-
ညောင်ဦးအခြေစိုက်တပ်ခွဲ NUG MODအောက်ကနုတ်ထွက်
■ NUGအောက်ကနုတ်ထွက်တဲ့အဖွဲ့၇ဖွဲ့အထိ ရှိလာ    

ညောင်ဦးမြို့နယ်21 BAGAN LPDF ကNUG(MOD)လက်အောက်ကခွဲထွက်ကြောင်းဒီနေ့ ဧပြီ ၂၄ရက်နေ့မှာထုတ်ပြန်ပါတယ်။

တပ်ဖွဲ့အချင်းချင်းလေးစားမှုမရှိတဲ့အပြင်မြေပြင်အခြေအနေအတိအကျမသိဘဲဆုံးဖြတ်နေတာတွေကြောင့်နုတ်ထွက်ရတာဖြစ်ပြီး အခြားအဖွဲ့တွေနဲ့ဘဲအတူဆက်လုပ်မယ်လို့ 21 BAGAN LPDFကထုတ်ပြန်ထားပါတယ်။

NUG MODအောက်ကနုတ်ထွက်သွားတဲ့21 BAGAN LPDFတပ်ခွဲ ၃ အဖြစ်တာဝန်ထမ်းဆောင်ခဲ့ချိန်မှာ ညောင်ဦးမြို့နယ်ပကဖဆီကနေရရှိခဲ့တဲ့MA1သေနတ်၂ လက်၊ ၅.၅၆ ကျည်အတောင့်၂၀၀ပြန်လည်အပ်နှံခဲ့တယ်လို့သိရပါတယ်။

လက်ရှိအချိန်ထိ NUG MOD အောက်ကနေ နုတ်ထွက်​အဖွဲ့၇ဖွဲ့အထိရှိလာပြီးဧပြီ ၂၁ ရက်ကလည်း ကျောက်ဆည်ခရိုင် အမှတ် ၂ တပ်ရင်းနုတ်ထွက်ခဲ့သလို ရှမ်းတောင်နဲ့ ကရင်နီအစပ်မှာရှိတဲ့ အမှတ် ၁၀၀၅ တပ်ရင်း (SSPDF) နဲ့ အမှတ် (၁၀၀၈) တပ်ရင်း (SSRY)၊ မွန်ပြည်နယ်အတွင်းမှာရှိတဲ့ ဂဠုန်စစ်ကြောင်း၊ကျားဖြူစစ်ကြောင်းနဲ့ မကွေးတိုင်းဂန့်ဂေါ PDF(ပြည်သူ့ကာကွယ်ရေးတပ်ဖွဲ့-ဂန့်ဂေါတပ်ရင်း - ယောဒေသ)တို့လည်းနုတ်ထွက်ထားပါတယ်။

ဓာတ်ပုံ - 21 BAGAN LPDF
▪️crd

ပြတ်တောက်နေတဲ့ဆက်သွယ်ရေးတာဝါတိုင်တွေကို အစိုးရက ချက်ချင်းပြင်ဆင်ပေးတာ ဝမ်းသာစရာကောင်းပါတယ်..

အကြမ်းဖက်သမား PDF တွေက မိုင်းထောင်ဖောက်ခွဲ မလုပ်ပါစေနဲ့လို့ ဆုတောင်းပါတယ်..

ပြန်လည်ထူထောင်ရေးလုပ်ငန်းတွေ အရှိန်အဟုန်မြင့်ဆောင်ရွက်နေပါတယ်...

Bullet Voice

၂၀၂၅ဧပြီ ၂၄ ရက် ကြာသပတေးနေ့ မနက်ခင်း
သတင်းများ

နိုင်ငံတကာ ထူးခြားသတင်းများ

အိန္ဒိယ တွင် အမေရိကန်ဒုသမ္မတရောက်နေစဥ် ကက်ရှမီးယားဒေသ ခရီးသွားများပစ်ခတ်ခံရ၍ ၂၆ ဦးသေ ၁၇ ဦးဒဏ်ရာရသည် ၊ အကြမ်းဖက်သူများမှာ ပါကစ္စတန်ကြောထောက်နောက်ခံပြု ခွဲထွက်ရေးသမားများဖြစ်သည်ဟု အိန္ဒိယကစွတ်စွဲလိုက်ပြီး ပိတ်ဆို့ရှာဖွေနေသည် ။

မဂ္ဂနီဆီယံဟိုက်ဒရိုက် မှ အခြေခံထုတ်လုပ်သော အနုမြူဗုံးထက် ပိုပြင်းသည့် ဟိုင်ဒရိုဂျင်ဗုံးတစ်လုံးကို တရုပ်တို့ ဖောက်ခွဲစမ်းသပ်ခဲ့သည် ။

