استغرب من الي يكدرون يقطعون علاقاتهم بسرعه

عندي مشاكل بالتعلق انا كلش

يعني مستحيل اترك انسان يفهمني وانا فهمته وصار اله مكان بكلبي

بس حاليا كل الي عرفوا عني خفت علاقتي بيهم

البعض الي غسل عاري بشكل صريح بالانستا

والبعض الي ينطيني نصائح دينية

والبعض الي يباوعلي بقرف

والبعض الي بس يحبني مثلما انا

عندي صديقتين لحد الان وياي وهم كلش هوموفوبيك يعني بس مع ذلك تقبلوني ومانحجي بموضوع ميولي يعني احجي انا بس مو كلش هواي

البيئة الي تتقبلك راح تشعر بيها بأرتياح عظيم

لذلك لاتيأس عزيزي

دوم اكو ناس مثلك بهذا الكون

مو لان البيئات الي بحثت بيها ماتقبلتك معناها انت ماتستحق تعيش او لازم تشعر بالعار من نفسك

بالعكس اكو ناس مثلك وتدور عن ناس مثلها

لذلك اكو 8 بليون شخص مدري 14

علمود نلكه ناسنه وبيئتنا المناسبة

انا اشوف القنوات مهرب من بيئة مستحيل تتقبلني كأنسان كما خلقني ربي

يمكن بعدني اخاف من اهلي

لكن مااخاف من غيرهم يعرف بحقيقتي

لذلك اتجنب الناس الي يعرفون اهلي

هاي القناة ملجئي