နေပြည်တော်အတွင်း ရေကြီးမှုကြောင့် ထိခိုက်ပျက်စီးသည့်နေရာများအား ဒုတိယဗိုလ်ချုပ်မှူးကြီး စိုးဝင်း သွားရောက် စစ်ဆေး၊ ရေဘေးသင့်ပြည်သူများအား တွေ့ဆုံထောက်ပံ့

အမျိုးသားသဘာဝဘေးအန္တရာယ်ဆိုင်ရာ စီမံခန့်ခွဲမှုကော်မတီဥက္ကဋ္ဌ နိုင်ငံတော်စီမံအုပ်ချုပ်ရေး ကောင်စီ ဒုတိယဥက္ကဋ္ဌ ဒုတိယဝန်ကြီးချုပ် ဒုတိယဗိုလ်ချုပ်မှူးကြီးစိုးဝင်းနှင့် အဖွဲ့ဝင်များသည် စက်တင်ဘာ ၁၄ ရက်နေ့က ရန်ကုန် - မန္တလေး ကားလမ်းဟောင်းပေါ်ရှိ အရှည် ပေ ၁၉၀၊ အကျယ် ၂၈ ပေရှိ နဝင်းချောင်းတံတားအား ရေတိုက်စားမှုကြောင့် ပြိုကျပျက်စီးခဲ့မှု အခြေအနေများနှင့် ယာယီဘေလီတံတား တည်ဆောက်နေမှု အခြေအနေများအား ကြည့်ရှုကာ တာဝန်ရှိသူများအား လိုအပ်သည်များ မှာကြားခဲ့သည်။

ခရီးသွားပြည်သူများ အဆင်ပြေစွာ သွားလာနိုင်ရေး အတွက် လမ်းတံတားဦးစီးဌာနမှ ဝန်ထမ်းများနှင့် တာဝန်ရှိသူများက နဝင်းချောင်းတံတားတွင် ယာယီဘေလီတံတားကို တံတားခံနိုင်ဝန် တန် ၄၀၊ အရှည်ပေ ၁၀၀၊ ယာဉ်သွားလမ်း အကျယ် ၂၄ ပေ၊ သံဘေလီသုံးလွှာ ၁ ထပ် တံတားထိုးခြင်းလုပ်ငန်းကို စက်တင်ဘာ ၁၁ ရက်မှစ၍ အစားထိုး စတင် တည်ဆောက်လျက်ရှိရာ စက်တင်ဘာ ၁၆ ရက်တွင် ပုံမှန်အတိုင်း ပြန်လည်သွားလာနိုင်မည် ဖြစ်ကြောင်း သိရသည်။

အုတ်တွင်းမြို့နယ်တွင် စစ်တောင်းမြစ်ရေမြင့်တက်မှုကြောင့် ကျွဲပွဲ-မြို့စိုးတံတားတွင် ပိတ်မိနေသည့် ရေဘေးသင့် ပြည်သူများအား ကူညီကယ်ဆယ်ရေးဆောင်ရွက်

ပဲခူးတိုင်းဒေသကြီး၊ တောင်ငူခရိုင်၊ အုတ်တွင်းမြို့နယ် ကျွဲပွဲ-မြို့စိုးတံတားတွင် ပိတ်မိနေသည့် ရေဘေးသင့် ပြည်သူများအား ယနေ့နံနက် ၁၀ နာရီအချိန်ခန့်က ကူညီကယ်ဆယ်ရေးလုပ်ငန်း များ ဆောင်ရွက်ခဲ့ကြကြောင်း သိရသည်။

အဆိုပါကျွဲပွဲ-မြို့စိုးတံတားတွင် ပိတ်မိနေသည့် ရေဘေးသင့်ပြည်သူများအား ကျွဲပွဲမြို့ မြို့အုပ်ချုပ်ရေးမှူး ဦးအေးဟန်၊ စိတ္တသုခရေဘေးကယ်ဆယ်ရေးစခန်း တာဝန်ခံ ကျွဲပွဲမြို့ လျှပ်စစ်အင်ဂျင်နီယာ ဦးဇော်ဇော်မင်း၊ ရပ်ကွက်ကျေးရွာ အုပ်ချုပ်ရေးမှူးနှင့်အဖွဲ့များ၊ လူမှုကူညီ ရေးအသင်းအဖွဲ့များမှ စိတ္တသုခ ရေဘေးကယ်ဆယ်ရေး စခန်းသို့ ကူညီကယ်ဆယ်ပြောင်းရွှေ့ ပေးပြီး အဝတ်အထည်၊ အစားအသောက်နှင့် ကလေးကစားစရာအရုပ်များ ဝေငှပေးခဲ့ကြောင်း ကျွဲပွဲမြို့ အုပ်ချုပ်ရေးမှူးထံမှသိရသည်။

မြို့နယ်(ပြန်/ဆက်)
#myanmarfocus

ကရင်ပြည်နယ်၊ ဘားအံမြို့နယ်၊ အမှတ်(၈)ရပ်ကွက်ရှိ ရေဘေးသင့်ပြည်သူများအား ဘားအံမြို့နယ်မီးသတ်စခန်းမှ ရှာဖွေကယ်ဆယ်ရေးတပ်ဖွဲ့ဝင်များသည် သက်ဆိုင်ရာအဖွဲ့အစည်းများနှင့် ပူးပေါင်း၍ ရေဘေးလွတ်ရာသို့ ယနေ့တွင် ကူညီရွှေ့ပြောင်းပေးခြင်းလုပ်ငန်းများ ဆောင်ရွက်လျက်ရှိကြောင်း သိရပါသည်။
#myanmarfocus

စက်တင်ဘာ ၁၅ တွင် ကျင်းပခဲ့သည့် MFF Women Futsal Invitation Cup 2024 အုပ်စု နောက်ဆုံးပွဲစဉ် ရလဒ်များ

#MFF
#myanmarfocus