VOA/RFA/MBN သတင်းဌာနများ၏ဝန်ထမ်းအားလုံးကို အလုပ်ပြန်ခန့်ရန် ဖက်ဒရယ် တရားသူကြီးတစ်ဦးကအမိန့်ချမှတ်ခဲ့ခြင်းအပေါ် အစိုးရကလိုက်နာရန်ရှိမရှိ မသိရသေးပေ ။

F - 35 နှင့် သဏ္ဍန်တူသော KAAN အမည်ရှိ ပဥ္စမမျိုးဆက် ကိုယ်ပျောက် ဂျက်တိုက်လေယာဥ်တစ်စီး တူရကီ ကထုတ်လုပ်ခဲ့သည် ။

ဖိလစ်ပိုင်တောင်ပိုင်းတွင်ပြင်းအား ၆.၃ အဆင့်ရှိ ငလျင် တစ်ခုလှုပ်ခဲ့သည် ။

တက္ကဆလာ ကား များ ရောင်းအားကျပြီးနောက် အစိုးရ ကို ကူညီနေမှု့များမလုပ်တော့ဟု အီလွန်မတ် က ပြောသည် ၊ ၎င်းဦးဆောင်သော DOGE အဖွဲ့စစ်ဆေးမှု့ကြောင့် ဝန်ထမ်း ၂ သိန်းကျော်အလုပ်ပြုတ်ခဲ့၍ လူမုန်းများနေသည် ။

ပြည်တွင်း ထူးခြားသတင်းများ-

ကော့ကရိတ် နှင့် ကျုံဒိုး မြို့များ ကို ကရင်သူပုန်တို့ ပိတ်ဆို့ထားသည် ။

မြိတ် ထားဝယ် ကားလမ်း သူပုန်ပိတ်ဆို့ထား၍ ခရီးသည်များသည် တစ်ယောက် ၃ သိန်းနှုံးဖြင့် ရေလမ်း မှ စပိဘုတ် ဖြင့်သွားလာနေရသည် ။

မုံရွာမြို့ မြဝတီ တိုးချဲ့ကွက်သစ်နေ ဂျွန်မိုးသဲ ဆိုသူသည် ပြည်သူများအထိတ်တလန့်ဖြစ်စေရန် ငလျင်လှုပ်မည်ဟု TikTok ၌ တင်ခဲ့၍ ဖမ်းဆီးခဲ့သည် ၊ ၎င်းသည် မြို့ပေါ်၌ဆန္ဒပြခြင်း ၊ KNDO စခန်း၌ အကြမ်းဖက်သင်တန်းတက်ခြင်း ၊ PDF ထောက်ပို့လုပ်ခြင်းတို့ကြောင့် အကြမ်းဖက်ပုဒ်မ ၅၀/ည ၊ ၅၂/က တို့ဖြင့်ထောင်ကျပြီး လွတ်ငြိမ်းဖြင့်လွတ်လာသူဖြစ်သည် ။

မင်္ဂလာတောင်ညွှန့် ၁၀၈ လမ်းတိုက်ခန်းတွင်တစ်ဦးတည်းနေသူ ဒေါ်အရှာဘီ (၆၀ နှစ်) သတ်ဖြတ်ခံရပြီးရွှေငွေများယူဆောင်သွားသူများ ဖမ်းမမိသေးပေ ။

ရန်ကုန် - ပြည်လမ်း မင်းလှမြို့အနီး PDF များကမိမိလုံခြုံရေးတပ်ဖွဲ့စခန်းများအားလာတိုက်ခဲ့သည် ။

တရုပ် လူမှု့မီဒီယာ ဝီချက် သုံးနေသော NUG အုပ်စုများ အပိတ်ခံရသည် ။

ပြင်းထန်ငလျင်လှုပ်ခဲ့သော်လည်း ၁၉၇၅ ခုနှစ်က အစိုးရဆောက်လုပ်ရေးဝန်ကြီးဌာနက စနစ်တကျတည်ဆောက်ခဲ့သော စစ်ကိုင်းမြို့ ဇေယျာသီရိ ရုပ်ရှင်ရုံဟောင်းကြီး လုံးဝထိခိုက်မှု့မရှိခဲ့၍ နာမည်ကြီးနေသည်။

ကိုးကန့်သူပုန်တို့ လားရှိုးမှဆုတ်ခွာခဲ့ပြီးနောက် မူဆယ် - မန်း လမ်းတလျှောက်မြို့ရွာများကိုသိမ်းယူထားသော ပလောင်သူပုန်များ အလှည့်ဖြစ်ကြောင်း သတင်းများ ထွက်ပေါ်နေသည် ။

