‏الليالي علمتني وانا طبعي عيوف
‏ارتجي رب الملا .ما ترجيّت الملا

‏والله اني م تضيعفت مع الناس الضعوف
‏اقفي ليّا صار مالي لا قبول ولا غلا 👌🏻.

‏حاجتي ماهي تحرّك في شعوري ساكن
‏والشفوف اللي تذلّ الناس ماواطنها
‏ٓ
‏يوم جاتني كانت أغلى ماملكته لكن
‏والله إن نفسي عليّ أعزّ واغلى منها .

‏سلامات يالحظ المكوّع عسى ماباس؟
‏ترا القوم قامو وانت ياحظي مكوّع

‏طلبتك تحرك قلد حظوظ باقي الناس
‏ترى الوضع ياحظي على جنب ومروّع .

‏محتزم لظروف الأيام بالصبر الجميل
‏ومن نشدني قلت طيب وأموري طيبه
‏ㅤ
‏ما رجيت من البشر لا كثير ولا قليل
‏في رجا اللي من رجا رحمته ما خيّبه .

‏ياوجودي اللي يخطط علي القاع بعصاه
‏شايف طيبه مـع الناس مامنه ثمره .

ياليت الأيام .. في يديني وأرجعها
وأعدل أشياء ما كانت على بالي .

حازه بالخاطر بس ميخالف تعودنا :(

صادمت ميلات الدهر والليالي
وحلفت ما أرضى بالمهونه وانا حي
ٰ
أبقى عزيز وعزتي " راس مالي "
لو كان ما املك في حياتي ولاشي .

أطراف كبدي من جهتكم رقاقه
لا مرها النسناس .. يثر عليها .