З новым годам, сябры! Усе мы проста цяпер не можам істотна ўплываць на падзеі вакол нас, але мы можам працаваць на перспектыву - вучыцца быць беларусамі самі і навучаць гэтаму сваіх вучняў і дзяцей, каб у іх нават не ўзнікала ў жыцці пытання "хто я?", з якім шматлікія з нас разбіраюцца цяпер, а яны сталелі з гэтым разуменнем. Улічваючы, што ў нас суполка творчых людзей, мы хочам пажадаць вам у новым годзе натхнення менавіта на творчую дзейнасць, бо сапраўдная і сумленная творчасць робіць гэты свет лепей. Памнажайце вакол сябе любоў, сумленнасць, свядомасць і прыгажосць, а ўсё астатняе абавязкова вырасце з гэтых зерняў. Шчаслівых святаў!

P.S. Чыё навагодняе віншаванне сёння ў 23:45 глядзець вы, спадзяемся, ведаеце і без нас 😉

Вітанне, сябры. Прыйшоў час спыніць нашыя канікулы і вярнуцца да працы!

Мінулыя паўгады мы штотыднёва публікавалі для вас разнастайныя табліцы, парады па пераходзе на беларускую мову ў класе і дома і адукацыйныя відэа - ўсё матэрыялы дасяжныя па хэштэгах у спецыяльным посце. Гэта і застанецца асноўным кірункам нашай дзейнасці за выключэннем таго, што перыядычнасць выхаду матэрыялаў крыху панізіцца, бо (і гэта важна) мы жадаем ажыццявіць некалькі вялікіх праектаў па-за межамі сеткі нашых сацсетак, дадаць беларускасці ў рэальнае жыццё, так бы мовіць, і гэта патрабуе агромністай колькасці рэсурсаў і часу. Але вынік вас дакладна не расчаруе 😉

Вы заўсёды можаце пісаць нам па ўсіх пытаннях і прапановах ў спецыяльны чат-бот @muzbiel_bot

Рэдакцыя Muzyka bielaruskaj віншуе ўсіх беларусаў і асабліва настаўнікаў з Днём роднай мовы! Чаму настаўнікаў асабліва? Менавіта таму, што праз нас маюць распаўсюджвацца карысныя і добрыя ідэі, зерне якіх будзе развівацца ў будучых пакаленнях, а захаванне сваёй роднай мовы нягледзячы ні на якія перашкоды ёсць такой добрай ідэяй. А нашае пажаданне вам такое: "Адзначайце дзень роднай мовы кожны дзень і аднойчы неабходнасць святкаваць гэты дзень ў Беларусі канчаткова знікне!".

Сябры, на наступным тыдні (у аўторак ці сераду) ад нас будзе ВЯЛІКІ анонс! (Каб вы не думалі, што мы на вас забыліся).

Не хочацца пакуль што даваць ніякіх спойлераў, таму вы можаце паспрабаваць самі здагадацца што гэта будзе ў каментарах пад гэтым постам. Першы, хто выкажа правільную здагадку - атрымае прыз 😉

Падказка: такога на Беларусі не існавала ўжо даволі працяглы час.

Як мы і пісалі раней - сшыткі пачынаюць з'яўляцца ў мінскіх крамах і першая з іх "Тэхналогія" па адрасе вуліца Ляўкова, 19. Набывайце сабе нашыя сшыткі і няхай карыстанне імі прыносіць вам радасць!

У якасці аднаго з кірункаў нашай дзейнасці мы хочам запусціць цыкл артыкулаў пра элементарную тэрыю музыкі, каб вырашыць некалькі задач: раскрыць тэматыку ЭТМ на беларускай мове ў свабодным доступе, даць магчымасць удасканаліць сваю праф. лексіку і стварыць корпус тэкстаў, якія дазволяць пачынаць выкладанне больш лёгкім шляхам тым настаўнікам, што пажадаюць карыстацца ў сваёй працы беларускай мовай.

Сёняшняя тэма: тры віды мажора і мінора. Калі ласка, прачытайце гэты артыкул і застаўце свой водгук і магчымыя пажаданні ў каментарыях - гэта вельмі важна і дапамагае нам працаваць больш якасна.

Чытаць артыкул.

#Артыкулы

Апошнія некалькі тыдняў мы наладжвалі кантакты з нашымі партнёрамі і цяпер гатовыя прадставіць вам ультыматыўны спіс месцаў, дзе вы можаце набыць нашыя нотныя сшыткі (верагодна, будзе дапаўняцца):

1) "Тэхналогія" па адрасе г. Мінск, вул. Ляўкова, 19 і ў інтэрнэт-краме
2) "Кніжная шафа" па адрасе г. Мінск, вул. пр-т Дзяржынскага, 9 і праз іх інстаграм-акаўнт
3) "Акадэмкніга" па адрасе г. Мінск, пр-т Незалежнасці, 72 і ў інтэрнэт-краме
4) Інтэрнэт-крама "Кніганоша"

Ва ўсіх пералічаных вышэй месцах вы можаце купіць сшыткі як з тэрыторыі Беларусі, так і з-за мяжы.

5) Таксама па пытанні набыцця вы можаце, як і раней, звяртацца ў дырэкт нашага інстаграма альбо ў чат-бот @muzbiel_bot

Жадаем вам плённага працоўнага тыдня і прыемных пакупак!

Сёння мы працягваем публікацыю артыкулаў пра музычную тэорыю і сёняшняй тэмай будуць інтэрвалы. Што такое інтэрвал, як яны называюцца і якія якасці гучання маюць - адказы на гэтыя пытанні вы знойдзеце па спасылцы ніжэй.

Калі ласка, далучайцеся да абмеркавання ў каментарах і дасылайце гэты артыкул сваім сябрам - ўсё гэта вельмі дапамагае нам працаваць далей!

Чытаць артыкул.

#Артыкулы
#Тэорыямузыкі