ပါတီနိုင်ငံရေးလှုပ်ရှားမှုသတင်း

ပြည်ထောင်စုနယ်မြေ USDP သည် ယနေ့ ဧပြီ ၂၄ ရက်မနက်ပိုင်းတွင် ဇေယျာသီရိမြို့နယ်တွင်းရှိ ကျေးရွာ ၅ ရွာမှ အိမ်ပြို မိသားစု ၅၇ စုအား ပစ္စည်းစုံ ၁၀ မျိုးပါ သေတ္တာများ ထောက်ပံ့မှု့ ပြုလုပ်သွားမည်ဖြစ်ကြောင်း သတင်းရရှိ
ပါသည်။

နိုင်ငံတော်စီမံအုပ်ချုပ်ရေးကောင်စီ ဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိင် မန္တလေးငလျင်ကြီးကြောင့် ထိခိုက်ပျက်စီးမှုများဖြစ်ပေါ်ခဲ့သည့် အမျိုးသားစာကြည့်တိုက် (နေပြည်တော်)နှင့်ဥပ္ပါတသန္တိစေတီတော်ကြီးရင်ပြင်တော်နှင့်သာသနိကအဆောက်အဦများအားသွားရောက်ကြည့်ရှုစစ်ဆေး၊လိုအပ်သည်များလမ်းညွှန်မှာကြားသည်။

ရန်ကုန်၊ ဧပြီလ -၂၄ ရက်။

တပ်မတော်မှ အပစ်ရပ်စဲထားမှုကို အခွင့်ကောင်းယူ၍ အလစ်အငိုက်လာရောက်တိုက်ခိုက်သော သူပုန်များ၏ ယုတ်မာသည့်လုပ်ရပ်များ (ဧပြီ ၂၃ ရက်)

(၁) နန့်မွန်း (ကချင်ပြည်နယ်)

ဧပြီလ ၂၃ ရက် မနက်ပိုင်းအချိန်က ကချင်ပြည်နယ်၊ နန့်မွန်းမြို့အနီးရှိ တပ်စခန်းတစ်ခုအား အကြမ်းဖက် KIA ၄၀ ဦးခန့်က လာရောက်တိုက်ခိုက်သဖြင့် တိုက်ပွဲဖြစ်ပွားခဲ့။ ဖြစ်စဉ်တွင် စစ်သည် ၁ ဦး ကျဆုံးပြီး ပြည်သူ့စစ် ၁ ဦး ဒဏ်ရာရရှိကာ ရန်သူ့ထံမှ -
(၁) အကြမ်းဖက် KIA ၂ လောင်း
(၂) M-22 သေနတ် ၁ လက်
(၃) ကျည်အိမ်/ကျည်ဆန်များ
(၄) 4 Channel Jammer ၁ ခု
တို့အား သိမ်းဆည်းရရှိခဲ့။
-
(၂) ဗန်းမော်

ဧပြီလ ၂၃ ရက် ညနေပိုင်းအချိန်က ဗန်းမော်မြို့ရှိ တပ်ရင်းဌာနချုပ်တစ်ခုအား အကြမ်းဖက် KIA အဖွဲ့က လက်နက်ကြီး ၃ လုံး ပစ်ခတ်ခဲ့၍ မှီခိုသား/သမီး ၂ ဦး၊ အရပ်သားဝန်ထမ်း(ထမင်းချက်) ၁ ဦး ဒဏ်ရာ ရရှိခဲ့ပါသည်။
-
(၃) မူဆယ်

ဧပြီလ ၂၃ ရက် နေ့လည်အချိန်က ကောင်းမှုတုံရပ်ကွက်၊ ဖူလီလိုက်လမ်းတွင် လူသတ်/ပြန်ပြေးဆွဲနေသည့် အကြမ်းဖက် သမားများရောက်ရှိနေကြောင်း ဒေသခံများ၏ သတင်းပေးမှုကြောင့် သွားရောက်ရှင်းလင်းရာ ထိတွေ့မှုဖြစ်ပွားခဲ့။ ဖြစ်စဉ်တွင် မိမိထိခိုက်မှုမရှိ၊ ရန်သူ့ထံမှ -
(၁) အကြမ်းဖက် TNLA (ယူဆရသူ) ၂ လောင်း
(၂) M-16 သေနတ် ၁ လက်
(၃) ပစ္စတို ၁ လက်
(၄) ကျည်အိမ်/ ခဲယမ်းများ
သိမ်းပိုက်ရရှိခဲ့ပါသည်။
-
(၄) ကျောက်ဂူ

