"‏ولا نحكي ولا نشكي ولو شفنا جفـا و عثور
‏عزيز النفس دايّم حاجتـه بالنفس يكتمها " .

‏"تمادى بي جفاف الماء وأنا أبني من حَنيني بيت ، أدوّر قلب يشبهني ومرّ العمر ما نلته " .

جفاني بعد ماشاف قلبي تعلق فيه
‏وهو داري ان بعده ياثر على حالي .

عزتيلي يومني في حياتِي ما أسّترحت
‏كل ما داويت جرحٍ يجي غيره بديل .

ترا حنا نقول بخير و وحوالنا زينة
وحنا نشوف الضيم من سود الايام .

‏ماعاد توجعني خيانات الاحباب
‏وماعاد يصدمني الخوي لاتردى.

‏انا حالفٍ ما اجوز عن جرة الطاروق
ولا اخلي المشراف مادمت بحتاله .

‏الليالي علمتني وانا طبعي عيوف
‏ارتجي رب الملا .ما ترجيّت الملا

‏والله اني م تضيعفت مع الناس الضعوف
‏اقفي ليّا صار مالي لا قبول ولا غلا 👌🏻.

‏حاجتي ماهي تحرّك في شعوري ساكن
‏والشفوف اللي تذلّ الناس ماواطنها
‏ٓ
‏يوم جاتني كانت أغلى ماملكته لكن
‏والله إن نفسي عليّ أعزّ واغلى منها .

‏سلامات يالحظ المكوّع عسى ماباس؟
‏ترا القوم قامو وانت ياحظي مكوّع

‏طلبتك تحرك قلد حظوظ باقي الناس
‏ترى الوضع ياحظي على جنب ومروّع .