مرات اريد احچيلك اليوجعني
ومرات اريد ابچيلك وتحضني
مرات اغمض وارجع لموعدنه
من الفرح چانت الدنيا ما توسعنه
مشتهي اتوسل نضره من عيونك
تاخذني وتسافر وبيه تغني
ضلت بنفسي الزم چفوفك
والعب بأصابيعك واطوفك
مشتاگ اسولفلك واضحكك
ومحتاج افرفح يم رگبتك
وتشيل هذا الحزن عني
تذكر بموعدنه شحچينه
ودروبنه البيهن مشينه
يوميه امر بيهن وأغني
هنا سولفينه هنا سكتنه
وهنا تسامرنه وكعدنه
هذا الدرب منا عبرنه
هنا ردت احضنك بس خجلنه
هنا گتلي نرجع تأخرنه
ومشينه وگلمن گاد حزنه

انه كلش مو سعيد
من القريب من البعيد
من الحجي الكاعد يزيد
الدنيا مني تريد شي
وانه شي ثاني اريد
وهواي ناس محاوطتني
بس احس نفسي وحيد
ودائماً أبني واقاتل
والكه غيري المستفيد
وأغلط وانسى وأعيد
انه كلش مو سعيد

شيصير لو بابي على بابَك
و اهالينا حَبايب !