасида         1 октябрь – Ўқитувчи ва мураббийлар кунига бағишланган тантанали тадбир бўлиб ўтди.

Тадбирда вилоят прокуратураси раҳбарияти, таркибий тармоқ бошлиқлари, прокуратура органлари фахрийларини ижтимоий қўллаб-қувватлаш жамоатчилик маркази фахрийлари иштирок этишди.

Тадбирни вилоят прокурори Бектош Сайипов кириш сўзи билан очиб, Ўқитувчи ва мураббийлар куни муносабати билан прокурор-тергов кадрларини тайёрлашга катта ҳисса қўшган мураббийлар, прокуратура органлари фахрийларини табриклади.

Шунингдек, эртанги кунимиз, Ватанимизнинг ёруғ истиқболи, биринчи навбатда, таълим тизими ва фарзандларимизга бераётган тарбиямиз билан чамбарчас боғлиқ эканлиги алоҳида таъкидланди.

Тараққиётимизнинг янги босқичида Давлатимиз раҳбарининг эзгу ташаббуслари ва амалий саъй - ҳаракатлари билан жамиятда ўқитувчиларнинг, устоз ва мураббийларнинг қадри ва қаддини кўтариш, уларнинг ҳурматини жойига қўйиш бўйича мисли кўрилмаган ишлар амалга оширилмоқда.

Таълим соҳаси ходимларининг иш ҳақлари бир неча бараварга оширилгани, мактаб ва маориф ишларига ҳар  қандай асоссиз аралашувларга барҳам берилгани, ўқитувчи ва мураббийларнинг улар фаолиятига хос бўлмаган турли юмушлардан тамомила халос этилганининг ўзиёқ фикримиз далилидир.

Тадбир якунида прокуратура органлари фахрийлари, шунингдек, тизимда узоқ йиллар фидокорона хизмат қилиб келаётган бир гуруҳ ходимлар рағбатлантирилди.

Расмий баёнот

Ижтимоий тармоқларда тарқалган Тўрақўрғон туманидаги
45-сонли мактаб директори ўринбосари ўз жонига қасд қилганлиги ҳақидаги ҳолат юзасидан

Тўрақўрғон тумани, “Қумидон” МФЙ да яшаб, Тўрақўрғон тумани ХТБ га қарашли 45-сонли умумий ўрта таълим мактаби директор ўринбосари лавозимида ишлаган О.Қўчқоров руҳиятидаги ўзгариш туфайли 28.11.2021 йил яшаш уйида ўз жонига қасд қилиб, вафот этган ва туман прокуратураси томонидан ҳолат юзасидан терговга қадар текширув ўтказилган.

Ўтказилган текширишда, О.Қўчқоровга нисбатан унинг оила-аъзолари ёки бошқа бирон-бир шахс томонидан қўрқитиш, раҳмсиз муомала қилиш, шаъни ва қадр-қимматини камситиш ҳолатлари бўлмагани, ўз жонига қасд қилишига руҳиятидаги ўзгариш сабаб бўлгани аниқланган.

Текширув якунга кўра О.Қўчқоровинг ўз жонига қасд қилганлиги ҳолати бўйича Ўзбекистон Республикаси ЖПКнинг 83-моддаси 2-бандига асосан жиноят иши қўзғатишни рад этиш ҳақида қарор қабул қилинган.

Расмий баёнот

Ижтимоий тармоқларда тарқалган Норин тумани, “Шўрариқ” маҳалласида Д.Т. ўзининг таниши С.Т. ни пул олди-бердиси низоси бўйича пичоқлаганлиги ҳақидаги ҳолат юзасидан.

Норин тумани, “Қозоқовул” МФЙда яшовчи Д.Т. ўзига тегишли бўлган “Малибу-2” русумли автомашинасини 2022 йилнинг июль ойида Норин тумани, “Шўрариқ” МФЙда яшовчи С.Т. га ўзаро келишувларига асосан сотиб, шу куни пулнинг бир қисмини олган ва қолган қисмини кейинчалик беришга келишишган.

С.Турғунов  келишилган пулни ўз вақтида бермаганидан сўнг, Д.Т. пулни олиш мақсадида жорий йилнинг 30 сентябрь куни С.Т. билан учрашган вақтида ўзаро жанжаллашиб қолишган ва С.Т. хўжалик пичоғи билан Д.Т. нинг ҳаёти учун муҳим бўлган тана қисмига бир маротаба қасддан уриб, тан жароҳати етказган.

Д.Т. шифохонага олиб борилиб зарур тиббий ёрдам кўрсатилган бўлишига қарамай у шифохонада вафот этган.

01.10.2022 йилда Норин туман прокуратураси томонидан фуқаро С.Т. га нисбатан Ўзбекистон Республикаси ЖКнинг 97-моддаси билан жиноят иши қўзғатилиб, шу куни унга нисбатан қамоққа олиш тарзидаги эҳтиёт чораси қўлланилган.

#эълон

📢 Диққат!!! Ўзбекистон Республикаси Бош прокуратураси Академияси Ахборотномаси илмий-амалий ҳуқуқий журналига 2023 йил учун обуна давом этмоқда!

Журналга 2010 йилда асос солинган бўлиб, у Ўзбекистон Республикаси Вазирлар Маҳкамаси ҳузуридаги Олий аттестация комиссияси томонидан юриспруденция соҳасида асосий илмий-амалий натижаларни нашр қилиш учун тавсия қилинадиган илмий нашрлар рўйхатига киритилган. Журнал 3 ойда бир марта нашр қилинади, мақолалар ўзбек, рус ва инглиз тилларида чоп этилади.

Олий аттестация комиссияси раёсатининг қарори билан Ахборотноманинг электрон иловаси ҳам Рўйхатга киритилган бўлиб, бу илмий изланувчилар ва муаллифлар учун қўшимча имкониятлар яратади.

Обуна масаласида қуйидаги телефон рақамларга боғланинг:
(71) 202 04 96 (1724);
(71) 202 07 16 (1582);

Ҳудудларга етказиб бериш:
(99) 808 29 95 рақамига боғланинг.
Веб-сайт: https://proacademy.uz

📣 Бизни ижтимоий тармоқларда кузатинг!
Facebook | Instagram | Twitter | You Tube