ဧပြီလ ၂၃ ရက် မွန်းလွဲအချိန်က ကျောက်ဂူရွာအနီးရှိ တပ်စခန်းတစ်ခုအား အကြမ်းဖက် DPLA ၄၀ ဦးခန့်က လာရောက်တိုက်ခိုက်သဖြင့် ထိတွေ့မှုဖြစ်ပွားခဲ့။ ဖြစ်စဉ်တွင် မိမိထိခိုက်မှုမရှိ၊ ရန်သူ့ထံမှ -
(၁) အကြမ်းဖက် DPLA ၃ လောင်း
(၂) သေနတ်မျိုးစုံ ၃ လက်
(၃) ကျည်အိမ်/ ကျည်ဆန်များ
(၄) လက်ပစ်ဗုံး ၁၁ လုံး
(၅) အိုင်ကွန် ၁ လုံး
(၆) စိတ်ကြွဆေးပြား ၂၂ ပြား
တို့အား သိမ်းဆည်းရရှိခဲ့ပါသည်။
-
(၅) လေးမျက်နှာ

ဧပြီလ ၂၃ ရက် မနက်ပိုင်းအချိန်က လေးမျက်နှာမြို့၏ အနောက်တောင်ဘက် မီတာ ၂၀၀၀၀ ခန့်အကွာတွင် လခရစစ်ကြောင်းနှင့် အကြမ်းဖက် ၁၅ ဦးတို့ ထိတွေ့မှု အနည်းငယ်ဖြစ်ပွားခဲ့။ ဖြစ်စဉ်တွင် မိမိစစ်သည် ၁ ဦး ဒဏ်ရာရရှိပြီး ရန်သူ့ထံမှ -
(၁) အကြမ်းဖက် ၂ လောင်း
(၂) လက်နက်မျိုးစုံ ၃ လက်
(၃) ဖုန်း ၄ လုံး
(၄) ကျည်အိမ်/ ကျည်ဆန်များ
သိမ်းပိုက်ရရှိခဲ့ပါသည်။
-
(၆) တုံးတံတား (ကရင်ပြည်နယ်)

ဧပြီလ ၂၃ ရက် နေ့လည်ပိုင်းအချိန်က ကရင်ပြည်နယ်ရှိ တုံးတံတားစခန်းအား အကြမ်းဖက် KNLA ၂၀ ဦးခန့်က တိုက်ခိုက်ရန် ချဉ်းကပ်လာသဖြင့် စတင်ပစ်ခတ်ခဲ့ရာ ထိတွေ့တိုက်ပွဲ အနည်းငယ် ဖြစ်ပွားခဲ့။ ဖြစ်စဉ်တွင် မိမိထိခိုက်မှုမရှိ၊ ရန်သူ့ထံမှ -
(၁) အကြမ်းဖက် KNLA ၂ လောင်း
(၂) လက်နက်မျိုးစုံ ၂ လက်
တို့အား သိမ်းဆည်းရရှိခဲ့ပါသည်။
-
အထက်ဖော်ပြပါဖြစ်စဉ်များသည် အကြမ်းဖက်သူပုန်များအနေနဲ့ ငလျင်ကယ်ဆယ်ရေးလုပ်ငန်း အင်တိုက်အားတိုက် လုပ်ဆောင်နိုင်ရန် တပ်မတော်မှ အပစ်ရပ်စဲထားမှုကို အခွင့်ကောင်းယူ၍ အလစ်အငိုက်လာရောက် တိုက်ခိုက်မှုဖြစ်စဉ်များ ဖြစ်ပါသည်။
-
လာရောက်တိုက်ခိုက်သည့်ရန်သူများအား တုံ့ပြန်ရန်အခွင့်အရေးအရ တန်ပြန်ချေမှုန်းခြင်းသာ ဖြစ်ပါသည်။ တပ်မတော်မှ စတင်တိုက်ခိုက်ခြင်းမျိုး မရှိပါ။
-
တိုက်ပွဲသတင်းစုံ

🙏🙏🙏မင်္ဂလာနံနက်ခင်းလေးဖြစ်ကြပါစေ..
..အားလုံးသောမိသားစုများဘေးရန်ကြောင့်ကြဆင်းရဲခြင်းကင်း၍ ကိုယ်စိတ်နှစ်ဖြာချမ်းသာလျှက် ကောင်းမွန်သောနေ့ရက်သစ်များ ပိုင်ဆိုင်နိုင်ကြပါစေ .....ကပ်သုံးပါးမှ ကင်းလွတ်နိုင်ကြပါစေ.....🙏🙏🙏.