انا بدي أغني طرب والعرب ممسين
لاكن قلبي المرجوج ضايق ولا بدّه

أيلا من تغدى خالي الهم أبو قلبين
انا كبدي تعيف الغدى جعلها الغدّه

انا طرقي يرجي زمانه عساه يزين
ويلامن حصله قوت يومه نسى غدّه

ياقلبي لامن ضقت أش الضيق للمسكين
ويادمعي لامن سلت أخ والمرجله هدّه

وياعجمي لامنك طحت تكفى طيح بزين
أبا طيحتك طيحت شجاع ماهوب ودّه

⁃ محمد بن الذيب .

من زان حَنا له على الزينِ خلانّ
‏ يامنِ وحنـا بالعهدَ ما نخـونه .
‏- راكان بن حثلين .

"‏ولا نحكي ولا نشكي ولو شفنا جفـا و عثور
‏عزيز النفس دايّم حاجتـه بالنفس يكتمها " .

‏"تمادى بي جفاف الماء وأنا أبني من حَنيني بيت ، أدوّر قلب يشبهني ومرّ العمر ما نلته " .

جفاني بعد ماشاف قلبي تعلق فيه
‏وهو داري ان بعده ياثر على حالي .

عزتيلي يومني في حياتِي ما أسّترحت
‏كل ما داويت جرحٍ يجي غيره بديل .

ترا حنا نقول بخير و وحوالنا زينة
وحنا نشوف الضيم من سود الايام .

‏ماعاد توجعني خيانات الاحباب
‏وماعاد يصدمني الخوي لاتردى.

‏انا حالفٍ ما اجوز عن جرة الطاروق
ولا اخلي المشراف مادمت بحتاله .

‏الليالي علمتني وانا طبعي عيوف
‏ارتجي رب الملا .ما ترجيّت الملا

‏والله اني م تضيعفت مع الناس الضعوف
‏اقفي ليّا صار مالي لا قبول ولا غلا 👌🏻.